Oneplus Revealed Some Key Specifications Of Oneplus 10r 5g Oneplus Nord Ce 2 Lite 5g
OnePlus 10R 5G : వన్ప్లస్ లాంచ్ చేయనున్న ‘గేమింగ్ స్మార్ట్‌ఫోన్‌’ స్పెసిఫికేషన్లు ఇవే - మరో వారంలో విడుదల
OnePlus 10R Key Specifications : వన్ప్లస్ నుంచి మరో వారంలో లాంచ్ కానున్న వన్ప్లస్ 10ఆర్ 5జీ (OnePlus 10R 5G) మొబైల్‌కు సంబంధించిన కీలక స్పెసిఫికేషన్లు అధికారికంగా బయటికి వచ్చాయి. తన వెబ్‌సైట్‌లోని ప్రత్యేకమైన మైక్రో సైట్‌ ద్వారా వన్ప్లస్ ఈ వివరాలను వెల్లడించింది. అలాగే వన్ప్లస్ నుంచి రానున్న చౌకైన మొబైల్‌ వన్ప్లస్ నార్డ్ సీఈ 2 లైట్ 5జీ (OnePlus Nord CE 2 Lite 5G) వివరాలు కూడా బయటికి వచ్చాయి.
Authored byKrishna Prakash | Samayam Telugu20 Apr 2022, 11:12 am
వన్ప్లస్ ఈవెంట్ (OnePlus) ఈ నెల 28వ తేదీన జరగనుంది. ఈ కార్యక్రమంలోనే వన్ప్లస్ 10ఆర్ 5జీ (OnePlus 10R 5G), వన్ప్లస్ నార్డ్ సీఈ 2 లైట్ 5జీ (OnePlus Nord CE 2 Lite 5G) మొబైళ్లను ఆ సంస్థ విడుదల చేయనుంది. గత సంవత్సరం వచ్చిన వన్ప్లస్ 9ఆర్ (OnePlus 9R)కు OnePlus 10R సక్సెసర్‌గా వస్తోంది. అయితే ఈసారి గేమింగ్ ఫీచర్లపై కూడా వన్ప్లస్ (OnePlus) ఎక్కువ దృష్టి పెట్టినట్టు కనిపిస్తోంది. దీన్ని మోస్ట్ ఫాస్టెస్ట్ చార్జింగ్, గేమింగ్ ఫోన్‌గా ప్రమోట్ చేసే అవకాశం ఉంది. అయితే లాంచ్‌కు ముందే వన్ప్లస్ 10ఆర్ 5జీకి సంబంధించిన కొన్ని కీలక స్పెసిఫికేషన్లను అధికారికంగా పేర్కొంది. వన్ప్లస్ వెబ్‌సైట్‌లో ఈ ఫోన్‌ కోసం ఏర్పాటు చేసిన మైక్రోసైట్ ద్వారా ఇవి వెల్లడయ్యాయి.
Samayam TeluguOnePlus 10R 5G launch
వన్ప్లస్ 10ఆర్ 5జీ (OnePlus 10R 5G) మొబైల్‌ 120Hz ఫ్లుయిడ్ డిస్‌ప్లేతో వస్తుందని వన్ప్లస్ ఖాయం చేసింది. అలాగే గేమింగ్ పర్ఫాన్మెన్స్‌ను బూస్ట్ చేసేందుకు హైపర్‌బూస్ట్ గేమింగ్ ఇంజిన్ ఉంటుంది. 150వాట్ల ఫాస్ట్ చార్జింగ్ సపోర్ట్ ఉన్న వేరియంట్ వస్తుందని కూడా చెప్పేసింది. దీంతో ఈ ఫోన్‌ బ్యాటరీ 17 నిమిషాల్లోనే ఫుల్ అవుతుందని పేర్కొంది. మరోవైపు వన్ప్లస్ 10ఆర్ స్మార్ట్‌ఫోన్‌ మీడియాటెక్ డైమన్సిసిటీ 8100 ప్రాసెసర్‌తో రావడం ఖాయమైంది. (150W Fast Charging OnePlus 10R 5G)
వన్ప్లస్ 10ఆర్ 5జీ రెండు వేరియంట్లలో రానుంది. 4500ఎంఏహెచ్ బ్యాటరీ ఉండే మోడల్ 150వాట్ల ఫాస్ట్ చార్జింగ్‌కు సపోర్ట్ చేయనుండగా.. 5000ఎంఏహెచ్ బ్యాటరీ ఉండే మోడల్ 80వాట్ల ఫాస్ట్ చార్జింగ్ సపోర్ట్‌తో ఉంటుంది.
OnePlus 10R 5Gకు సంబంధించిన చాలా స్పెసిఫికేషన్లు ఇప్పటికే లీకయ్యాయి. 6.7 ఇంచుల ఫుల్ హెచ్‌డీ+ ఈ4 అమోలెడ్ డిస్‌ప్లేతో వస్తుందని తెలుస్తోంది. అలాగే ఆండ్రాయిడ్‌ 12 ఆధారిత ఆక్సిజన్ ఓఎస్ 12 కస్టమ్ స్కిన్‌తో ఈ మొబైల్‌ లాంచ్ కానుంది. వన్ప్లస్ 10ఆర్ 5జీ వెనుక మూడు కెమెరాల సిస్టమ్ ఉంటుందని సమాచారం. 50 మెగాపిక్సెల్ సోనీ ఐఎంఎక్స్766 ప్రధాన కెమెరా, 8 మెగాపిక్సెల్ అల్ట్రా వైడ్ షూటర్, 2 మెగాపిక్సెల్ మాక్రో కెమెరా ఉంటాయని తెలుస్తోంది. అలాగే సెల్ఫీలు, వీడియో కాల్స్ కోసం 16 మెగాపిక్సెల్ ఫ్రంట్ కెమెరా ఉండనుంది. డాల్బీ ఆడియో, హై-రెస్ సర్టిఫికేషన్ ఉన్న డ్యుయల్ స్టీరియో స్పీకర్లు ఉండనున్నాయి. అలాగే వన్ప్లస్ 10ఆర్ ఇన్‌డిస్‌ప్లేతో రానుంది.
మరోవైపు వన్ప్లస్ నార్డ్ సీఈ 2 లైట్ 5జీ (OnePlus Nord CE 2 Lite 5G) కి చెందిన కొన్ని స్పెసిఫికేషన్లను కూడా వన్ప్లస్ వెల్లడించింది. వన్ప్లస్ నుంచి చౌకైన ఫోన్‌గా ఇది ఉంటుందన్న అంచనాలు ఉన్నాయి. ఈ మొబైల్‌ 5000ఎంఏహెచ్ బ్యాటరీ, 33 వాట్ల ఫాస్ట్ చార్జింగ్‌తో వస్తుందని OnePlus ధ్రువీకరించింది. అలాగే వెనుక మూడు కెమెరాలు ఉండనుండగా.. 64 మెగాపిక్సెల్ ప్రధాన లెన్స్ ఉంటుందని స్పష్టం చేసింది.
కాగా OnePlus Nord CE 2 Lite 5G మొబైల్‌ 120Hz రిఫ్రెష్ రేట్ ఉండే 6.58 ఇంచుల ఫుల్ హెచ్‌డీ+ ఎల్‌సీడీ డిస్‌ప్లేతో వస్తుందని సమాచారం. అలాగే క్వాల్‌కామ్‌ స్నాప్‌డ్రాగన్ 695 ప్రాసెసర్‌పై రన్ అవుతుందని తెలుస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
