Realme Narzo 50 Pro 5g Narzo 50 Launched In India Check Specs Price
Realme Narzo 50 Pro 5G : రియల్‌మీ నుంచి మరో రెండు 5జీ స్మార్ట్‌ఫోన్‌లు - ధర, స్పెసిఫికేషన్లు
Realme Narzo 50 5G, Realme Narzo 50 Pro 5G : రియల్‌మీ నార్జో 50 5జీ, నార్జో 50 ప్రో 5జీ మొబైళ్లు భారత్‌లో లాంచ్ అయ్యాయి. నార్జో 50 5జీ మొబైల్‌ను ఆఫర్‌తో కలిపి రూ.15వేలలోపు ధరకే దక్కించుకోవచ్చు. నార్జో 50 ప్రో 5జీలో హార్ట్‌రేట్ సెన్సార్ ప్రత్యేకతగా ఉంది.
Authored byKrishna Prakash | Samayam Telugu18 May 2022, 2:44 pm
Realme Narzo 50 5G, Narzo 50 Pro 5G launch : రియల్‌మీ నార్డో 50 సిరీస్‌ (Realme Narzo 50 5G Series) లో రెండు 5జీ స్మార్ట్‌ఫోన్‌లు లాంచ్ అయ్యాయి. రియల్‌మీ నార్జో 50 5జీ, నార్జో 50 ప్రో 5జీ మొబైళ్లు భారత్‌లో బుధవారం విడుదలయ్యాయి. రెండు మొబైళ్లలో మీడియాటెక్ డైమన్సిటీ ప్రాసెసర్‌ ఉంది. అలాగే నార్జో 50 5జీ మొబైల్ వెనుక రెండు కెమెరాలు ఉండగా.. మూడు కెమెరాలతో నార్జో 50 ప్రో వస్తోంది. AMOLED డిస్‌ప్లే, హార్ట్‌రేట్ సెన్సార్ సహా మంచి స్పెసిఫికేషన్లను ప్రో మోడల్ కలిగి ఉంది. బ్యాంకు కార్డు ఆఫర్‌తో కలిపి Realme Narzo 50 5G మొబైల్‌ను రూ.15వేలలోపే దక్కించుకునే అవకాశం ఉంది. Realme Narzo 50 5G, Narzo 50 Pro 5G పూర్తి స్పెసిఫికేషన్లు, ధర, ఆఫర్‌, సేల్‌ డీటైల్స్..
Samayam TeluguRealme Narzo 50 pro 5G Narzo 50 5G launched in India
రియల్‌మీ నార్డో 50 ప్రో 5జీ స్పెసిఫికేషన్లు
6.4 ఇంచుల Full HD+ సూపర్ AMOLED డిస్‌ప్లేతో Realme Narzo 50 Pro 5G వస్తోంది. 90Hz స్క్రీన్ రిఫ్రెష్ రేట్, 1000 నిట్స్ పీక్ బ్రైట్‌నెస్ ఉంటుంది. డిస్‌ప్లేకు కార్నింగ్ గొరిల్లా గ్లాస్ 5 ప్రొటెక్షన్ ఉంటుంది.
ఈ మొబైల్‌లో మీడియాటెక్ డైమన్సిటీ 920 ప్రాసెసర్‌ ఉంది. గరిష్ఠంగా 8జీబీ ర్యామ్, 128జీబీ స్టోరేజ్‌తో వస్తోంది. ఆండ్రాయిడ్ 12తో కూడిన రియల్‌మీ యూఐ 3.0 OSపై రన్ అవుతుంది. వేపర్ చాంబర్ కూలింగ్ సిస్టమ్ కూడా ఉంటుంది.
రియల్‌మీ నార్జో 50 ప్రో 5జీ వెనుక మూడు కెమెరాల సెటప్ ఉంది. 48 మెగాపిక్సెల్ S5KGM1ST ప్రధాన కెమెరా, 8 మెగాపిక్సెల్ అల్ట్రా వైడ్ షూటర్, మరో మాక్రో సెన్సార్ ఉన్నాయి. సెల్పీలు, వీడియో కాల్స్ కోసం 16 మెగాపిక్సెల్ ఫ్రంట్ కెమెరాను రియల్‌మీ పొందుపరిచింది.
