OnePlus : వన్‌ప్లస్ నుంచి మరో స్మార్ట్‌ఫోన్ - 19న లాంచ్ - స్పెసిఫికేషన్లు, అంచనా ధర ఇవే

వన్‌ప్లస్ (OnePlus) జోరు కొనసాగుతూనే ఉంది. గత నెలలో వన్‌ప్లస్ నార్డ్ సీఈ 2 లైట్ 5జీ, వన్‌ప్లస్ 10ఆర్ 5జీ మొబైళ్లను లాంచ్ చేసిన ఆ ప్రముఖ కంపెనీ భారత మార్కెట్‌లోకి మరో స్మార్ట్‌ఫోన్‌ను తీసుకొచ్చేందుకు రెడీ అయింది. మిడ్ రేంజ్‌లో ఎంతో ఫేమస్ అయిన నార్డ్ సిరీస్‌లో దీన్ని లాంచ్ చేయనుంది. ఈ నెల 19వ తేదీన ఇండియాలో వన్‌ప్లస్ నార్డ్ 2టీ (OnePlus Nord 2T) 5G మొబైల్‌ను వన్‌ప్లస్ విడుదల చేయనుంది. ఇటీవలే నేపాల్‌ మార్కెట్‌లో ప్రవేశించిన ఈ ఫోన్.. ఇండియాకు రానుంది. మీడియాటెక్ డైమన్సిటీ 1300 ప్రాసెసర్‌ ఈ మొబైల్‌లో ఉండే అవకాశం ఉంది. అలాగే ఆండ్రాయిడ్ 12 (Android 12) ఆధారిత ఆక్సిజన్ ఓఎస్ 12తో రానుంది. 80వాట్ల ఫాస్ట్ చార్జింగ్‌కు సపోర్ట్ చేయవచ్చు. OnePlus Nord 2T స్పెసిఫికేషన్లు, అంచనా ధర వివరాలు చూడండి.

వన్‌ప్లస్ నార్డ్ 2టీ అంచనా స్పెసిఫికేషన్లు
లాంచ్‌కు ముందే వన్‌ప్లస్ నార్డ్ 2టీ (OnePlus Nord 2T) కి చెందిన కొన్ని స్పెసిఫికేషన్లు లీకయ్యాయి. 6.43 ఇంచుల ఫ్లాట్ Full HD+ AMOLED డిస్‌ప్లేతో వస్తుందని సమాచారం. 90Hz రిఫ్రెష్ రేట్ ఉండనుంది. ఈ మొబైల్‌లో మీడియాటెక్ డైమెన్సిటీ 1300 ప్రాసెసర్ ఉండే అవకాశం ఉంది. అలాగే ఆండ్రాయిడ్ 12 ఆధారిత ఆక్సిజన్ 12 ఆపరేటింగ్ సిస్టమ్ ఈ స్మార్ట్‌ఫోన్ రన్ అవుతుంది.

కెమెరాల విషయానికి వస్తే, వన్‌ప్లస్ నార్జ్ 2టీ వెనుక మూడు సెన్సార్లు ఉండే అవకాశం ఉంది. 50 MP Sony IMX766 ప్రధాన కెమెరా, 8 MP అల్ట్రా వైడ్ షూటర్, 2 MP మోనోక్రోమ్ సెన్సార్ ఉంటుందని తెలుస్తోంది. అలాగే సెల్ఫీలు, వీడియో కాల్స్ కోసం 32 మెగాపిక్సెల్ ఫ్రంట్ కెమెరా ఉండొచ్చు.

ఈ కొత్త వన్‌ప్లస్ మొబైల్‌లో 4500mAh బ్యాటరీ ఉంటుందని సమాచారం. అలాగే 80ఫాస్ట్ చార్జింగ్ సపోర్ట్‌తో వచ్చే అవకాశం ఉంది. వన్‌ప్లస్ స్పెషల్ అలర్ట్ స్లైడర్‌ కూడా ఉంటుంది. మొత్తంగా చూస్తే వన్‌ప్లస్ నార్డ్ 2కు అప్‌గ్రేడ్‌గా కనిపిస్తోంది. ఈ మొబైల్ ఇప్పటికే నేపాల్‌లో విడుదలైంది.

వన్‌ప్లస్ నార్డ్ 2టీ ధర8GB RAM + 128GB ఇంటర్నల్ స్టోరేజ్ ఉండే ఒకే వేరియంట్‌లో వన్‌ప్లస్ నార్డ్ 2టీ లాంచ్ కావొచ్చు. దీని ధర నేపాల్‌లో 64,999 నేపలీస్ రూపీలుగా (సుమారు రూ.40,600) ఉంది. భారత్‌లో రూ.32వేల నుంచి రూ.35వేల మధ్య రేంజ్‌లో ఈ ఫోన్ లాంచ్ అయ్యే అవకాశం ఉంది.