Amazon Prime ఉచిత సబ్‌స్క్రిప్షన్‌తో ఎయిర్‌టెల్‌ కొత్త ప్లాన్ - వివరాలివే

ప్రముఖ టెలికం సంస్థ ఎయిర్‌టెల్ (Airtel) మరో ప్రీపెయిడ్ ప్లాన్‌ను తీసుకొచ్చింది. ఈ నెల ప్రారంభంలోనూ రెండు ప్లాన్‌లను ప్రవేశపెట్టగా.. ఇప్పుడు అమెజాన్ ప్రైమ్ (Amazon Prime) సబ్‌స్క్రిప్షన్ ఉచితంగా లభించే మరో ప్లాన్‌ను తీసుకొచ్చింది. ఇటీవలే పోస్ట్‌పెయిడ్ యూజర్లకు అమెజాన్ ప్రైమ్ మెంబర్‌షిప్‌ను ఆరునెలలకు సడలించిన తర్వాత.. ప్రైమ్‌ను ఉచితంగా ఇస్తూ ప్రీపెయిడ్ ప్లాన్ తీసుకొచ్చింది ఎయిర్‌టెల్. 84 రోజుల వ్యాలిడిటీతో కొత్త ప్లాన్‌ను ప్రవేశపెట్టింది. దీని ధర రూ.999గా ఉంది. దాదాపు ఈ ప్లాన్‌తో అన్ని బెనిఫిట్స్ లభిస్తాయి. Airtel కొత్తగా తీసుకొచ్చిన Rs 999 ప్లాన్ ద్వారా లభించే పూర్తి ప్రయోజనాలు, వివరాలు చూడండి. (Airtel New Rs 999 Prepaid Plan)

ఎయిర్‌టెల్ కొత్త రూ.999 ప్లాన్
Airtel Rs 999 Plan | ఎయిర్‌టెల్ కొత్తగా తీసుకొచ్చిన రూ.999 ప్రీపెయిడ్ ప్లాన్ వ్యాలిడిటీ 84 రోజులుగా ఉంది. రోజుకు 2.5జీబీ డేటా లభిస్తుంది. అలాగే అన్‌లిమిటెడ్ కాల్స్, రోజుకు 100ఎస్ఎంఎస్‌లు వాడుకోవచ్చు. అలాగే ఎలాంటి అదనపు చార్జీలు లేకుండా 84 రోజుల పాటు అమెజాన్ ప్రైమ్‌ను ఉచితంగా వినియోగించుకోవచ్చు. సాధారణంగా అమెజాన్ ప్రైమ్ 90 రోజుల ప్లాన్ ధర రూ.459గా ఉంటుంది. ఈ ప్లాన్‌తో ఉచితంగా లభిస్తుంది.

Also Read: Jio - Airtel - Vodafone Idea : నెల వ్యాలిడిటీతో కొత్తగా లాంచ్ అయిన ప్లాన్‌లు ఇవే - ఏది బెస్ట్‌గా ఉందో చూడండి

అలాగే రూ.999 ప్లాన్‌తో ప్రీమియమ్ ఎయిర్‌టెల్ ఎక్స్‌ట్రీమ్‌లో ఓ చానెల్‌ను ఎంచుకోవచ్చు. సోనీ లివ్, లయన్స్‌గేట్ ప్లే, ఎరోస్‌నౌ, హౌచౌ, మనోరమా మ్యాక్స్‌ల్లో ఒకటి ఎంపిక చేసుకుంటే.. 84 రోజుల పాటు ఉచిత సబ్‌స్క్రిప్షన్ లభిస్తుంది. అలాగే ఎయిర్‌టెల్ థ్యాంక్స్ బెనిఫిట్స్ (Airtel Thanks Benefits) కూడా దక్కుతాయి. దీని ద్వారా ఉచిత హలోట్యూన్స్, వింక్ మ్యూజిక్ ఉచితంగా వినియోగించుకోవచ్చు. అలాగే షా అకాడమీలో ఉచిత ఆన్‌లైన్ కోర్సులు, అపోలో 24 |7 సర్కిల్ మూడు నెలల సబ్‌స్కిప్షన్ పొందవచ్చు.

Also Read : డైలీ డేటాతో Jio, Airtel, Vodafone Idea అందిస్తున్న తక్కువ ధర ప్లాన్‌లు

కాగా, ఏప్రిల్ ప్రారంభంలో ఎయిర్‌టెల్ రెండు కొత్త ప్రీపెయిడ్‌ ప్లాన్‌లను ప్రవేశపెట్టింది. రూ296, రూ.319 ప్రీపెయిడ్ ప్లాన్‌లను తీసుకొచ్చింది. రూ.296 ప్లాన్‌తో రీచార్జ్ చేసుకుంటే 30 రోజుల వ్యాలిడిటీతో 25జీబీ డేటా, రోజుకు 100ఎస్ఎంఎస్‌లు, అన్‌లిమిటెడ్ కాల్స్ దక్కుతాయి. అలాగే రూ.319 ప్లాన్ ద్వారా నెల మొత్తం వ్యాలిడిటీ దక్కుతుంది. రోజుకు 2జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి. ఈ ప్లాన్‌లతో పాటు ఉచిత హలోట్యూన్, వింక్ మ్యూజిక్ లాంటి ఎయిర్‌టెల్ థ్యాంక్స్ బెనిఫిట్స్ కూడా దక్కుతాయి.
Also Read: జియోకు పోటీగా రెండు కొత్త ప్లాన్‌లను లాంచ్ చేసిన ఎయిర్‌టెల్ - నెల వ్యాలిడిటీ.. మంచి బెనిఫిట్స్‌తో..
రూ.499, రూ.999, రూ.1,999, రూ.1,599 పోస్ట్‌పెయిడ్ ప్లాన్‌లు తీసుకున్న యూజర్లకు ఇంత వరకు యూజర్లకు ఏడాది అమెజాన్ ప్రైమ్ మెంబర్‌షిప్ దక్కుతుండగా.. తాజాగా దాన్ని ఎయిర్‌టెల్ ఆరునెలలకు తగ్గించింది.