ప్రపంచ బ్యాడ్మింటన్: స్వర్ణమే లక్ష్యం!

ఒకప్పుడు భారత ఆటగాళ్లు ప్రపంచ బ్యాడ్మింటన్ ఛాంపియన్ షిప్‌లో అర్హత సాధిండచమే గొప్ప అనే పరిస్థితి ఉండేది. అయితే, 2011 నుంచి పరిస్థితి మారిపోయింది. అదమం నుంచి ప్రథమం దిశగా అడుగులు వేస్తూ... ఫెవరెట్స్‌గా భారత్ బరిలో దిగుతోంది. ‘స్వర్ణం’ సాధించాలనే స్వప్నం సాకారం చేసేందుకు మన ఆటగాళ్లు సిద్ధమవుతున్నారు.

సోమవారం నుంచి గ్లాస్కోలో ప్రారంభమయ్యే ప్రపంచ బ్యాడ్మింటన్ చాంపియన్ షిప్‌లో ఈసారి 21 మంది భారత ఆటగాళ్లు పాల్గొంటున్నారు. పీవీ సింధూ, సైనా నెహ్వాల్, కిదంబి శ్రీకాంత్, సాయి ప్రణీత్ వంటి తెలుగు తేజాలు ఫెవరెట్స్‌గా బరిలో దిగుతున్నారు. మరి, ఎవరి బలాబలాలు ఎలా ఉన్నాయో చూద్దామా!!