సామ్‌సంగ్‌ గెలాక్సీ ఎస్22 సిరీస్ మొబైళ్ల సేల్‌ మొదలు.. రూ.5,000 క్యాష్‌బ్యాక్ - మరికొన్ని ఆఫర్లు

సామ్‌సంగ్‌ గెలాక్సీ ఎస్ 22 సిరీస్ ( Samsung Galaxy S22 Series ) సేల్‌ భారత్‌లో మొదలైంది. ఫ్లాగ్‌షిప్‌ మొబైళ్లు సామ్‌సంగ్‌ గెలాక్సీ ఎస్22 ( Samsung Galaxy S22 ), సామ్‌సంగ్‌ గెలాక్సీ ఎస్22+, ( Samsung Galaxy S22+ ) సామ్‌సంగ్‌ గెలాక్సీ ఎస్22 అల్ట్రా ( Samsung Galaxy S22 Ultra ) అమ్మకానికి అందుబాటులోకి వచ్చాయి. స్నాప్‌డ్రాగన్ 8 జెన్ 1 ప్రాసెసర్‌ సహా అధునాతన కెమెరాలు, అదిరిపోయే డిస్‌ప్లే.. ఇలా అన్ని విభాగాల్లో ఫ్లాగ్‌షిప్‌ స్పెసిఫికేషన్లతో ఈ ఫోన్లు వచ్చాయి. ఇక సామ్‌సంగ్‌ గెలాక్సీ ఎస్22 అల్ట్రా మొబైల్‌లో ఎస్ పెన్ సపోర్ట్ సహా ఎన్నో ప్రత్యేకతలు ఉన్నాయి. కాగా భారత్‌లో సేల్‌ మొదలైన సందర్భంగా గెలాక్సీ ఎస్22 సిరీస్ మొబైళ్లపై చాలా ఆఫర్లు ఉన్నాయి. క్యాష్‌బ్యాక్‌తో పాటు బండిల్ ఆఫర్లు ఉన్నాయి. సామ్‌సంగ్‌ గెలాక్సీ ఎస్22 సిరీస్ మొబైళ్ల ధరలు, ఆఫర్లు చూడండి. సామ్‌సంగ్ గెలాక్సీ ఎస్22, గెలాక్సీ ఎస్22+, గెలాక్సీ ఎస్22 అల్ట్రా స్పెసిఫికేషన్ల వివరాలు ఇవే..

సామ్‌సంగ్‌ గెలాక్సీ ఎస్22, గెాలాక్సీ ఎస్22+, గెలాక్సీ ఎస్22 అల్ట్రా ధరలు, ఆఫర్లు
Samsung Galaxy S22 మొబైల్‌ 8జీబీ ర్యామ్ + 128జీబీ స్టోరేజ్ బేస్ వేరియంట్ ధర రూ.72,999, 8జీబీ ర్యామ్ + 256జీబీ స్టోరేజ్ ధర రూ.76,999గా ఉంది. Samsung Galaxy S22+ ఫోన్‌ 8జీబీ ర్యామ్ + 128జీబీ స్టోరేజ్ వేరియంట్ ధర రూ.84,999గా ఉండగా.. 8జీబీ ర్యామ్ + 256జీబీ స్టోరేజ్ రేట్ రూ.88,999గా ఉంది. ఇక సామ్‌సంగ్‌ బెస్ట్ ఫోన్‌ గెలాక్సీ ఎస్22 అల్ట్రా ( Samsung Galaxy S22 Ultra ) 12జీబీ ర్యామ్ + 256జీబీ స్టోరేజ్ ధర రూ.1,09,999, 12జీబీ ర్యామ్ + 512జీబీ స్టోరేజ్ ధర రూ.1,18,999గా ఉంది.
సామ్‌సంగ్‌ ఆన్‌లైన్ స్టోర్, అమెజాన్‍తో పాటు దేశంలోని ప్రముఖ రిటైల్ స్టోర్‌లలో సామ్‌సంగ్‌ గెలాక్సీ ఎస్22 సిరీస్ మొబైళ్లను కొనుగోలు చేయవచ్చు.

• హెచ్‌డీఎఫ్‌సీ బ్యాంక్ ( HDFC Bank ) క్రెడిట్, డెబిట్ కార్డులను ఉపయోగించి సామ్‌సంగ్‌ ఎస్22 సిరీస్ మొబైళ్లను కొంటే రూ.5,000 తక్షణ క్యాష్‌బ్యాక్ లభిస్తుంది. మార్చి 31 వరకు ఈ ఆఫర్ ఉంటుందని Samsung పేర్కొంది.
• సామ్‌సంగ్‌ గెలాక్సీ ఎస్22, గెలాక్సీ ఎస్22+ మొబైళ్లను కొంటే రూ.11,999 విలువైన సామ్‌సంగ్‌ గెలాక్సీ బడ్స్ 2 ( Samsung Galaxy Buds 2 ) టీడబ్ల్యూఎస్ ఇయర్‌బడ్స్‌ను రూ.2,999కే దక్కించుకోవచ్చు.
• సామ్‌సంగ్‌ గెలాక్సీ ఎస్22 అల్ట్రా మొబైల్‌ను కొనుగోలు చేస్తే.. రూ.26,999 విలువ చేసే సామ్‌సంగ్‌ గెలాక్సీ వాచ్4 (Samsung Galaxy Watch4) ను కేవలం రూ.2,999కే సొంతం చేసుకునే అవకాశం ఉంటుంది.
• ఎక్స్చేంజ్‌పై రూ.14,500 వరకు డిస్కౌంట్ కూడా లభిస్తుంది.

సామ్‌సంగ్ గెలాక్సీ ఎస్22 మొబైళ్ల పూర్తి వివరాలు

Also Read: iQOO 9 Pro : ఐకూ బెస్ట్ ఫోన్ వచ్చేసింది.. ఫ్లాగ్‌షిప్‌ ప్రాసెసర్లు, అదిరిపోయే స్పెసిఫికేషన్‌లతో భారత్‌లో ఐకూ 9 సిరీస్ లాంచ్.. ధరలు, ఆఫర్లు ఎలా ఉన్నాయంటే ?