Neeraj Chopra నయా రికార్డ్.. భారతీయుడి ఖాతాలో డైమండ్ ట్రోఫీ

భారత స్టార్ జావెలిన్ త్రోయర్ నీరజ్ చోప్రా మరో అరుదైన ఘనత సాధించాడు. గత ఏడాది జరిగిన టోక్యో ఒలింపిక్స్‌లో పసిడి పతకం గెలుపొందిన నీరజ్ చోప్రా.. ఈ ఘనత సాధించిన తొలి భారత అథ్లెట్‌గా నిలిచాడు. తాజాగా జూరిచ్‌లో జరిగిన డైమండ్ లీగ్‌లోనూ నీరజ్ చోప్రా విజేతగా నిలిచాడు. డైమండ్ లీగ్‌లో భారత అథ్లెట్ విజేతగా నిలవడం ఇదే తొలిసారి. మోచేతి గాయం కారణంగా ఇటీవల ముగిసిన కామన్వెల్త్ గేమ్స్‌కి దూరంగా ఉండిపోయిన 24 ఏళ్ల నీరజ్ చోప్రా.. డైమండ్ లీగ్‌లో ఫస్ట్ అటెంప్ట్‌లో 84.15 మీటర్లు జావెలిన్‌ని విసిరాడు. కానీ.. చివరికి అది పౌల్‌గా తేలింది. కానీ.. ఆ తర్వాత సెకండ్ అటెంప్ట్‌లోనే 88.44 మీటర్లు జావెలిన్‌ని విసిరిన నీరజ్ చోప్రా టైటిల్‌ని సొంతం చేసుకున్నాడు. నీరజ్ చోప్రా మిగిలిన మూడు అటెంప్ట్స్‌లో జావెలిన్‌ని 88.00 మీటర్లు, 86.11మీ, 87.00మీ, 83.60మీ నీరజ్ చోప్రా విసిరాడు. సెకండ్ ప్లేస్‌లో నిలిచిన వాద్లచ్ విసిరిన దూరం 86.94 మీటర్లే. జర్మనీ అథ్లెట్ వెబర్ 83.73మీటర్లతో మూడో స్థానంలో ఉన్నాడు.