Airtel, Vodafone గుడ్ న్యూస్.. వ్యాలిడిటీ పొడిగింపు! ఎప్పటివరకు అంటే?

మనదేశంలో లాక్ డౌన్ ను మే 3వ తేదీ వరకు పొడిగించడంతో ఎయిర్ టెల్, వొడాఫోన్ తమ వినియోగదారులకు మళ్లీ వ్యాలిడిటీ పొడిగింపును ప్రకటించాయి. తక్కువ ఆదాయం ఉండే ప్రీపెయిడ్ మొబైల్ వినియోగదారులకు లాక్ డౌన్ రెండో దశ ముగిసే వరకు అంటే మే 3వ తేదీ వరకు వ్యాలిడిటీని పొడిగిస్తున్నారు. గత మూడు వారాల నుంచి మొబైల్ షాపులు మూసి ఉండటంతో బయటకు వెళ్లి రీచార్జ్ చేసుకోలేని వారి కోసం ఈ నిర్ణయం తీసుకున్నారు. లాభాలను పొడిగించి ప్రజలకు సాయం చేయమని ట్రాయ్ ఆదేశించిన అనంతరం ఈ రెండు నెట్ వర్క్ లూ ఈ నిర్ణయం తీసుకున్నాయి.

Also Read: Smartphone Buying Guide: రూ.10 వేలలోపు బెస్ట్ ఫోన్లు ఇవే!(ఏప్రిల్ 2020)

తమ వినియోగదారుల్లో దాదాపు 3 కోట్ల మంది వరకు తమ ప్రీపెయిడ్ మొబైల్ నంబర్లకు రీచార్జ్ చేసుకోలేకపోతున్నారని.. అందుకే వారి వ్యాలిడిటీని మే 3వ తేదీ వరకు పొడిగిస్తున్నామని ఎయిర్ టెల్ పేర్కొంది. వారి ప్లాన్ వ్యాలిడిటీ ముగిసినా సరే వారు ఇన్ కమింగ్ కాల్స్ ను రిసీవ్ చేసుకోవచ్చని తెలిపింది.

ఇక వొడాఫోన్ విషయానికి వస్తే.. దేశంలోని వివిధ ప్రాంతాల్లో ఏకంగా 9 కోట్ల మంది వినియోగదారులు రీచార్జ్ చేసుకోవాల్సిన వారు ఉన్నారని కంపెనీ తెలిపింది. ఈ వినియోగదారులందరూ తమ ప్లాన్ల వ్యాలిడిటీ ముగిసిన అనంతరం కూడా ఇన్ కమింగ్ కాల్స్ చేసుకోవచ్చని తెలిపింది. ఈ ఇన్ కమింగ్ వ్యాలిడిటీ పొడిగింపును వారి ఖాతాల్లో వీలైనంత త్వరగా క్రెడిట్ చేస్తామని పేర్కొంది.

Also Read: Honor 30 Series ఫోన్లు లాంచ్.. ఒకేసారి మూడు ఫోన్లతో షాకిచ్చిన హానర్!

ఈ రెండు టెలికాం సంస్థలూ తమ లాభాలను పొడిగించడం ఇది రెండో సారి. ప్రభుత్వం జాతీయ స్థాయిలో మార్చి 24వ తేదీన మొదటిసారి లాక్ డౌన్ ను పొడిగించింది. గతంలో కూడా ట్రాయ్ వినియోగదారులు ఇబ్బంది పడకుండా కాస్త లాభాలను అందించమని ఆదేశించడంతో వ్యాలిడిటీ పొడిగించడంతో పాటు, రూ.10 టాక్ టైంను కూడా అందించాయి.