యాప్నగరం

Moto G72 : అదిరిపోయే డిస్‌ప్లే, 108 MP కెమెరాతో మోటోరోలా కొత్త మొబైల్‌.. లాంచ్ డేట్, మరిన్ని వివరాలివే

Moto G72 launch date, Specifications : మోటో జీ72 లాంచ్‌కు రెడీ అయింది. డిస్‌ప్లే, కెమెరా, డ్యుయల్ స్టీరియో స్పీకర్లు ప్రధాన ఆకర్షణగా ఈ ఫోన్‌ను మోటోరోలా మిడ్ రేంజ్‌లో తీసుకొస్తోంది. విడుదల తేదీ కూడా ఖరారైంది.

Authored byKrishna Prakash | Samayam Telugu 29 Sep 2022, 1:16 pm
Motorola Moto G72 launch date in India : ఎంటర్‌టైన్‌మెంట్ కోసం స్మార్ట్‌ఫోన్‌ కావాలనుకునే వారే లక్ష్యంగా మిడ్ రేంజ్‌లో స్మార్ట్‌ఫోన్‌ను తీసుకొచ్చేందుకు మోటోరోలా (Motorola) సిద్ధమైంది. జీ సిరీస్‌లో మరో ఆకర్షణీయమైన ఫోన్‌ను తీసుకొస్తోంది. మోటో జీ72 (Moto G72) మొబైల్‌ను అక్టోబర్ 3వ తేదీన లాంచ్ చేయనున్నట్టు మోటోరోలా అధికారికంగా ప్రకటించింది. ముఖ్యంగా డిస్‌ప్లే, కెమెరా హైలైట్‌గా ఉన్నాయి. 120Hz రిఫ్రెష్ రేట్ 10-bit OLED డిస్‌ప్లేతో ఈ ఫోన్‌ రానుంది. 4జీ కనెక్టివిటీని కలిగి ఉంటుంది. Moto G72 లాంచ్, స్పెసిఫికేషన్లు, అంచనా ధర వివరాలు చూడండి.
Samayam Telugu Moto G72  launch date in India
మోటో జీ72 లాంచ్ డేట్ (Photo: Motorola)


Moto G72 లాంచ్ వివరాలు
మోటో జీ72 ఫోన్‌ను అక్టోబర్ 3వ తేదీన భారత్‌లో విడుదల చేయనున్నట్టు మోటోరాలా ప్రకటించింది. ఈ-కామర్స్ సైట్ ఫ్లిప్‌కార్ట్‌ (Flipkart)లో ఈ ఫోన్‌ లిస్ట్ అయింది. ఇందుకోసం ప్రత్యేకమైన పేజ్‌ను కూడా మోటోరోలా ఉంచింది. దీని ద్వారా కీలకమైన స్పెసిఫికేషన్లను వెల్లడించింది. డిస్‌ప్లే, కెమెరాను ప్రధానంగా హైలైట్ చేస్తోంది ఆ కంపెనీ. ఎంటర్‌టైన్‌మెంట్‌ కోసం ఫోన్‌ కావాలనుకునే వారికి Moto G72 బెస్ట్‌గాా ఉంటుందనేలా టీజ్ చేస్తోంది.

120Hz రిఫ్రెష్ రేట్ ఉండే ఫుల్ హెచ్‌డీ+ pOLED డిస్‌ప్లేతో మోటో జీ72ని తీసుకురానున్నట్టు మోటోరోలా వెల్లడించింది. 1300 నిట్స్ పీక్‌ బ్రైట్‌నెస్, 10-బిట్ కలర్, హెచ్‌డీఆర్10 సపోర్ట్ ఉంటాయి. ఇన్‌ డిస్‌ప్లే ఫింగర్‌ప్రింట్ స్కానర్‌ను మోటో ఇస్తోంది. మీడియాటెక్ హీలియో జీ99 ప్రాసెసర్‌పై ఈ స్మార్ట్‌ఫోన్‌ రన్ అవుతుంది. ఆండ్రాయిడ్‌ 12 బేస్ట్ మైయూఎక్స్ ఆపరేటింగ్ సిస్టమ్‌తో అందుబాటులోకి వస్తుంది.
డాల్బీ అట్మోస్ సపోర్ట్ ఉండే డ్యుయల్ స్టీరియో స్పీకర్లను Moto G72 కలిగి ఉంటుంది. వెనుక మూడు కెమెరాల సెటప్‌తో వస్తోంది. 108 మెగాపిక్సెల్ ప్రైమరీ కెమెరాగా ఉంటుంది. అల్ట్రా వైడ్ యాంగిల్, మాక్రో కెమెరాలు మిగిలిన కెమెరాలుగా ఉంటాయి.
Moto G72 స్మార్ట్‌ఫోన్‌ 5000mAh బ్యాటరీతో రానుండగా.. 33వాట్ల ఫాస్ట్ చార్జింగ్‌కు సపోర్ట్ చేస్తుంది.

మోటో జీ72 స్మార్ట్‌ఫోన్‌ ధర రూ.15,000 నుంచి రూ.17,000 మధ్య ఉండే అవకాశాలు ఉన్నాయని అంచనా. 5జీ లేకపోయినా.. ఆల్‌రౌండ్ ఫోన్‌ కావాలనుకునే వారికి ఇది మంచి ఆప్షన్‌గా ఉంటుంది. మెటియోరైట్ గ్రే, పోలార్ బ్లూ కలర్ ఆప్షన్‌లలో Moto G72 అందుబాటులోకి రానుంది. ఈ-కామర్స్ సైట్ ఫ్లిప్‌కార్ట్‌లో సేల్‌కు వస్తుంది.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.