50MP కెమెరాతో రానున్న రియల్‌మీ బడ్జెట్ ఫోన్‌ - విడుదల తేదీ ఖరారు - పూర్తి వివరాలు ఇవే | Realme C35
Realme C35 India release Date : రియల్‌మీ సీ35 మొబైల్ భారత్‌లో బడ్జెట్ రేంజ్‌లో విడుదలయ్యేందుకు సిద్ధమైంది. ఈ ఫోన్‌ రిలీజ్ డేట్‌ను రియల్‌మీ ఖరారు చేసింది. స్పెసిఫికేషన్లు, పూర్తి వివరాలు చూడండి.
Samayam Telugu5 Mar 2022, 5:58 pm
రియల్‌మీ (Realme) నుంచి భారత మార్కెట్‌లోకి మరో బడ్జెట్ మొబైల్ రానుంది. రియల్‌మీ సీ35 (Realme C35) మొబైల్‌ను లాంచ్ చేసేందుకు చైనీస్ మొబైల్ తయారీ సంస్థ Realme సిద్ధమైంది. మార్చి 7వ తేదీ మధ్యాహ్నం 12.30 గంటలకు ఈ మొబైల్‌ను విడుదల చేయనున్నట్టు అధికారికంగా ప్రకటించింది.. 50 మెగాపిక్సెల్ ప్రధాన సెన్సార్‌తో కూడిన వెనుక మూడు కెమెరాల సెటప్, ఫుల్ హెచ్‌డీ+ డిస్‌ప్లే, ఆక్టాకోర్ ప్రాసెసర్‌తో రియల్‌మీ సీ35 రానుంది.
Samayam TeluguRealme C35 launch
రియల్‌మీ సీ35 ధర Realme C35 Price | రియల్‌మీ సీ35 మొబైల్ గతంలోనే థాయ్‌లాండ్‌లో లాంచ్ అయింది. అక్కడ ఈ మొబైల్ ప్రారంభ ధర 5,799 థాయ్ బాట్స్‌ (సుమారు రూ.13,350)గా ఉంది. అయితే భారత్‌లో ఈ మొబైల్ ప్రారంభ ధర రూ.10వేలలోపు ఉండే అవకాశాలు ఎక్కువగా ఉన్నాయి. Also Read: రూ.6,599కే 5000mAh బ్యాటరీ, హెచ్‌డీ+ డిస్‌ప్లేతో లాంచ్ అయిన Lava X2 మొబైల్ - స్పెసిఫికేషన్లు, ఫీచర్లు ఇవే రియల్‌మీ సీ35 స్పెసిఫికేషన్లు Realme C35 Specifications | థాయ్‌లాండ్‌లో లాంచ్ అయిన స్పెసిఫికేషన్లతో రియల్‌మీ సీ35 భారత్‌లోనూ విడుదలయ్యే అవకాశం ఉంది. 6.6 ఇంచుల ఫుల్ హెచ్‌డీ+ డిస్‌ప్లేతో ఈ మొబైల్ రానుంది. 600 నిట్స్ పీక్ బ్రైట్‌నెస్ ఉంటుంది. ఇక ఫోన్‌ బ్యాటరీ లైఫ్ మరింత పొడిగించుకునేందుకు ఉపయోగపడేలా సూపర్ పవర్ సేవింగ్ మోడ్ ఫీచర్‌ను ఈ మొబైల్‌లో పొందుపరిచినట్టు Realme పేర్కొంది. Realme C35లో అక్టాకోర్ యునిసోక్ టీ616 (Unisoc T616) ప్రాసెసర్‌ ఉండే అవకాశం ఉంది. Also Read: రూ.7,499కే 6GB ర్యామ్, 5000mAh బ్యాటరీతో కొత్త మొబైల్ విడుదల - స్పెసిఫికేషన్లు ఎలా ఉన్నాయంటే? | Tecno spark 8C రియల్‌మీ సీ35 (Realme C35) వెనుక మూడు కెమెరాల సెటప్ ఉంటుంది. ప్రధాన కెమెరా 50 మెగాపిక్సెల్ సామర్థ్యంతో ఉంటుంది. ఇక మాక్రో సెన్సార్, ప్రొట్రయిట్‌గా మిగిలిన రెండు కెమెరాలు ఉంటాయి. వీడియో కాల్స్, సెల్ఫీల కోసం 8 మెగాపిక్సెల్ ఫ్రంట్ కెమెరా ఉంటుంది. Realme C35 ఫోన్‌ 5000ఎంఏహెచ్ బ్యాటరీతో రానుండగా.. 18వాట్ల ఫాస్ట్ చార్జింగ్ సపోర్టు ఉండనుంది. ఈ ఫోన్‌ గరిష్ఠంగా 128జీబీ స్టోరేజ్‌తో వచ్చే అవకాశం ఉంది. అలాగే స్టోరేజ్‌ను పొడిగించుకునేందుకు మైక్రోఎస్‌డీ కార్డు స్లాట్ కూడా ఈ ఫోన్‌లో ఉంటుంది. Also Read: రూ.6000 లోపు ధర, 4000mAh బ్యాటరీతో ఐటెల్ స్మార్ట్‌ఫోన్‌ విడుదల.. స్పెసిఫికేషన్లు, ఫీచర్లు ఇవే | Itel A27 మరోవైపు రియల్‌మీ 9 సిరీస్‌ మార్చి 10న భారత్‌లో లాంచ్ కానుంది. ఈ సిరీస్‌లో రియల్‌మీ 9 5జీ, రియల్‌మీ 9 5జీ ఎస్ఈ మొబైళ్లు విడుదల కానున్నాయి. Also Read:Realme 9 Series : రియల్‌మీ నుంచి మరో రెండు 5జీ మొబైళ్లు.. విడుదల తేదీ ఇదే
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
