OnePlus Nord 2T 5G launch : వన్‌ప్లస్‌ నుంచి మరో 5జీ మొబైల్‌ లాంచ్ - నార్డ్2కు మించి..

వన్‌ప్లస్‌ నార్డ్ 2టీ 5జీ ( OnePlus Nord 2T 5G ) అధికారికంగా లాంచ్ అయింది. మీడియాటెక్ డైమన్సిటీ 1300 ప్రాసెసర్‌తో ఈ మొబైల్‌ను వన్‌ప్లస్‌ (OnePlus) గ్లోబల్‌గా విడుదల చేసింది. అతిత్వరలో భారత మార్కెట్‌లో అడుగుపెట్టనుంది. ఎంతో పాపులర్ అయిన వన్‌ప్లస్‌ నార్డ్ 2కు అప్‌గ్రేడ్‌గా ఈ 2టీ వచ్చింది. 90Hz Full HD+ AMOLED డిస్‌ప్లేను OnePlus Nord 2T 5G కలిగి ఉంది. HDR10+ సపోర్ట్ కూడా ఉంది. వెనుక మూడు కెమెరాల సెటప్‌తో వస్తోంది. ఇందులో 50 మెగాపిక్సెల్ SonyIMX766 ప్రైమరీ కెమెరాగా ఉంది. భారత్‌కు త్వరలో రానున్న OnePlus Nord 2T స్పెసిఫికేషన్లు, ధర ఎలా ఉన్నాయో చూడండి.

వన్‌ప్లస్‌ నార్డ్ 2టీ 5జీ స్పెసిఫికేషన్లు
OnePlus Nord 2T 5G Specifications : 6.43 ఇంచుల Full-HD+ AMOLED డిస్‌ప్లేతో వన్‌ప్లస్‌ నార్డ్ 2టీ వస్తోంది. 90Hz రిఫ్రెష్ రేట్, హెచ్‌డీఆర్ 10+ సపోర్ట్, కార్నింగ్ గొరిల్లా గ్లాస్ 5 ప్రొటెక్షన్ ఈ డిస్‌ప్లేకు ఉంటాయి. మీడియాటెక్ డైమన్సిటీ 1300 ప్రాసెసర్‌ ఈ మొబైల్‌లో ఉంటుంది. గరిష్ఠంగా 12జీబీ ర్యామ్, 256జీబీ వేరియంట్ ఉంటుంది.

వన్‌ప్లస్‌ నార్డ్ టీ2 5జీ వెనుక మూడు కెమెరాల సెటప్ ఉంటుంది. ఆప్టికల్ ఇమేజ్ స్టెబిలైజేషన్ (OIS) సపోర్ట్ ఉండే 50 MP Sony IMX766 ప్రైమరీ సెన్సార్, 8 MP Sony IMX355 అల్ట్రా వైడ్ షూటర్, 2 MP మోనోక్రోమ్ సెన్సార్‌ ఉంటాయి. సెల్ఫీలు, వీడియో కాల్స్ కోసం 32 MP Sony IMX615 ఫ్రంట్ కెమెరాతో వస్తోంది.

OnePlus Nord 2T మొబైల్‌లో 4500 బ్యాటరీ ఉంటుంది. 80వాట్ల SuperVOOC ఫాస్ట్ చార్జింగ్‌కు సపోర్ట్ చేస్తుంది. 5జీ, 4జీ LTE, వైఫై 6, బ్లూటూత్ 5.2, NFC, GPS లాంటి కనెక్టివిటీ ఆప్షన్లుగా ఉన్నాయి. ఇన్‌డిస్‌ప్లే ఫింగర్‌ప్రింట్ స్కానర్ ఉంటుంది.

వన్‌ప్లస్‌ నార్డ్ 2టీ 5జీ ధర
OnePlus Nord 2T 5G Price | వన్‌ప్లస్‌ నార్డ్ 2టీ 5జీ 8జీబీ + 128జీబీ బేస్ వేరియంట్ ధర యూరప్‌ మార్కెట్‌లో 399 యూరోలు (సుమారు రూ.32,600)గా ఉంది. 12జీబీ ర్యామ్ + 256జీబీ టాప్‌ వేరియంట్ 499 యూరోలు (రూ.40,800)గా వన్‌ప్లస్‌ నిర్ణయించింది.
అతిత్వరలోనే ఈ మొబైల్‌ భారత్‌ మార్కెట్‌లోకి వచ్చే అవకాశం. అయితే ఇక్కడి ధర వివరాలను వన్‌ప్లస్‌ ఇంకా వెల్లడించలేదు.