కెబిఎఫ్సి సహయజమానులుగా చిరు, నాగ్

ఇండియన్ సూపర్ లీగ్ ఫ్రాంచైజీ కేరళ బ్లాస్టర్స్ ఫుట్ బాల్ క్లబ్ సహ యజమానులుగా తెలుగు సినీ తారలు చిరంజీవి, అక్కినేని నాగార్జున, క్రికెట్ దిగ్గజం సచిన్ టెండూల్కర్ తో చేతులు కలిపారు. కేరళ బ్లాస్టర్స్ క్లబ్ ను సచిన్ స్థాపించారు. చిరంజీవి, నాగార్జునతో పాటు సినీ నిర్మాత అల్లు అరవింద్, పారిశ్రామిక వేత్త నిమ్మగడ్డ ప్రసాద్ కూడా సహ యజమానులుగా చేరారు. వీరు కేరళ బ్లాస్టర్స్ ఫుట్ బాల్ క్లబ్ యాజమాన్య సంస్థ బ్లాస్టర్స్ స్పోర్ట్స్ ప్రైవేట్ లిమిటెడ్ కు చెందిన వాటాలను కొనుగోలుచేసారు. సచిన్ తో కలిసి పనిచేయడానికి తాము ఆతృతగా ఎదురుచూస్తున్నామని నాగార్జున సోషల్ మీడియాలో పోస్ట్ పెట్టగా, చిరంజీవి కూడా తాను కేరళ బ్లాస్టర్స్ క్లబ్ సహ యజమాని కావడం పట్ల ఆనందం వ్యక్తం చేసారు. ఈ నేపథ్యంలో తెలుగు సినీతారలతో కలిసి సచిన్ తిరుమల శ్రీవారిని కూడా దర్శించుకుని ఆశీస్సులు కోరిన సంగతి తెలిసిందే.