Realme బడ్జెట్ 5జీ స్మార్ట్‌ఫోన్‌ లాంచ్ డేట్ ఫిక్స్.. కీలక స్పెసిఫికేషన్లు ఇవే! Realme 9i 5G launch date

Realme 9i 5G launch date in India : తక్కువ ధరలో 5జీ స్మార్ట్‌ఫోన్‌ను లాంచ్ చేసేందుకు రియల్‌మీ (Realme) సిద్ధమైంది. రియల్‌మీ 9ఐ 5జీ (Realme 9i 5G)ని బడ్జెట్ రేంజ్‌లో విడుదల చేయనున్నట్టు ప్రకటించింది. ధర పరంగా రియల్‌మీ నుంచి చౌకైన 5జీ స్మార్ట్‌ఫోన్‌గా ఇది ఉంటుందని అంచనాలు వస్తున్నాయి. రియల్‌మీ 9ఐ 5జీ మొబైల్‌ ఈనెల 18వ తేదీన లాంచ్ కానుంది. ఈ విషయాన్ని రియల్‌మీ అధికారికంగా ప్రకటించింది. మీడియాటెక్ డైమన్సిటీ ప్రాసెసర్‌, వెనుక మూడు కెమెరాల సెటప్‌తో ఈ ఫోన్‌ రానుంది. అలాగే Realme 9i 5Gలో భారీ బ్యాటరీ ఉంటుందని రియల్‌మీ టీజ్ చేస్తోంది.

Realme 9i 5G లాంచ్ వివరాలు
రియల్‌మీ 9ఐ 5జీ లాంచ్ డీటైల్స్‌ను ట్విట్టర్‌లో రియల్‌మీ వెల్లడించింది. ఈనెల 18వ తేదీ మధ్యాహ్నం 11.30 గంటలకు ఈ ఫోన్‌ను భారత మార్కెట్‌లోకి తీసుకొస్తున్నట్టు ట్వీట్ చేసింది. ఈ మొబైల్ కోసం అధికారిక వెబ్‌సైట్‌లో పేజ్‌ను ఏర్పాటు చేసింది. ఈ పేజ్ ద్వారా డిజైన్‌తో పాటు కొన్ని స్పెసిఫికేషన్లను వెల్లడించింది.

మీడియాటెక్ డైమన్సిటీ 810 ప్రాసెసర్‌తో Realme 9i 5G మొబైల్‌ రానుంది. ఈ విషయాన్ని రియల్‌మీ అఫీషియల్‌గా టీజ్ చేసింది. ఈ ఫోన్‌లో భారీ బ్యాటరీ ఉంటుందని పేర్కొంది. వెనుక మూడు కెమెరాలు ఉంటాయి. ఈఏడాది జనవరిలో రియల్‌మీ 9ఐ మొబైల్‌ 4జీ కనెక్టివిటీతో రాగా.. ఇప్పుడు 5జీ వేరియంట్ లాంచ్ అవుతోంది.
Also Read: 5000mAh బ్యాటరీ, భారీ డిస్‌ప్లేతో Infinix Smart 6 Plus స్మార్ట్‌ఫోన్‌ లాంచ్.. రూ.7,999 ధరకే : సేల్‌ తేదీ, పూర్తి స్పెసిఫికేషన్లు
రియల్‌మీ 9ఐ 5జీ విషయంలో ప్రాసెసర్‌, డిజైన్‌ను రియల్‌మీ ప్రధానంగా హైలైట్ చేస్తోంది. లేజర్ లైట్ డిజైన్‌తో ఈ మొబైల్‌ను తీసుకొస్తున్నట్టు చెబుతోంది. అంటే వెలుతురు పడితే షైన్ అయ్యేలా బ్యాక్ ప్యానెల్ ఉండొచ్చు. మీడియాటెక్ డైమన్సిటీ 810 ప్రాసెసర్‌.. అంటుటూ బెంచ్‌మార్కెట్ టెస్ట్‌లో 3,50,000పైగా పాయింట్లు స్కోర్ చేసిందని పేర్కొంది.

రియల్‌మీ 9ఐ 5జీ స్మార్ట్‌ఫోన్‌ ప్రారంభ ధర రూ.15,000 రేంజ్‌లో ఉండొచ్చని అంచనాలు వెలువడుతున్నాయి.
Also Read: Samsung Galaxy M13 5G : సామ్‌సంగ్‌ తక్కువ ధర 5జీ స్మార్ట్‌ఫోన్‌ లాంచ్ - గెలాక్సీ ఎం13 4జీ మోడల్ కూడా..మరోవైపు ప్రస్తుతం అందుబాటులో ఉన్న రియల్‌మీ 9ఐ 4జీ మోడల్ 4జీబీ ర్యామ్+64జీబీ స్టోరేజ్ వేరియంట్ ధర రూ.13,999గా ఉంది. ఈ మొబైల్‌ స్నాప్‌డ్రాగన్ 680 ప్రాసెసర్‌ను కలిగి ఉంది. 6.6 ఇంచుల ఫుల్ హెచ్‌డీ+ డిస్‌ప్లే, 5000mAh బ్యాటరీ, 33వాట్ల ఫాస్ట్ చార్జింగ్‌తో వచ్చింది. ఈ ఫోన్‌ డ్యుయల్ స్పీకర్లను కలిగి ఉంది.