ఉత్సాహంగా గర్ల్స్ సాకర్ లీగ్

ముంబై మిర్రర్ పత్రిక ఆధ్వర్యంలో నిర్వహిస్తున్న ‘మిర్రర్ గర్ల్స్ సాకర్ లీగ్’ రెండో సీజన్ శుక్రవార ముంబైలో ప్రారంభమైంది. వెస్టరన్ ఇండియా ఫుట్ బాల్ అసోసియేషన్ (WIFA), ఇండియన్ డైటెటిక్ అసోసియేషన్ (IDA), ముంబై స్కూల్స్ స్పోర్ట్స్ అసోసియేషన్ (MSSA) సహకారంతో నిర్వహిస్తున్న ఈ పోటీల ద్వారా బాలికలకు ఫుట్‌బాల్‌లో అవకాశాలను మరింత పెంచేందుకు ప్రయత్నిస్తున్నారు. తొలి సీజన్‌కు మంచి స్పందన రావడంతో రెండో సీజన్‌ను నిర్వహిస్తున్నారు.

ఈ పోటీల్లో సుమారు 200 జట్లు పోటీపడుతున్నాయి. అండర్ 12, అండర్ 14, అండర్ 16, ఓపెన్ సెక్షన్ విభాగాల్లో పోటీలు నిర్వహిస్తున్నారు. ఈ పోటీలు నాలుగు రోజుల పాటు జరగనున్నాయి. జనవరి 28, 29 తేదీల్లో లీగ్ మ్యాచ్‌లు నిర్వహిస్తారు. నాకౌట్స్, ఫైనల్ మ్యాచ్‌లు ఫిబ్రవరి 4, 5న జరుగుతాయి. తొలిరోజు లీగ్ మ్యాచ్‌ల్లో బాలికలు ఉత్సాహంగా పాల్గొన్నారు.