Oppo Reno 8 Reno 8 Pro Launch Date Announced By Oppo Officially
Oppo Reno 8 India launch Date : భారత్‌లో ఒప్పో రెనో 8 సిరీస్ లాంచ్ డేట్ ఇదే - ఒప్పో అధికారిక ప్రకటన
Oppo Reno 8, Oppo Reno 8 Pro India launch : భారత్‌లో ఒప్పో రెనో 8 సిరీస్ లాంచ్‌కు డేట్ ఫిక్సయింది. విడుదల తేదీని ఒప్పో అఫీషియల్‌గా వెల్లడించింది. ఇప్పటికే ఈ మొబైళ్లకు సంబంధించిన స్పెసిఫికేషన్లు బయటికి రాగా.. ధరకు సంబంధించి అంచనాలు వెలువడ్డాయి.
Oppo Reno 8, Reno 8 Pro launch date in India : ఒప్పో రెనో 8 సిరీస్ భారత్‌కు వచ్చేస్తోంది. రెనో 7కు సక్సెసర్‌గా ఈ సిరీస్ లాంచ్ కానుంది. ఒప్పో రెనో 8, ఒప్పో రెనో 8 ప్రో ఇండియా లాంచ్ డేట్‌ను ఒప్పో ప్రకటించింది. ఈనెల 18వ తేదీన భారత్‌లో ఒప్పో రెనో 8 సిరీస్‌ను విడుదల చేయనున్నట్టు వెల్లడించింది. ఈ సిరీస్‌లో ఒప్పో రెనో 8, ఒప్పో రెనో 8 ప్రో రానున్నాయి. చైనాలో మేలో విడుదలైన ఈ రెండు ఫోన్లు ఇప్పుడు ఇండియాకు వస్తున్నాయి. రెండు మొబైళ్లు యునీబాడీ డిజైన్‌ను కలిగి ఉంటాయి. ఒప్పో రెనో 8, రెనో 8 ప్రో లాంచ్ వివరాలు, స్పెసిఫికేషన్లు, అంచనా ధర వివరాలు చూడండి.
Samayam Teluguఒప్పో రెనో 8 సిరీస్ అధికారిక లాంచ్ తేదీ ఇదే (Photo: Oppo)
ఒప్పో రెనో 8 సిరీస్ లాంచ్ వివరాలు Oppo Reno 8 Series India launch details : ఒప్పో రెనో 8 సిరీస్ భారత్‌లో ఈనెల 18వ తేదీ సాయంత్రం 6 గంటలకు విడుదల కానుంది. ఈ విషయాన్ని ఒప్పో ట్వీట్ చేసింది. అధికారిక వెబ్‌సైట్‌లో ప్రత్యేకమైన వెబ్‌పైజీని కూడా ఈ సిరీస్ కోసం ఏర్పాటు చేసింది. ఈ-కామర్స్ సైట్ ఫ్లిప్‌కార్ట్‌లో ఒప్పో రెనో 8 సిరీస్ లిస్ట్ అయింది.
ఒప్పో రెనో 8, రెనో 8 ప్రో ధరలు (అంచనా) ఒప్పో రెనో 8 ప్రో మొబైల్‌ ప్రారంభ ధర భారత్‌లో రూ.45,000 నంచి రూ.46,000 మధ్య ఉంటుందని లీక్‌లు వెలువడ్డాయి. మూడు వేరియంట్లలో ఈ మొబైల్‌ లాంచ్ కానుందని సమాచారం. అలాగే ఒప్పో రెనో 8 బేస్ వేరియంట్ ధర రూ.30,000 నుంచి రూ.33,000 మధ్య ఉంటుందని అంచనాలు వెలువడ్డాయి. 8జీబీ ర్యామ్ + 128జీబీ స్టోరేజ్, 8జీబీ + 256జీబీ, 12జీబీ + 256జీబీ వేరియంట్లలో రెనో 8 అందుబాటులోకి వచ్చే అవకాశం ఉంది. ఒప్పో రెనో 8 ప్రో.. గ్రే గ్లేజ్డ్ బ్లాక్, గ్రేజ్డ్ గ్రీన్ కలర్ ఆప్షన్స్‌లో లభ్యమవుతుందని సమాచారం. రెనో 8 ఫోన్‌ షిమ్మర్ బ్లాక్, షిమ్మర్ గోల్డ్ కలర్స్‌లో అందుబాటులోకి రానుంది.
ఒప్పో రెనో 8 ప్రో మొబైల్‌లో స్నాప్‌డ్రాగన్ 7 జెన్ 1 ప్రాసెసర్‌ ఉంటుంది. 6.62 ఇంచుల ఫుల్ హెచ్‌డీ+ E4 AMOLED డిస్‌ప్లే, 120 Hz రిఫ్రెష్ రేట్‌తో వస్తుంది. వెనుక మూడు కెమెరా సెటప్ ఉండనుండగా.. ప్రధాన కెమెరా 50 మెగాపిక్సెల్ కెపాసిటీతో ఉంటుంది. కెమెరాకు సంబంధించి కొత్త టెక్నాలజీలు, ఫీచర్లు ఉండే అవకాశం ఉంది. సెల్ఫీలు, వీడియో కాల్స్ కోసం 32 మెగాపిక్సెల్ ఫ్రంట్ కెమెరాతో రానుంది. ఒప్పో రెనో 8 ప్రోలో 4500mAh బ్యాటరీ ఉంటుంది. 80 వాట్ల ఫాస్ట్ చార్జింగ్‌కు సపోర్ట్ చేస్తుంది.
మీడియాటెక్ డైమన్సిటీ 1300 ప్రాసెసర్‌ ఒప్పో రెనో 8 మొబైల్‌లో ఉంటుంది. 6.43 ఇంచుల ఫుల్ హెచ్‌డీ+ AMOLED డిస్‌ప్లేతో వస్తుంది. వెనుక మూడు కెమెరాలు ఉంటాయి. వాటిలో 50 మెగాపిక్సెల్ ప్రధాన కెెమెరాగా ఉంటుంది. 32 మెగాపిక్సెల్ ఫ్రంట్ కెమెరాతో ఈ ఫోన్‌ వస్తుంది. 4,500mAh బ్యాటరీ, 80 వాట్ల ఫాస్ట్ చార్జింగ్‌ను కలిగి ఉంటుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
