Smartphone tips : నమ్మితే మునిగినట్టే.. ఈ 5 జాగ్రత్తలు తీసుకుంటే సేఫ్

ప్రస్తుతం చాలా మంది ముఖ్యమైన సమాచారాన్ని స్మార్ట్‌ఫోన్‌లలోనే స్టోర్ చేసుకుంటున్నారు. బ్యాంక్ ఖాతాల వివరాలు, యూజర్ నేమ్స్, పాస్‌వర్డ్‌లు, పేమెంట్స్ వివరాలు ఫోన్‌లోనే ఉంటున్నాయి. చాలా వరకు పేమెంట్స్ కూడా ఎక్కువ మంది ఆన్‌లైన్, యాప్స్ ద్వారా చేస్తున్నారు. ఇదే అదునుగా కొందరు సైబర్ క్రిమినల్స్ మోసాలకు పాల్పడేందుకు కాచుకొని ఉన్నారు. స్పామ్ కాల్స్, ఎస్ఎంఎస్‌లతో (Spam Calls, SMS) మోసం చేసేందుకు ప్రయత్నిస్తుంటారు. ఒకవేళ అవి నమ్మి వారు చెప్పినట్టు చేస్తే ఇక అంతే. విలువైన వ్యక్తిగత సమాచారాన్ని, డబ్బు కోల్పోయే ప్రమాదం ఉంటుంది. ఇలాంటి మోసపూరిత స్పామ్ కాల్స్, ఎస్ఎంఎస్‌లు వచ్చినప్పుడు తీసుకోవాల్సిన జాగ్రత్తలు ఇవే.

పేమెంట్ రిక్వెస్ట్‌లను యాక్సెప్ట్ చేయొద్దు
టెక్ట్స్, లింక్, ఆన్‌లైన్ పేమెంట్ యాప్‌.. ఇలా ఏ విధానంలో అయినా మీ మొబైల్‌కు స్పామ్ కాలర్.. పేమెంట్ రిక్వెస్ట్ పంపితే అసలు యాక్సెప్ట్ చేయవద్దు. స్పామ్ కాల్స్ వచ్చినప్పుడు పేమెంట్ చేయాలని అడిగితే అసలు పట్టించుకోవద్దు. లింక్‌ను క్లిక్ చేయవద్దు. ముఖ్యంగా కాల్‌లోనే ఉండి.. పేమెంట్ చేయాలని అడిగితే అసలు అంగీకరించవద్దు.
Also Read: Online Banking Safety Tips : ఆన్‌లైన్ బ్యాంకింగ్ వాడుతున్నారా! - ఈ 7 జాగ్రత్తలు తప్పనిసరిగా పాటించాల్సిందే
ఇలాంటి ఎస్ఎంఎస్, మెయిల్ లింక్స్‌పై క్లిక్ వద్దు
ఎన్రోల్ అవకపోయినా.. మీరు కాంపిటిషన్‌లో, లాటరీలో గెలిచారంటూ కొన్ని స్పామ్ ఈమెయిల్స్, ఎస్ఎంఎస్‌లు వస్తుంటాయి. వాటిని అసలు నమ్మొద్దు. ఎందుకంటే పార్పిసిపేట్ చేయకుండా ఎవరూ గెలవరు. అందుకే అలాంటి ఎస్ఎంఎస్‌లు, ఈమెయిల్స్‌ను డిలీట్ చేయండి. వాటిలోని లింక్స్‌ను క్లిక్ చేసి.. వివరాలు సమర్పించవద్దు.

కాల్స్‌లో ఉన్నప్పుడు యాప్స్ ఇన్‌స్టాల్ వద్దు
కొందరు స్పామర్లు కాల్ చేసి.. లైన్‌లో ఉంటాం మీరు యాప్‌ ఇన్‌స్టాల్ చేసుకోండని కొన్నిసార్లు చెబుతుంటారు. మాల్‌వేర్‌తో కూడిన ఆ యాప్‌ను యూజర్ వెంటనే డౌన్‌లోడ్ చేసుకోవాలని తొందర పెడుతుంటారు. అలాంటి సందర్భాల్లో జాగ్రత్తగా ఉండాలి. ఎట్టిపరిస్థితుల్లోనూ కాల్‌లో ఉన్న సమయంలో యాప్‌ను కానీ, ఫైల్స్‌ను కానీ మీ స్మార్ట్‌ఫోన్‌లో డౌన్‌లోడ్ చేసుకోకూడదు. అవి మాల్‌వేర్‌ను కలిగి ఉండే ప్రమాదం ఉంటుంది.
Also Read: Online Safety Tips : ఇంటర్నెట్ వాడే వారు పాటించాల్సిన 5 జాగ్రత్తలు ఇవే
స్క్రీన్ షేర్ చేయవద్దు
కొందరు స్పామ్ కాలర్స్.. ఎస్ఎంఎస్‌ల ద్వారా లింక్స్ పంపి.. దాని ద్వారా మీ స్మార్ట్‌ఫోన్‌ స్క్రీన్ షేర్ చేయాలని అడుగుతారు. బ్యాంక్ నుంచి కాల్ చేస్తున్నామని, స్క్రీన్ షేర్ చేసి బ్యాంకింగ్ యూజర్ నేమ్, పాస్‌వర్డ్ మొబైల్‌లో ఎంటర్ చేయాలని కోరతారు. ఇలా స్క్రీన్ షేర్ చేస్తే వారు మీ మొబైల్‌ను కూడా కంట్రోల్ చేయగలరు. అందుకే లింక్స్ ద్వారా తెలియని వ్యక్తులెవరికీ, ఎప్పుడూ స్క్రీన్ షేర్ చేయకూడదు. అసలు అపరిచిత వ్యక్తుల నుంచి వచ్చే ఏ లింక్స్‌పై అయినా క్లిక్ చేయకూడదు.

కార్డ్, యూపీఐ వివరాలు చెప్పొద్దు
కాల్స్ ద్వారా యూపీఐ పిన్, యూపీఐ ఐడీ, బ్యాంక్ కార్డ్ వివరాలు అడిగితే ఎవరికీ చెప్పొద్దు. ఒకవేళ సైబర్ నేరస్థులకు ఈ వివరాలు చెబితే మీ ఖాతాలోనే డబ్బును దోచేస్తారు. మీ వివరాలను చేతుల్లోకి తీసుకొని దుర్వినియోగం చేస్తారు.

Also Read: Best Phones Under Rs 30,000 : రూ.30వేలలోపు జబర్దస్త్ స్మార్ట్‌ఫోన్‌లు ఇవే..
Also Read: iPhone 14 సిరీస్ లాంచ్ డేట్ ఫిక్స్.. ఈవెంట్ తేదీని అధికారికంగా ప్రకటించిన యాపిల్