మూడోసారి వరల్డ్ చెస్ చాంపియన్‌గా కార్ల్‌సన్

నార్వే గ్రాండ్ మాస్ట‌ర్‌ మాగ్న‌స్ కార్ల్‌స‌న్ మ‌రోసారి ప్రపంచ చెస్ చాంపియన్‌షిప్‌ను సాధించాడు. చదరంగంలో తిరుగులేని విజయాలన సాధిస్తున్న కార్ల్‌సన్ వరుసగా మూడోసారి విజేతగా అవతరించాడు. ర‌ష్యాకు చెందిన సెర్గీ క‌ర్జాకిన్‌‌తో జరిగిన హోరాహోరీ పోరులో టై బ్రేక్‌లో కార్ల్‌సన్ విజయం సాధించాడు. 12 రౌండ్ల టోర్నీలో కార్ల్‌స‌న్‌, క‌ర్జాకిన్‌లు 6-6తో స‌మఉజ్జీలుగా నిలవడంతో టైబ్రేక్ త‌ప్ప‌నిస‌రైంది.

క్విక్‌ఫైర్ టోర్నీలో మొద‌టి రెండూ డ్రాగా ముగియ‌గా 3, 4 గేముల్లో నెగ్గిన కార్ల్‌స‌న్ 3-1తో పోటీలో ముందుకెళ్లాడు. 2013, 2014లో భార‌త గ్రాండ్ మాస్ట‌ర్ విశ్వ‌నాథ‌న్ ఆనంద్‌ను ఓడించిన సంగతి తెలిసిందే. జన్మదినం నాడే కార్ల్‌సన్ మరోసారి విశ్వ విజేతగా నిలవడం విశేషం.