Infinix Zero 5G ఇన్ఫినిక్స్ తొలి 5జీ ఫోన్ వచ్చేసింది - స్పెసిఫికేషన్లు, ధర ఎలా ఉన్నాయంటే?

Infinix Zero 5G launched | ఇన్ఫినిక్స్ జీరో 5జీ మొబైల్ భారత్‌లో విడుదలైంది. Infinix నుంచి వచ్చిన తొలి 5జీ స్మార్ట్‌ఫోన్ ఇదే. 120 హెట్జ్ రిఫ్రెష్ రేట్ ఉన్న డిస్‌ప్లే, వెనుక మూడు కెమెరాలు, 13 5జీ బ్యాండ్లతో ఈ మొబైల్ లాంచ్ అయింది. ఒక వేరియంట్‌, రెండు కలర్ ఆప్షన్లలో అందుబాటులోకి వచ్చింది. రూ.20వేలలోపు ధరతో విడుదలైన Infinix Zero 5G స్పెసిఫికేషన్లు, ఫీచర్లు చూడండి.
ఇన్ఫినిక్స్ జీరో 5జీ ధర, సేల్, ఆఫర్లు | Infinix Zero 5G Price
Infinix Zero 5G 8జీబీ ర్యామ్ + 128జీబీ స్టోరేజీ వేరియంట్ ధర రూ.19,999గా ఉంది. ఫిబ్రవరి 18 నుంచి ఫ్లిప్‌కార్ట్‌లో ఈ మొబైల్ సేల్ ఉంటుంది. కాస్మిక్ బ్లాక్, స్కైలైట్ ఆరెంజ్ కలర్లలో ఈ ఫోన్ లభ్యం కానుంది. ఈ మొబైల్ కొంటే రూ.999 విలువైన ఇన్ఫినిక్స్ స్నోకర్ (ఐ రాకర్) టీడబ్ల్యూఎస్ ఇయర్‌బడ్స్‌ను రూ.1కే సొంతం చేసుకోవచ్చు. అయితే ఫోన్ కొన్న ఏడు రోజుల తర్వాత ఇది సాధ్యమవుతుంది. మరోవైపు ఇన్ఫినిక్స్ జీరో 5జీ కోసం నో కాస్ట్ ఈఎంఐ సదుపాయాన్ని కూడా ఫ్లిప్‌కార్ట్ అందిస్తోంది. ఇక సిటీ బ్యాంక్ కార్డుతో కొంటే రూ.750 డిస్కౌంట్ కూడా పొందవచ్చు.

ఇన్ఫినిక్స్ జీరో 5జీ స్పెసిఫికేషన్లు, ఫీచర్లు
Infinix Zero 5G Specifications, Features | ఈ మొబైల్ 6.78 ఇంచుల ఫుల్ హెచ్‌డీ+ ఐపీఎస్ ఎల్‌టీపీఎస్ డిస్‌ప్లేతో వస్తోంది. 120 హెట్జ్ రిఫ్రెష్ రేట్, 240హెట్జ్ టచ్ సాంప్లింగ్ రేట్, 500 నిట్స్ పీక్ బ్రైట్‌నెస్‌‌ ఫీచర్లతో ఈ డిస్‌ప్లే ఉంది. ఇక ఈ ఫోన్ మీడియాటెక్ డైమంసిటీ 900 5జీ ప్రాసెసర్‌తో నడుస్తుంది. గరిష్ఠంగా 8జీబీ ర్యామ్, 128జీబీ స్టోరేజీ ఉంటుంది. కాగా, ఇంటర్నల్ స్టోరేజీని ఉపయోగించుకొని వర్చువల్‌గా 5జీబీ వరకు ర్యామ్ పొడిగించుకోవచ్చు.

ఇన్ఫినిక్స్ జీరో 5జీ మొబైల్ వెనుక మూడు కెమెరాలు ఉన్నాయి. 48MP ప్రధాన కెమెరా, 30X డిజిటల్ జూమ్‌కు సపోర్టు చేసే 13MP పోట్రయిట్ షూటర్, 2MP డెప్త్ సెన్సార్ ఉన్నాయి. ఇక స్లోమోషన్, సూపర్ నైట్ మోడ్ లాంటి కెమెరా ఫీచర్లను అందిస్తోంది Infinix. ఇక వీడియోకాల్స్, సెల్ఫీల కోసం 16MP కెమెరా ఉంది.

ఇక డ్యుయల్ సిమ్ సపోర్టు ఉన్న ఈ మొబైల్‌లో మైక్రో ఎస్‌డీ కార్డు స్లాట్ కోసం ప్రత్యేక స్లాట్ ఉంటుంది. మెమరీ కార్డు ద్వారా 256జీబీ వరకు స్టోరేజీని పొడిగించుకోవచ్చు. 5జీ, వైఫై 6, బ్లూటూత్ వీ5, జీపీఎస్, 3.5ఎంఎం హెడ్‌ఫోన్ జాక్, యూఎస్‌బీ టైప్-సీ పోర్టు లాంటి కనెక్టివిటీ ఆప్షన్లు ఉన్నాయి. అలాగే డీటీఎస్ సరౌండ్ సౌండ్ సపోర్టు ఉన్న డ్యుయల్ స్పీకర్లతో ఈ ఫోన్ వస్తోంది. Infinix Zero 5G మొబైల్‌లో 5000ఎంఏహెచ్ బ్యాటరీ ఉండగా.. 33 వాట్ల ఫాస్ట్ చార్జింగ్‌కు సపోర్ట్ చేస్తుంది.
Also Read: భారీ బ్యాటరీ, 11జీబీ వరకు ర్యామ్‌తో Tecno Pova 5G ఫోన్ విడుదల.. ధర ఎంతంటే..?