ప్రీమియర్ లీగ్ 2019-20 ట్రోఫీ విజేత లివర్‌పూల్

కరోనా వైరస్ క్రీడా రంగాన్ని కుదిపేసింది. ప్రపంచవ్యాప్తంగా విస్తరించిన ఈ వైరస్‌ కారణంగా దాదాపు మూడు నెలలు ఎలాంటి క్రీడలూ జరగలేదు. వైరస్ వ్యాపిస్తున్న తీరు చూస్తుంటే..? ఇప్పట్లో ఈ మహమ్మారి తగ్గుముఖం పట్టేలా కనిపించడం లేదు. దాంతో.. క్రీడా ప్రపంచం కూడా సాహసోపేతంగా ముందుకు అడుగులు వేస్తూ టోర్నీలు ఆడేస్తోంది. కానీ.. స్టేడియంలోకి మాత్రం ప్రేక్షకుల్ని అనుమతించడం లేదు.


ఇంగ్లాండ్ గడ్డపై క్రికెట్‌తో పాటు ఫుట్‌బాల్ టోర్నీలు కూడా ప్రారంభమైపోయాయి. వెస్టిండీస్, ఇంగ్లాండ్ మధ్య సౌథాంప్టన్, మాంచెస్టర్ వేదికగా మూడు టెస్టుల సిరీస్ ప్రస్తుతం జరుగుతుండగా.. ఎన్‌ఫీల్డ్ స్టేడియంలో తాజాగా ప్రీమియర్ లీగ్ ట్రోఫీ ముగిసింది. చెల్సియాతో జరిగిన ఫైనల్ మ్యాచ్‌లో 5-3 తేడాతో గెలిచిన లివర్‌పూల్ టీమ్.. తొలిసారి టైటిల్‌ని చేజిక్కించుకుంది.


లివర్‌పూల్ విజేతగా నిలవవగానే.. ఎన్‌ఫీల్డ్ స్టేడియంలో ఆటగాళ్ల సంబరాలు మిన్నంటాయి. కాసేపు తారాజువ్వల వెలుగులతో స్టేడియం పరిసరాలు ఎరుపుమయంకాగా.. స్టేడియం వెలుపల వందలాది మంది అభిమానులు సంబరాలు చేసుకున్నారు. కరోనా వైరస్ నేపథ్యంలో.. స్టేడియం పరిసరాల్లో పోలీసులు ఆంక్షలు విధించి ఉన్నా.. లివర్‌పూల్ అభిమానులు ఒక్కసారిగా స్టేడియం వద్దకి చేరుకోవడం గమనార్హం.