అట్టహాసంగా పారాలింపిక్స్ ప్రారంభం

రియోలోని మరకానా స్టేడియంలో పారాలింపిక్స్ క్రీడలు అట్టహాసంగా ప్రారంభమయ్యాయి. సాంబా సింగర్స్ ఆలపించిన పాటలతో స్టేడియం హోరెత్తిపోయింది. బ్రెజిల్ పారాలింపిక్ స్విమ్మర్ డానియెల్ డైస్ చేసిన డ్యాన్స్ అదుర్స్. వీల్‌చైర్స్‌ తో పరేడ్, రకరకాల విన్యాసా లు ఆకట్టుకున్నాయి. రియో ఒలింపిక్స్ మాదిరిగానే బ్రెజిల్ ఈ వేడుకలను వైభవంగా నిర్వహించింది. బ్రెజిల్‌ మాజీ పారాలింపియన్‌ కొల్డాల్డో సిల్వా జ్యోతిని వెలిగించాడు. ఆ దేశ అధ్యక్షుడు మైకెల్‌ టేమర్‌ క్రీడలు ఆరంభమైనట్లు ప్రకటించాడు. మనదేశం తరఫున పరేడ్‌లో జావెలిన్‌ త్రోయర్‌ దేవేంద్ర పతాకధారిగా భారత బృందాన్ని నడిపించాడు. ఈ పోటీల్లో ప్రపంచంలో నలుమూలల నుంచి వేలాది మంది అథ్లెట్లు తమ అదృష్టాన్ని పరీక్షించుకుంటున్నారు. ఇందులో కూడా శరణార్థుల జట్టు ఒలింపిక్ పతాకం కింద బరిలోకి దిగుతోంది. కాగా అంతర్జాతీయ ఒలింపిక్ కమిటీ (ఐవోసీ) అధ్యక్షుడు థామస్ బాచ్ ప్రారంభోత్సవ కార్యక్రమానికి హాజరుకాలేదు.
This is the moment we've been waiting for! Clodoaldo Silva lights the #ParalympicFlame at the #Rio2016 #Paralympics https://t.co/jkKGcsnoRU — Paralympic Games (@Paralympics) September 8, 2016