Saina Nehwal: సైనా నెహ్వాల్, కశ్యప్ వెడ్డింగ్‌ కార్డ్‌ వైరల్‌!

భారత స్టార్ షట్లర్లు సైనా నెహ్వాల్, పారుపల్లి కశ్యప్‌లు డిసెంబర్‌ 16న వివాహబంధంతో ఒక్కటికానున్నట్లు కొంతకాలం కిందట ప్రకటింశారు. కాగా, తాజాగా వీరి పెళ్లికి సంబంధించిన ఆహ్వాన పత్రికలు బయటకు వచ్చాయి. ప్రస్తుతం సైనా, కశ్యప్‌ల పెళ్లి పత్రికలు సోషల్‌ మీడియాలో చక్కర్లు కొడుతున్నాయి. సైనా, కశ్యప్‌లు తాము స్వయంగా ఆహ్వానిస్తున్నట్లున్న రూపొందించిన కార్డ్‌తో పాటు, సైనా తల్లిదండ్రులు ఉషారాణి, హర్వీర్‌ సింగ్‌ తరఫున ఆహ్వానం ఉన్నట్లుగా మరో ఆహ్వాన పత్రిక విపరీతంగా షేర్‌ అవుతున్నాయి.

మాదాపూర్‌లోని నొవాటెల్ హోటల్‌లో వచ్చే నెల 16న సాయంత్రం 7 గంటలకు సైనా, కశ్యప్‌ల వివాహం, అనంతరం రిసెప్షన్‌ కూడా నిర్వహించనున్నారు. మరో ఇన్విటేషన్‌లో సాయంత్రం ఆరున్నర గంటలకు అందరు హాజరు కావాలని ప్రింట్‌ చేయించారు.
దాదాపు దశాబ్దకాలం పాటు ప్రేమించుకున్న బ్యాడ్మింటన్‌ ప్లేయర్లు సైనా, కశ్యప్‌లు జూనియర్‌ స్థాయినుంచి వివిధ టోర్నీల్లో పతకాలు కొల్లగొట్టారు. ప్రస్తుతం భారత్‌కు ప్రాతినిథ్యం వహిస్తూ అంతర్జాతీయ స్థాయిలో టోర్నీలలో పతకాల వేట కొనసాగిస్తున్నారు. వివాహం తర్వాత సైతం తాను బ్యాడ్మింటన్‌ కొనసాగిస్తానని సైనా ఇటీవల స్పష్టం చేశారు.