అద్భుత గోల్‌తో విజయ తీరాలకు పోర్చుగల్

పోర్చుగల్ తన చిరకాల కోరిక తీర్చుకుంది. యూరో కప్ -2016 విజేతగా నిలిచింది. ఫ్రాన్స్ దేశంలో ఫ్రాన్స్ జట్టునే ఓడించి అద్భుతమైన విజయాన్ని నమోదు చేసుకుంది. ఫ్రాన్స్ జట్టుతో జరిగిన ఫైనల్ మ్యాచులో 1-0 తేడాతో విజయం సాధించి ఫుట్ బాల్ లో విశ్వవిజేత అయ్యింది. రెండు జట్టు సమాన ప్రతిభతో పోటీ పడ్డాయి. చాలా సేపు ఒక్క గోల్ చేయడానికే చాలా కష్టపడ్డాయి. ఇరు జట్లు ఒక్క గోల్ కూడా చేయకపోయేసరికి అదనపు సమయాన్ని కేటాయించారు. ఆ సమయంలోనే ఫ్రాన్స్ ఆటగాడు ఢీకొట్టడంతో పోర్చుగల్ స్టార్ ఆటగాడు రొనాల్డో గాయంతో మైదానం వీడాడు. అయినా పోర్చుగల్ నిరాశ చెందలేదు. అదనపు సమయంలో ఎవరు గోల్ చేస్తే వారే గెలిచే పరిస్థితి ఏర్పడింది. సరిగ్గా అప్పుడే పోర్చుగల్ ఆటగాడు 25 యార్డుల దూరం నుంచి బాల్ ను గోల్ పోస్టులోకి పంపాడు. దాంతో పోర్చుగల్ విశ్వివిజేత అయ్యింది. పోర్చుగల్ అభిమానుల ఆనందానికి అంతే లేకుండా పోయింది. ఫ్రాన్స్ దేశస్థులు మాత్రం విచారం వ్యక్తం చేశారు. ఫ్రాన్స్ ఆటగాళ్లు బాధ తట్టుకోలేక భోరుమంటూ ఏడ్చారు. ఫ్రాన్స్ లో ఫుట్ బాల్ కి అభిమానులు ఎక్కువ. అందుకే ఫైనల్ లో ప్రవేశించిన ఫ్రాన్స్ ఎలాగైనా గెలవాలని ఆ దేశస్థులంతా ఎదురుచూశారు.