Airtel 5G launch : దేశంలోని 8 నగరాల్లో 5జీ నెట్వర్క్ రోల్అవుట్‌ను ఎయిర్టెల్ మొదలుపెట్టింది. ఈ 8 నగరాల్లో హైదరాబాద్ కూడా ఉందని తాజాగా ఆ సంస్థకు చెందిన ఓ అధికారి వెల్లడించారు. మరి 5జీ కోసం 4జీ సిమ్ సపోర్ట్ చేస్తుందా.. కొత్త సిమ్ తీసుకోవాలా? ఇక్కడ తెలుసుకోండి.
Authored byKrishna Prakash | Samayam Telugu1 Oct 2022, 8:22 pm
Airtel 5G launch : దేశంలో 5జీ శకం మొదలైంది. ఇండియా మొబైల్‌ కాంగ్రెస్ వేదికగా ప్రధాన మంత్రి నరేంద్ర మోదీ (Narendra Modi) నేడు (అక్టోబర్ 1) 5జీ సర్వీస్‌లను ప్రారంభించారు. కాసేపటికే దేశంలోని 8 నగరాల్లో 5జీ నెట్వర్క్ (5G Network)ను నేటి నుంచే అందుబాటులోకి తీసుకురానున్నట్టు ఎయిర్టెల్ (Airtel) ప్రకటించింది. దీంతో దేశంలో 5జీ సర్వీస్‌లను ప్రారంభించిన తొలి టెలికం సంస్థగా నిలిచింది. ఎయిర్టెల్ చైర్మన్ సునీల్ మిట్టల్ తన ప్రసంగంలో ఢిల్లీ, వారణాసి, ముంబై, బెంగళూరు నగరాల పేర్లనే పేర్కొన్నారు. అయితే తాజాగా మిగిలిన సిటీలు ఏవనే విషయం కూడా వెల్లడైంది. ఎయిర్‌టెల్‌కు చెందిన సీనియర్ అధికారి ఒకరు ఈ వివరాలను వెల్లడించారు.
Samayam Telugu
ఢిల్లీ, వారణాసి, ముంబై, బెంగళూరుతో పాటు హైదరాబాద్, చెన్నై, సిలిగుడిలోనూ ఎయిర్టెల్ 5జీ నెట్‌వర్క్‌ను రోల్అవుట్ చేసిందని ఆ సంస్థకు చెందిన ఓ సీనియర్ అధికారి ఒకరు పేర్కొన్నారు. అంటే ఈ ప్రకారం హైదరాబాదీలకు తొలి దశలోనే ఎయిర్టెల్ 5జీ సేవలు అందనున్నాయి. రెండు రోజుల్లోనే Airtel 5G సర్వీసెస్‌పై స్పష్టత వచ్చే అవకాశం ఉంది. మరో రెండు వారాల్లో హైదరాబాద్ వాసులకు 5జీ అందుబాటులోకి వచ్చే ఛాన్స్ ఉంది.
ఇక రిలయన్స్ జియో (Reliance Jio) ఈనెలాఖరులోగా 5జీని లాంచ్ చేయడం ఖాయంగా కనిపిస్తుంది. జియో సైతం దేశంలోని ప్రధాన నగరాల్లోనే ముందుగా 5జీ సర్వీస్‌లను అందుబాటులోకి తెస్తుంది. ఆ జాబితాలో హైదరాబాద్ ఉంటుందనే అంచనాలు అధికంగా ఉన్నాయి. మొత్తంగా తొలి దశలో ప్రధాన నగరాల్లో 5జీని అందుబాటులోకి తీసుకురానున్న టెలికం సంస్థలు క్రమంగా విస్తరించనున్నాయి. 2024లోగా దేశమంతా 5జీ నెట్‌వర్క్‌ను అందించాలని లక్ష్యంగా పెట్టుకున్నాయి.
5జీ కోసం ఎయిర్టెల్ కొత్త సిమ్ తీసుకోవాలా? 5జీ కోసం కస్టమర్లు ప్రత్యేకంగా సిమ్ తీసుకోవాల్సిన అవసరం లేదని ఎయిర్టెల్ ఇప్పటికే స్పష్టం చేసింది. ప్రస్తుతం వినియోగిస్తున్న 4జీ సిమ్.. 5జీ నెట్‌వర్క్‌కు సపోర్ట్ చేస్తుందని చెప్పింది. అంటే 5జీ కోసం కొత్త సిమ్ తీసుకోవాల్సిన అవసరం లేదు. అయితే 5జీకి సపోర్ట్ చేసే ఫోన్‌ మాత్రం ఉండాలి. ఎయిర్టెల్.. 5జీ నాన్-స్టాండలోన్ (non-Standalone - NSA) నెట్‌వర్క్‌ను తీసుకొస్తుండగా.. రిలయన్స్ జియో స్టాండలోన్ (Standalone - SA)ను లాంచ్ చేయనుంది. అయితే 5జీ కోసం కొత్త సిమ్ తీసుకోవాలా అనే అంశంపై జియో ఇంకా స్పష్టతనివ్వలేదు. అయితే 4జీ సిమ్ సపోర్ట్ చేసే ఛాన్స్ ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
