ఎలిమినేటర్ మ్యాచ్‌కు వర్షం అడ్డంకి..!

ఐపీఎల్ పదో సీజన్‌లో భాగంగా సన్‌రైజర్స్ హైదరాబాద్, కోల్‌కతా నైట్‌రైడర్స్ మధ్య జరుగుతున్న ఎలిమినేటర్ మ్యాచ్‌కి వర్షం అంతరాయం కలిగిస్తోంది. కెప్టెన్ డేవిడ్ వార్నర్ (37: 35 బంతుల్లో 2x4, 2x6), విలియమ్సన్ (24: 26 బంతుల్లో 2x4, 2x1), విజయ్ శంకర్ (22: 17 బంతుల్లో 2x4, 1x6) నిలకడగా ఆడటంతో తొలుత బ్యాటింగ్ చేసిన హైదరాబాద్ 7 వికెట్ల నష్టానికి 128 పరుగులు చేసింది. హైదరాబాద్ ఇన్నింగ్స్ ముగియగానే వర్షం రావడంతో అంపైర్లు మ్యాచ్‌ని నిలిపివేశారు. మధ్యలో ఓ పది నిమిషాల పాటు వర్షం నిలవడంతో గ్రౌండ్ సిబ్బంది కవర్లను తొలగిస్తుండగా మళ్లీ వర్షం జోరందుకుంది. ఒకవేళ వర్షం కారణంగా మ్యాచ్ రద్దయితే లీగ్ దశలో మెరుగ్గా ఉన్న హైదరాబాద్‌ని విజేతగా ప్రకటించే అవకాశం ఉంది.

11:52 గంటలలోపు మ్యాచ్ మొదలైతే.. 20 ఓవర్ల మ్యాచ్ జరుగుతంది.
12:58.. అయితే 5 ఓవర్ల మ్యాచ్
1:20.. అయితే సూపర్ ఓవర్ ద్వారా విజేతని నిర్ణయిస్తారు.