ఈ మొబైల్‌లో 5000mAh బ్యాటరీ ఉండగా.. 33వాట్ల డార్ట్ చార్జ్ ఫాస్ట్ చార్జింగ్‌కు సపోర్ట్ చేస్తుంది. డాల్బీ ఆట్మోస్ సపోర్ట్ ఉన్న డ్యుయల్ స్టీరియో స్పీకర్లతో వస్తోంది. 5G, 4G LTE, బ్లూటూత్, వైపై, GPS, USB టైప్-సీపోర్ట్ కనెక్టివిటీ ఫీచర్లను Realme Narzo 50 Pro 5G కలిగి ఉంది. ఇన్‌డిస్‌ప్లే ఫింగర్ ప్రింట్ సెన్సార్‌కే హార్ట్‌రేట్ సెన్సార్ ఉండడం ఈ మొబైల్ ప్రత్యేకతగా ఉంది.
రియల్‌మీ నార్జో 50 5జీ స్పెసిఫికేషన్లు
Realme Narzo 50 5G (Photo: Realme)
మీడియాటెక్ డైమన్సిటీ 810 ప్రాసెసర్‌తో Realme Narzo 50 5G మొబైల్ అడుగుపెట్టింది. 6జీబీ ర్యామ్, 128స్టోరేజ్ టాప్‌ వేరియంట్‌గా ఉంది. స్టోరేజ్‌ను మైక్రోSD కార్డు ద్వారా పొడిగించుకోవచ్చు. ఇందుకోసం ప్రత్యేకంగా స్లాట్‌ను రియల్‌మీ పొందుపరిచింది.
6.6 ఇంచుల Full HD+ LCD డిస్‌ప్లేను ఈ స్మార్ట్‌ఫోన్‌ కలిగి ఉంది. 90Hz స్క్రీన్ రిఫ్రెష్ రేట్, గరిష్ఠంగా బ్రైట్‌నెస్ 600నిట్స్ వరకు వెళుతుంది.
రియల్‌మీ నార్జో 50 5జీ మొబైల్ వెనుక రెండు కెమెరాలు ఉన్నాయి. 48 మెగాపిక్సెల్ ప్రైమరీ కెమెరా, మరో మోనోక్రోమ్ పోట్రయిట్ సెన్సార్‌తో వస్తోంది. ఫ్రంట్ కెమెరా సామర్థ్యం 8 మెగాపిక్సెల్‌గా ఉంది.
Relame Narzo 50 5G మొబైల్‌లో 5000mAh బ్యాటరీ ఉంది. 33వాట్ల డార్ట్ చార్జ్ ఫాస్ట్ చార్జింగ్‌కు సపోర్ట్ చేస్తుంది. కనెక్టివిటీ ఫీచర్ల విషయానికి వస్తే, 5జీ, 4జీ ఎల్‌టీఈ, వైఫై, బ్లూటూత్, జీపీఎస్, యూఎస్‌బీ టైప్-సీ పోర్టు ఉన్నాయి. పవర్ బటన్‌కే ఫింగర్‌ప్రింట్ సెన్సార్ ఉంటుంది.
రియల్‌మీ నార్జో 50 5జీ 4GB RAM + 64GB స్టోరేజ్ బేస్ మోడల్ ధర రూ.15,999, 4GB RAM + 128GB ధర రూ.16,999, 6GB RAM + 128GB స్టోరేజ్ టాప్‌ వేరియంట్ ధర రూ.17,999గా ఉంది. ఈ ఫోన్ మే 24న తొలిసారి సేల్‌కు వస్తుంది. అమెజాన్, రియల్‌మీ వెబ్‌సైట్‌తో పాటు ఆఫ్‌లైన్ స్టోర్స్‌లో ఈ మొబైళ్లను కొనుగోలు చేయవచ్చు. HDFC బ్యాంక్ డెబిట్, క్రెడిట్ కార్డుతో Realme Narzo 50 Pro 5G, Narzo 50 5G మొబైళ్లను కొంటే రూ.2,000 తక్షణ డిస్కౌంట్ లభిస్తుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
