OnePlus 10 Pro: వన్‌ప్లస్‌ పవర్‌ఫుల్ స్మార్ట్‌ఫోన్‌.. రేపే విడుదల.. ఫ్లాగ్‌షిప్‌ ప్రాసెసర్‌, స్పెసిఫికేషన్లు, ప్రత్యేకతలు ఇవే

ఫ్లాగ్‌షిప్‌ స్మార్ట్‌ఫోన్‌ల విభాగంలో మంచి క్రేజ్ సాధించిన వన్‌ప్లస్‌ (OnePlus) మరో పవర్ ఫుల్ మొబైల్ తీసుకొచ్చేందుకు సిద్ధమైంది. వన్‌ప్లస్‌ 10 ప్రో (OnePlus 10 Pro) పేరుతో ఈ ప్రీమియమ్ ఫోన్‌ రానుంది. జనవరి 11న అంటే రేపే ఈ ఫోన్‌ లాంచ్ కానుంది. ప్రపంచ వ్యాప్తంగా ఎంతో హిట్టయిన వన్‌ప్లస్‌ 9 ప్రోకు సక్సెసర్ గా ఈ వన్‌ప్లస్‌ 10 ప్రో వస్తోంది. శక్తిమంతమైన ప్రాససెర్, ఆకట్టుకునే హాసెల్‌బ్లాడ్ కెమెరాలు (Hasselblad cameras), బ్యాటరీ, చార్జింగ్ అప్ గ్రేడ్లతో ఈ ఫోన్‌ వచ్చేస్తోంది. ఇప్పటికే మొబైల్‌ స్పెసిఫికేషన్లను వన్‌ప్లస్‌ వెల్లడించింది.

వన్‌ప్లస్‌ 10 ప్రో స్పెసిఫికేషన్లు
OnePlus 10 Pro మొబైల్ అధునాతన స్నాప్‌డ్రాగన్ 8 జెన్ 1 ప్రాసెసర్‌తో రానుంది. 4నానోమీటర్ చిప్‌సెట్‌ అయిన ఈ ప్రాసెసర్ ప్రస్తుతం లేటెస్ట్ మోస్ట్ పవర్‌ఫుల్ గా ఉంది.
ఇక వన్‌ప్లస్‌ 10 ప్రో 120 హెట్జ్జ్ రిఫ్రెష్ రేట్, సెకండ్ జనరేషన్ LTPO Calibration టెక్నాలజీ ఉన్న 6.7 ఇంచుల ఫ్లుయిడ్ AMOLED డిస్‌ప్లేతో వస్తోంది. సాధారణంగా OLED కంటే LTPO ప్యానెల్స్ కాస్త తక్కువ బ్యాటరీని వినియోగించుకుంటాయి.

వన్‌ప్లస్‌ 10 ప్రో మొబైల్‌లో వెనుక మూడు కెమెరాల సెటప్ ఉంది. 48మెగాపిక్సెల్ ప్రధాన కెమెరా, 150 డిగ్రీల ఫీల్డ్ వ్యూ ఉన్న 50మెగాపిక్సెల్ అల్ట్రా వైడ్ కెమెరా, 8 మెగాపిక్సెల్ టెలీఫొటో లెన్స్ కెమెరా ఉన్నాయి. కాగా సెల్ఫీలు, వీడియో కాల్స్ కోసం 32 మెగాపిక్సెల్ ఫ్రంట్ కెమెరా ఉంది. ఫ్రంట్ కెమెరా మినహా మిగిలిన కెెమెరాల వన్‌ప్లస్‌ 9 ప్రోను పోలి ఉంది. రెండింటిలోనూ హాసెల్ బ్లాడ్ కెమెరాలే ఉన్నాయి.

OnePlus 10 Pro 5000ఎంఏహెచ్ బ్యాటరీతో వస్తుండగా.. 80 వాట్ల వైర్డ్ ఫాస్ట్ చార్జింగ్, 50వాట్ల వైర్‌లెస్‌ చార్జింగ్ కు సపోర్టు చేస్తుంది.

OnePlus 10 Pro ధర (అంచనా) జనవరి 11న చైనాలో వన్‌ప్లస్‌ 10 ప్రో ఫోన్‌ విడుదల కానుంది. ఈ మొబైల్‌ 8జీబీ ర్యామ్, 128జీబీ స్టోరేజీ వేరియంట్ ధర 3999యెన్లు (దాదాపు రూ.45,500)లుగా ఉండదనుందని అంచనాలు వెలువడుతున్నాయి. అలాగే 8జీబీ, 256జీబీ స్టోరేజీ ధర 4,599 యెన్లు (దాదాపు రూ.53,500), 12జీబీ ర్యామ్, 256జీబీ స్టోరేజీ హైఎండ్ వేరియంట్ ధర 4,999 యెన్లు (రూ.58,200)గా ఉందడనుందని సమాచారం.