స్పెయిన్‌కు డేవిస్ కప్ అందించిన నాదల్

ప్రపంచ నం.1 రఫెల్ నాదల్ (స్పెయిన్) ఈ ఏడాదిని ఘనంగా ముగించాడు. సొంతదేశానికి ప్రతిష్టాత్మక డేవిస్ కప్‌ను అందించాడు. సొంతగడ్డ మాడ్రిడ్‌లో భారత కాలమానం ప్రకారం ఆదివారం అర్ధరాత్రి దాటాక ముగిసిన ఫైనల్లో స్పెయిన్ 2-0తో కెనడాపై వన్‌సైడ్ విక్టరీని నమోదు చేసింది.

Read Also: ఎదురే లేని నాదల్ తొలి రెండు సింగిల్స్ మ్యాచ్‌ల్లో స్పెయిన్ ప్లేయర్లు గెలుపొందడటంతో డబుల్స్ మ్యాచ్ అవసరం లేకుండానే స్పానిష్ టీమ్ విజేతగా నిలిచింది. ఈ టోర్నీలో సూపర్ ఫామ్‌లో ఉన్న నాదల్ ఆడిన ఎనిమిది మ్యాచ్‌ల్లోనూ గెలవడం విశేషం. మరోవైపు ఈ టోర్నీలో గెలుపొందిన స్పెయిన్‌కు 2.1 మిలియన్ డాలర్ల (15 కోట్ల రూపాయలు) ప్రైజ్‌మనీ లభించింది

Read Also: ధోనీని దాటేసిన కోహ్లీ.. పింక్ బాల్ టెస్టులో రికార్డుల మోత


ఫైనల్లో నాదల్ 6-3, 7-6 (9/7)తో డెనిస్ షపలోవ్‌పై సునాయాస విజయం సాధించాడు. దాదాపు రెండుగంటలపాటు జరిగిన ఈ మ్యాచ్‌లో ఏడు భారీ ఏస్‌లు, 24 విన్నర్లతోపాటు కీలక సమయంలో ప్రత్యర్థి సర్వీస్‌ను బ్రేక్ చేసి స్పానిష్ స్టార్ విజయం సాధించాడు.

Read Also: ఇషాంత్ ప్రత్యేకమైన బౌలర్: పుజారా

అంతకుముందు జరిగిన సింగిల్స్ మ్యాచ్‌లో రాబర్ట్ బటిస్టా ఆగట్ 7-6 (7/3), 6-3తో ఫెలిక్స్ ఆగర్‌పై కాస్త శ్రమించి గెలుపొందాడు. మొత్తం మీద నాదల్.. తన కెరీర్‌లో నాలుగు డేవిస్ కప్ టైటిల్స్‌ విజయాల్లో పాలుపంచుకున్నాడు. 2004, 2009, 2011లలోనూ డేవిస్ కప్ గెలిచిన స్పెయిన్ టీమ్‌లో నాదల్ సభ్యునిగా ఉన్నాడు.

Read Also: వరల్డ్ నం.1 ఆట చూపించిన నాదల్

మరోవైపు ఈ ఏడాదిని ఇలా అద్భుత విజయంతో ముగించడం ఆనందంగా ఉందని నాదల్ పేర్కొన్నాడు. ఈ ఏడాది మునుపటి ఫామ్‌ను దొరకబుచ్చుకున్న నాదల్ ఫ్రెంచ్, యూఎస్ ఓపెన్‌లను కైవసం చేసుకోవడంతోపాటు వరల్డ్ నం.1 ర్యాంకును సొంతం చేసుకున్న సంగతి తెలిసిందే.