5000mAh బ్యాటరీతో వివో కొత్త బడ్జెట్ ఫోన్‌ - రూ.9వేలలోపు ధరతో | Vivo Y01 launched

బడ్జెట్ రేంజ్‌లో వివో ( Vivo ) మరో ఆప్షన్‌ను అందుబాటులోకి తెచ్చింది. వివో వై01 ( Vivo Y01 ) మొబైల్‌ను భారత్‌లో సోమవారం లాంచ్ చేసింది. రూ.9వేలలోపు ధరతో ఆక్టాకోర్ మీడియాటెక్ హీలియో పీ35 ( MediaTek Helio P35 ) ప్రాసెసర్‌తో ఈ మొబైల్‌ వస్తోంది. హెచ్‌డీ+ వాటర్ డ్రాప్ స్టైల్ నాచ్ LCD డిస్‌ప్లేను కలిగి ఉంది. రెండు కలర్ ఆప్షన్లలో ఈ ఫోన్‌ విడుదలైంది. వెనుక 8 మెగాపిక్సెల్ కెమెరాతో Vivo Y01 వస్తోంది. అలాగే ఆండ్రాయిడ్ 11 గో ఎడిషన్‌ (Android 11 Go Edition) తో కూడిన ఫన్‌టచ్ ఓఎస్ 11.1పై రన్ అవుతుంది. Vivo Y01 ధర, సేల్‌, పూర్తి స్పెసిఫికేషన్లు ఇవే.

వివో వై01 ధర
Vivo Y01 Price in India | వివో వై01 మొబైల్‌ ఒకే వేరియంట్‌లో విడుదలైంది. 2జీబీ ర్యామ్ + 32జీబీ స్టోరేజ్ ఉన్న ఈ ఫోన్‌ ధర రూ.8,999గా ఉంది. ఎలిగెంట్ బ్లాక్, షాఫైర్ బ్లూ కలర్ ఆప్షన్లలో లభ్యం కానుంది. వివో ఈ-స్టోర్‌తో పాటు ఆఫ్‌లైన్ స్టోర్‌లలోనూ అందుబాటులోకి రానుంది. అయితే సేల్‌ తేదీని వివో ఇంకా వెల్లడించలేదు.

వివో వై01 స్పెసిఫికేషన్లు
Vivo Y01 Specifications, features | 6.51 ఇంచుల HD+ హాలో ఫుల్ వ్యూ UPS LCD డిస్‌ప్లేతో వివో వై01 మొబైల్‌ వస్తోంది. 20:9 యాస్పెక్ట్ రేషియో ఉంటుంది. బ్లూలైట్ ఎమిషన్‌ను నిరోధించేలా ఐప్రొటెక్షన్ మోడ్‌ను పొందుపరిచినట్టు వివో పేర్కొంది. ప్రాసెసర్‌ విషయానికి వస్తే.. ఈ ఫోన్‌లో MediaTek Helio P35 ఉంటుంది. గరిష్ఠంగా 2GB ర్యామ్, 32GB ఇంటర్నల్ స్టోరేజ్ ఉంది. ఇక స్టోరేజ్‌ని పొడిగించుకునేందుకు మైక్రో ఎస్‌డీ కార్డు కోసం ప్రత్యేక స్లాట్‌ను Vivo ఇచ్చింది. ఆండ్రాయిడ్‌ 11 గో ఎడిషన్ ఆధారిత Funtouch OS 11.1 ఇందులో ఉంటుంది.

వివో వై01 ( Vivo Y01 ) వెనుక 8 MP కెమెరా ఉంది. అలాగే సెల్ఫీలు, వీడియో కాల్స్ కోసం 5 MP ఫ్రంట్ కెమెరాను వివో ఇస్తోంది. 4G LTE, వైఫై, బ్లూటూత్, GPS/A-GPS, మైక్రో USB పోర్ట్, 3.5mm హెడ్‌ఫోన్ జాక్ కనెక్టివిటీ ఫీచర్లుగా ఉన్నాయి. అలాగే ఫేస్ వేక్ ఫీచర్ కూడా ఉంది. ఫేస్ అన్‌లాక్ లాగా ఇది పని చేస్తుంది. అలాగే ఫింగర్ ప్రింట్ స్కానర్ పవర్ బటన్‌కే ఉంది.
5000mAh బ్యాటరీతో Vivo Y01 వస్తోంది. స్టాండర్డ్ 10వాట్ల చార్జింగ్‌కు సపోర్ట్ చేస్తుంది. ఇక ఈ ఫోన్ 8.29 మందం ఉంటుంది.