Vivo X80 Series : అదిరిపోయే స్పెసిఫికేషన్లతో వివో ఫ్లాగ్‌షిప్ మొబైళ్లు వచ్చేశాయి - స్నాప్‌డ్రాగన్ 8 జెన్ 1 ప్రాసెసర్, ZEISS కెమెరాలతో

Vivo X80, Vivo X80 Pro India launch : వివో ఎక్స్ 80, వివో ఎక్స్ 80 ప్రో మొబైళ్లు భారత్‌లో లాంచ్ అయ్యాయి. ఫ్లాగ్‌షిప్ స్పెసిఫికేషన్లతో బుధవారం అడుగుపెట్టాయి. స్నాప్‌డ్రాగన్ 8 జెన్ 1 ప్రాసెసర్‌తో పాటు ప్రీమియమ్ స్పెక్స్‌తో వివో ఎక్స్80 ప్రో వస్తోంది. 2K డిస్‌ప్లే, ఫ్లాగ్‌షిప్ కెమెరా సెటప్, వైర్‌లెస్ చార్జింగ్ సపోర్ట్‌ ఉన్నాయి. కాగా, ఈ రెండు మొబైళ్లు అడ్వాన్స్‌డ్ ఇమేజింగ్ సిస్టమ్‌తో కూడిన ZEISS కెమెరాలతో వస్తున్నాయి. సినిమాటిక్ స్టైల్ బొకే, 360 డిగ్రీ హారిజన్ లెవెల్ స్టెబిలైజేష్ సహా మరిన్ని అధునాతన కెమెరా ఫీచర్లు ఉంటాయి. వివో ఎక్స్80 మొబైల్‌లో మీడియాటెక్ డైమన్సిటీ 9000 ప్రాసెసర్ ఉంది. Vivo X80, Vivo X80 Pro స్పెసిఫికేషన్లు, ధర, సేల్ వివరాలు చూడండి.

వివో ఎక్స్80 ప్రో స్పెసిఫికేషన్లు
6.78 ఇంచుల 2K రెజల్యూషన్ AMOLED డిస్‌ప్లేను Vivo X80 Pro కలిగి ఉంది. 120Hz వరకు స్క్రీన్ రిఫ్రెష్ రేట్ ఉంటుంది. క్వాల్‌కామ్ పవర్‌ఫుల్ Snapdragon 8 Gen 1 ప్రాసెసర్‌ ఈ ఫ్లాగ్‌షిప్ మొబైల్‌లో ఉంది.

వివో ఎక్స్80 ప్రో వెనుక నాలుగు కెమెరాలు ఉంటాయి. 50 మెగాపిక్సెల్ Samsung ISOCELL GNV ప్రైమరీ కెమెరా, 48 మెగాపిక్సెల్ Sony IMX598 అల్ట్రావైడ్ షూటర్, 12 మెగాపిక్సెల్ Sony IMX663 పోట్రయిట్ సెన్సార్, 8 మెగాపిక్సెల్ అల్ట్రా టెలిఫొటో కెమెరా ఉన్నాయి. అలాగే 32 మెగాపిక్సెల్ ఫ్రంట్ కెమెరాతో ఈ ప్రీమియమ్ మొబైల్ వస్తోంది.

Vivo X80 Pro మొబైల్‌లో 4700mAh బ్యాటరీ ఉంటుంది. 80వాట్ల వైర్డ్, 50వాట్ల వైర్‌లెస్ చార్జింగ్‌కు సపోర్ట్ చేస్తుంది. వాటర్, డస్ట్ రెసిస్టెంట్ కోసం IP68 రేటింగ్‌ను ఈ ఫోన్ కలిగి ఉంది. 5జీ, 4జీ ఎల్‌టీఈ, వైఫై 6, బ్లూటూత్ 5.2, NFC, ఇన్‌ఫ్రారెడ్ (IR) బ్లాస్టర్ కనెక్టివిటీ ఆప్షన్లుగా ఉన్నాయి.

వివో ఎక్స్80 స్పెసిఫికేషన్లు
Full HD+ రెజల్యూషన్‌, 120Hz వరకు రిఫ్రెష్ రేట్ ఉన్న 6.78 ఇంచుల AMOLED డిస్‌ప్లేతో Vivo X80 వస్తోంది. MediaTek Dimensity 9000 ప్రాసెసర్‌పై ఈ మొబైల్ రన్ అవుతుంది. ఈ రెండు ఫోన్‌లలో ఆండ్రాయిడ్ 12 ఆధారిత Origin OS Ocean ఉంటుంది.

వెనుక మూడు కెమెరాల సెటప్‌తో వివో ఎక్స్80 ఫోన్ వస్తోంది. OIS సపోర్ట్ ఉండే 50 మెగాపిక్సెల్ Sony IMX866 లెన్స్ ప్రధాన కెమెరా, 12 మెగాపిక్సెల్ అల్ట్రా వైడ్ షూటర్, 12 మెగాపిక్సెల్ పోట్రయిట్ లెన్స్ ఉన్నాయి. సెల్ఫీలు, వీడియో కాల్స్ కోసం 32 మెగాపిక్సెల్ ఫ్రంట్ కెమెరాను కలిగి ఉంది.

Vivo X80 ఫోన్‌లో 4500mAh బ్యాటరీ ఉండగా.. 80వాట్ల ఫ్లాష్ చార్జ్ ఫాస్ట్ చార్జింగ్ టెక్నాలజీకి సపోర్ట్ చేస్తుంది.

వివో ఎక్స్80, వివో ఎక్స్80 ప్రో ధర
Vivo X80 Pro ఒకే వేరియంట్ విడుదలైంది. 12GB RAM + 256GB స్టోరేజ్ ఉన్న ఈ మొబైల్ ధర రూ.79,999గా ఉంది. 8GB RAM + 128GB స్టోరేజ్ ఉన్న Vivo X80 రూ.54,999, 12GB RAM + 256GB స్టోరేజ్ ఉన్న టాప్ వేరియంట్ రూ.59,999 ధరకు లాంచ్ అయింది. కాస్మిక్ బ్లాక్ కలర్‌లో వివో ఎక్స్80 ప్రో అందుబాటులోకి రానుంది. ఎక్స్80 కాస్మిక్ బ్లూ, అర్బన్ బ్లూ కలర్ ఆప్షన్లలో లభ్యమవుతుంది. ఫ్లిప్‌కార్ట్, వివో ఇండియా ఆన్‌లైన్ స్టోర్‌తో పాటు ఆఫ్‌లైన్ స్టోర్‌లలో ఈ నెల 25వ తేదీన ఈ స్మార్ట్‌ఫోన్‌లు సేల్‌కు వస్తాయి.
HDFC డెబిట్, క్రెడిట్ కార్డుతో కొంటే ఎక్స్80 ప్రోపై రూ.7,000, ఎక్స్80పై రూ.5000 డిస్కౌంట్ లభిస్తుంది. వివో వెబ్‌‌సైట్‌లో ఇప్పటికే ప్రీబుకింగ్స్ మొదలయ్యాయి.