Infinix Note 12 Series India launch : ఇన్ఫినిక్స్ నోట్ 12 (Infinix Note 12), ఇన్ఫినిక్స్ నోట్ 12 టర్బో (Infinix Note 12 Turbo) మొబైళ్లు భారత్‌కు వచ్చేశాయి. బడ్జెట్ రేంజ్‌లో మంచి స్పెసిఫికేషన్లతో లాంచ్ అయ్యాయి. పూర్తి డిటైల్స్ చూడండి..
Authored byKrishna Prakash | Samayam Telugu20 May 2022, 10:04 pm
ఇన్ఫినిక్స్ నోట్ 12 సిరీస్ ( Infinix Note 12 Series ) భారత్‌లో లాంచ్ అయింది. ఇన్ఫినిక్స్ నోట్ 12 (Infinix Note 12) , ఇన్ఫినిక్స్ నోట్ 12 టర్బో (Infinix Note 12 Turbo) ఈ సిరీస్‌లో విడుదలయ్యాయి. 6.7 ఇంచుల full-HD+ డిస్‌ప్లేలతో ఈ మొబైళ్లు వస్తున్నాయి. 5000mAh బ్యాటరీ, 33వాట్ల ఫాస్ట్ చార్జింగ్ సపోర్ట్‌ను కలిగి ఉన్నాయి. అయితే ప్రాసెసర్ విభాగంలో తేడా ఉంటుంది. టర్బో మోడల్ కాస్త శక్తిమంతమైన చిప్‌తో వస్తోంది. రెండు మొబైళ్ల వెనుక ప్రధాన కెెమెరా 50 మెగాపిక్సెల్ సామర్థ్యంతో ఉంటుంది. Infinix Note 12, Infinix Note 12 Turbo మొబైళ్ల స్పెసిఫికేషన్లు, ధర, సేల్‌ వివరాలు ఇవే.
Samayam TeluguInfinix Note 12 Turbo
Infinix Note 12, Infinix Note 12 Turbo: ధర, సేల్‌ 4జీబీ ర్యామ్ + 64జీబీ స్టోరేజ్ ఉండే ఇన్ఫినిక్స్ నోట్ 12 బేస్ మోడల్ ధర రూ.11,499, 6జీబీ + 128జీబీ టాప్‌ వేరియంట్ ధర రూ.12,999గా ఉంది. ఫోర్స్ బ్లాక్, జువెల్ బ్లూ, సన్‌సెట్ గోల్డ్ కలర్ ఆప్షన్లలో ఈ మొబైల్‌ అందుబాటులోకి రానుంది. ఇక ఇన్ఫినిక్స్ నోట్ 12 టర్బో 8జీబీ ర్యామ్ + 128జీబీ స్టోరేజ్ వేరియంట్ ధర రూ.14,999గా ఉంది. ఫోర్స్ బ్లాక్, షాఫైర్ బ్లూ, స్నో ఫాల్ కలర్ ఆప్షన్లలో ఈ మొబైల్‌ లభ్యం కానుంది. ఈ నెల 27న ఫ్లిప్‌కార్ట్‌లో నోట్ 12 సేల్‌కు రానుండగా.. ఆ తర్వాతి రోజు నోట్ 12 టర్బో సేల్‌ కూడా మొదలవుతుంది.
Infinix Note 12 స్పెసిఫికేషన్లు 6.7 ఇంచుల ఫుల్ హెచ్‌డీ+ AMOLED డిస్‌ప్లేతో ఇన్ఫినిక్స్ నోట్ 12 వస్తోంది. మీడియాటెక్ హీలియో జీ88 ప్రాసెసర్ ఈ మొబైల్‌లో ఉంటుంది. ఆండ్రాయిడ్‌ 11 ఆధారిత ఎక్స్ ఓఎస్ 10.6పై రన్ అవుతుంది. ఈ ఫోన్‌ వెనుక మూడు కెమెరాల సెటప్ ఉంటుంది. 50 మెగాపిక్సెల్ ప్రధాన కెమెరా, 2 మెగాపిక్సెల్ డెప్త్ లెన్స్, మరో ఏఐ లెన్స్ ఉన్నాయి. ఇక వీడియో కాల్స్, సెల్ఫీల కోసం 16 మెగాపిక్సెల్ ఫ్రంట్ కెమెరా ఉంది. Infinix Note 12లో 5000mAh బ్యాటరీ ఉండగా.. 33వాట్ల ఫాస్ట్ చార్జింగ్‌కు సపోర్ట్ చేస్తుంది.
Infinix Note 12 Turbo స్పెసిఫికేషన్లు ఇన్ఫినిక్స్ నోట్ 12 టర్బో కూడా 6.7 ఇంచుల ఫుల్ హెచ్‌డీ+ AMOLED డిస్‌ప్లేను కలిగి ఉంది. మీడియాటెక్ హీలియో జీ96 ప్రాసెసర్ ఈ మొబైల్‌లో ఉంటుంది. ఆండ్రాయిడ్‌ 12 ఆధారిత ఎక్స్ ఓఎస్ 10.6తో ఈ మొబైల్‌ వస్తోంది. Infinix Note 12 Tubro వెనుక కూడా మూడు కెమెరాలు ఉన్నాయి. 50 మెగాపిక్సెల్ ప్రైమరీ కెమెరా, 2 మెగాపిక్సెల్ డెప్త్ షూటర్, ఓ ఏఐ లెన్స్ ఉన్నాయి. 16 మెగాపిక్సెల్ ఫ్రంట్ కెమెరాతో వస్తోంది. 5000mAh బ్యాటరీ కలిగి ఉన్న ఈ మొబైల్‌ 33వాట్ల ఫాస్ట్ చార్జింగ్‌కు సపోర్ట్ చేస్తుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
