Hyderabadi ప్లేయర్ సానియా మీర్జా జోరుకు బ్రేక్

రెండేళ్ల విరామం తర్వాత అంతర్జాతీయ టెన్నిస్‌లోకి పునరాగమనం చేసిన భారత ప్లేయర్ సానియా మీర్జాకు జోరుకు బ్రేకులు పడ్డాయి. ఈ ఏడాది తొలి గ్రాండ్‌స్లామ్ ఆస్ట్రేలియన్ ఓపెన్ తొలిరౌండ్‌లోనే ఈ హైదరాబాద్ ప్లేయర్ గాయం నుంచి వైదొలిగింది. గతవారం హోబర్ట్ ఇంటర్నేషనల్ టోర్నీని నెగ్గి జోరు కనబర్చిన సానియా.. గాయంతో మెగాటోర్నీ నుంచి తప్పుకోవడంతో మహిళల డబుల్స్‌లో భారత ఆశలు ఆవిరయ్యాయి.
Read Also : IND vs NZ 1st T20: ఈ రికార్డులతో కివీస్‌లో కంగారు

గురువారం మహిళల డబుల్స్‌లో తన భాగస్వామి నాడియా కిచెనోక్ (ఉక్రెయిన్)‌తో కలిసి ఆస్ట్రేలియన్ ఓపెన్ తొలిరౌండ్‌లో బరిలోకి దిగింది. అంతకుముందే ప్రాక్టీస్‌లో తన కాలికి గాయమైంది. మరోవైపు చైనీస్ జోడీ షిన్యున్ హాన్-లిన్ జుతో జరిగిన తొలిరౌండ్‌లో 2-6, 0-1తో వెనుకంజలో ఉన్న దశలో కాలిపిక్క గాయంతో సానియా మ్యాచ్ నుంచి వైదొలిగింది. అంతకుముందే గాయం కారణంగా మిక్స్‌డ్ డబుల్స్‌ నుంచి వైదొలిగింది. ఈ విభాగంలో తను భారత ప్లేయర్ రోహన్ బోపన్నతో బరిలోకి దిగాల్సి ఉంది.

Read Also : మాజీ కెప్టెన్, HCA చీఫ్ అజారుద్దీన్‌పై ఎఫ్‌ఐఆర్ నమోదు

మరోవైపు 2017లో చివరి అంతర్జాతీయ మ్యాచ్ ఆడిన సానియా గతవారమే అంతర్జాతీయ టెన్నిస్‌లో తన రెండో ఇన్నింగ్స్ ప్రారంభించింది. తన పార్ట్‌నర్ నాదియాతో కలిసి హోబర్ట్ టోర్నీని నెగ్గి శుభారంభం చేసింది. దీంతో ఆస్ట్రేలియన్ ఓపెన్‌లో అందరి ఫోకస్ ఆమెపై నిలిచింది. ఈక్రమంలో తను ఇలా గాయంతో వైదొలగడంపై భారత్ ఫ్యాన్స్ నిరాశపడ్డారు.

Read Also : సెహ్వాగ్ బట్టతలపై సెటైర్ పేల్చిన షోయబ్ అక్తర్