అక్కాచెల్లెళ్లదే డబుల్స్ టైటిల్

టెన్నిస్ లో తిరుగులేని రారాణులు వీనస్, సెరెనాలు. సెరెనా విలియమ్స్ ప్రపంచ టెన్నిస్ మహిళల సింగిల్స్ ఓపెన్ ను సాధించి సరికొత్త రికార్డును సొంతం చేసుకున్న విషయం తెలిసిందే. ఈ విజయంతో 22 గ్రాండ్ స్లామ్ లు సాధించిన స్టెఫీగ్రాఫ్ రికార్డును సమం చేసింది. ఇప్పుడు మరో రికార్డును అక్కతో కలిసి సాధించింది. ఈ ఇద్దరూ అక్కాచెల్లెళ్లు మహిళల డబుల్స్ టైటిల్ ను గెలిచారు. ఫైనల్లో బాబోస్ (హంగేరీ) - ష్వెదోవా (కజకిస్థాన్) జంటపై విజయం సాధించారు. వీరిద్దరూ కలిసి గెలిచిన 14వ గ్రాండ్ స్లామ్ ఇది. కాగా వింబుల్డన్ డబుల్స్ లో ఆరోది. వచ్చే నెల రియోలో జరగబోయే ఒలింపిక్స్ లో కూడా అక్కాచెల్లెళ్లు కలిపి డబుల్స్ లో ఆడబోతున్నారు.