Infinix Hot 12 Play launch : 6000ఎంఏహెచ్ బ్యాటరీ, 64GB స్టోరేజ్‌తో మొబైల్ లాంచ్ - ధర రూ.9వేలలోపే
Infinix Hot 12 Play India launch : ఇన్ఫినిక్స్ నుంచి మరో బడ్జెట్ స్మార్ట్‌ఫోన్‌ లాంచ్ అయింది. ఇన్ఫినిక్స్ హాట్ 12 ప్లే పేరుతో అడుగుపెట్టింది. భారీ బ్యాటరీ, డిస్‌ప్లేను ఈ మొబైల్ కలిగి ఉంది. ఇన్ఫినిక్స్ హాట్ 12 ప్లే స్పెసిఫికేషన్లు, ధర, ఫీచర్లు ఇవే..
Authored byKrishna Prakash | Samayam Telugu23 May 2022, 4:42 pm
Infinix Hot 12 Play : బడ్జెట్ రేంజ్‌లో స్మార్ట్‌ఫోన్‌ కొనాలనుకునే వారి కోసం ఇన్ఫినిక్స్ (Infinix) మరో స్మార్ట్‌ఫోన్‌ను లాంచ్ చేసింది. 6000mAh బ్యాటరీ, 64జీబీ ఇంటర్నల్ స్టోరేజ్‌తో రూ.9వేలలోపు ధరతోనే ఇన్ఫినిక్స్ హాట్ 12 ప్లే (Infinix Hot 12 Play)ను సోమవారం భారత్‌లో విడుదల చేసింది. ఫుల్ హెచ్‌డీ+ పంచ్ హోల్ డిజైన్ డిస్‌ప్లే, వెనుక రెండు కెమెరాల సెటప్‌తో ఈ ఫోన్‌ వస్తోంది. అలాగే ఇంటర్నల్ స్టోరేజీని ఉపయోగించుకొని వర్చువల్‌గా ర్యామ్‌ను పొడిగించుకునే ఫీచర్ కూడా ఉంటుంది. ఇన్ఫినిక్స్ హాట్ 12 ప్లే స్మార్ట్‌ఫోన్‌ పూర్తి వివరాలు ఇవే..
Samayam TeluguInfinix Hot 12 Play launched in India
ఇన్ఫినిక్స్ హాట్ 12 ప్లే ధర, సేల్‌ Infinix Hot 12 Play Price : ఇన్ఫినిక్స్ హాట్ 12 ప్లే ఒకే వేరియంట్‍లో లాంచ్ అయింది. 4జీబీ ర్యామ్ + 64జీబీ స్టోరేజ్ ఉన్న ఈ మొబైల్ ధర రూ.8,499గా ఉంది. షాంపైన్ గోల్డ్, డేలైట్ గ్రీన్, హారిజన్ బ్లూ, రేసింగ్ బ్లాక్ కలర్ ఆప్షన్‌లలో లభ్యం కానుంది. ఈనెల 30వ తేదీన ఫ్లిప్‌కార్ట్‌లో ఇన్ఫినిక్స్ హాట్ 12 ప్లే సేల్‌ మొదలుకానుంది.
ఇన్ఫినిక్స్ హాట్ 12 ప్లే స్పెసిఫికేషన్లు 6.82 ఇంచుల పుల్ హెచ్‌డీ+ LCD డిస్‌ప్లేతో ఇన్ఫినిక్స్ హాట్ 12 ప్లే వస్తోంది. 90Hz రిఫ్రెష్ రేట్, 180Hz టచ్ సాంప్లింగ్ రేట్, 480 పీక్ బ్రైట్‌నెస్ ఉంటాయి. ఈ మొబైల్‌లో UniSoc T610 ప్రాసెసర్‌ ఉంది. ఆండ్రాయిడ్‌ 11 ( Android 11 ) ఆధారిత XOS 10 ఓఎస్‌పై రన్ అవుతుంది. గరిష్ఠంగా 4జీబీ ర్యామ్‌తో ఈ ఫోన్‌ వస్తుండగా.. ఇంటర్నల్ స్టోరేజీని ఉపయోగించుకొని 4జీబీ వరకు వర్చువల్‌గా ర్యామ్‌ను పొడిగించుకోవచ్చు. మైక్రో ఎస్‌డీ కార్డు స్లాట్ ప్రత్యేకంగా ఉంటుంది.
ఇన్ఫినిక్స్ హాట్ 12 ప్లే వెనుక రెండు కెమెరాలు ఉన్నాయి. 13 మెగాపిక్సెల్ ప్రైమరీ కెమెరా, మరో డెప్త్ సెన్సార్‌ను ఇన్ఫినిక్స్ ఇస్తోంది. అలాగే సెల్ఫీలు, వీడియో కాల్స్ కోసం 8 మెగాపిక్సెల్ ఫ్రంట్ కెమెరాతో ఈ ఫోన్‌ వస్తోంది. ఫింగర్ ప్రింట్ సెన్సార్ ఈ ఫోన్‌ వెనుక భాగంలో ఉంది.
Infinix Hot 12 Play మొబైల్‌లో 6000mAh బ్యాటరీ ఉంది. స్టాండర్డ్ 10వాట్ల చార్జింగ్‌కు సపోర్ట్ చేస్తుంది. 4జీ ఎల్‌టీఈ, వైఫై, బ్లూటూత్, జీపీఎస్ లాంటి కనెక్టివిటీ ఫీచర్లు ఉంటాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
