Redmi 11 5G : రెడ్‌మీ నుంచి బడ్జెట్ 5జీ స్మార్ట్ఫోన్ రానుంది. రెడ్‌మీ 11 5జీ పేరుతో ఈ మొబైల్‌ లాంచ్ కానుంది. షావోమీ చవకైన 5జీ ఫోన్‌గా ఇది వచ్చే అవకాశం ఉంది.
Authored byKrishna Prakash | Samayam Telugu28 May 2022, 6:26 pm
బడ్జెట్ రేంజ్లో 5జీ స్మార్ట్‌ఫోన్‌ను (Budget 5G Smartphone) తీసుకొచ్చేందుకు షావోమీ (Xiaomi) సబ్‌బ్రాండ్ రెడ్‌మీ (Redmi) సిద్ధమైంది. కంపెనీ అత్యంత చవకైన 5జీ మొబైల్‌గా రెడ్‌మీ 11 5జీ (Redmi 11 5G) రానుంది. రెడ్‌మీ 10కు ఇది సక్సెసర్‌గా విడుదల కానుంది. మీడియాటెక్ డైమన్సిటీ 700 ప్రాసెసర్‌తో ఈ మొబైల్‌ వస్తుందని సమాచారం. అలాగే మరిన్ని స్పెసిఫికేషన్ల వివరాలు కూడా లీకయ్యాయి. 5000mAh బ్యాటరీ, ఫాస్ట్ చార్జింగ్ సపోర్ట్, 90Hz రిఫ్రెష్ రేట్ ఉండే LCD డిస్‌ప్లేతో Redmi 11 5G వస్తుందని సమాచారం బయటికి వచ్చింది. అలాగే ప్రధాన కెమెరా 50 మెగాపిక్సెల్‌గా ఉంటుందని తెలుస్తోంది.
Samayam TeluguRedmi 11 5G launch
రెడ్‌మీ 11 5జీ (Redmi 11 5G) మొబైల్‌ భాారత్‌లో జూన్ నెల చివర్లో విడుదవుతుందని ఓ రిపోర్ట్ వెల్లడైంది. 4జీబీ ర్యామ్ + 64జీబీ స్టోరేజ్ ఉండే వేరియంట్ ధర రూ.13,999 ధర ఉంటుందని అంచనా. అయితే షావోమీ త్వరలోనే ఈ మొబైల్‌ గురించి టీజ్ చేసే అవకాశం ఉన్నట్టు తెలుస్తోంది.
రెడ్‌మీ 11 5జీ స్పెసిఫికేషన్లు (లీక్‌ల ప్రకారం) రెడ్‌మీ 11 5జీ మొబైల్‌ మీడియాటెక్ డైమన్సిటీ 700 (MediaTek Dimensity 700 SoC) ప్రాసెసర్‌తో వస్తుందని సమాచారం. గరిష్ఠంగా 4జీ ర్యామ్ ఉండనుంది. 6.58 ఇంచుల ఫుల్ హెచ్‌డీ+ LCD డిస్‌ప్లేను ఈ మొబైల్‌ కలిగి ఉంటుందని లీక్‌ల ద్వారా వెల్లడైంది. 90Hz రిఫ్రెష్ రేట్ ఉంటుందని తెలుస్తోంది. రెడ్‌మీ 11 5జీ వెనుక రెండు కెమెరాలు ఉంటాయని తెలుస్తోంది. 50 మెగాపిక్సెల్ ప్రధాన కెెమెరా, 2 మెగాపిక్సెల్ సెకండరీ సెన్సార్ ఉంటాయి. అలాగే సెల్ఫీలు, వీడియో కాల్స్ కోసం 5 మెగాపిక్సెల్ ఫ్రంట్ కెమెరాను రెడ్‌మీ పొందుపరుస్తుందని సమాచారం.
Redmi 11 5G మొబైల్‌లో 5000mAh బ్యాటరీ ఉంటుందని, 18 వాట్ల ఫాస్ట్ చార్జింగ్‌కు సపోర్ట్ చేస్తుందని లీక్‌లు వచ్చాయి. అలాగే పవర్ బటన్‌కే ఫింగర్ ప్రింట్ స్కానర్ (Side-Mounted Fingerprint Scanner) ఉండనుంది. కాగా 64జీబీ స్టోరేజ్ టాప్‌ వేరియంట్‌లో ఉంటుంది. స్టోరేజ్‌ను పొడిగించుకునేందుకు మైక్రోఎస్‌డీ కార్డు స్లాట్ ఈ మొబైల్‌లో ఉంటుంది. అలాగే ఇంటర్నల్ స్టోరేజీని ఉపయోగించుకొని వర్చువల్‌గా ర్యామ్‌ను ఎక్స్‌ప్యాండ్ చేసుకునే ఫీచర్ కూడా ఉండొచ్చని అంచనా.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
