Airtel: ఒకే యాప్, సింగిల్ సబ్‌స్క్రిప్షన్‌తో 15 OTTల వీడియో కంటెంట్.. రూ.149కే - తెలుసుకోవాల్సిన విషయాలు ఇవే

టెలికం సంస్థ Airtel.. భారత్‌లో ఎయిర్‌టెల్ ఎక్స్‌ట్రీమ్ ప్రీమియమ్ (Airtel Xstream Premium) ఓటీటీ స్ట్రీమింగ్ సర్వీస్ లాంచ్ చేసింది. ఒకే వేదికపై విభిన్న ఓటీటీలకు చెందిన కంటెంట్ అందించేలా ఈ వీడియో స్ట్రీమింగ్ సదుపాయాన్ని ఎయిర్‌టెల్ కస్టమర్ల కోసం లాంచ్ చేసింది. కేవలం నెలకు రూ.149 ప్లాన్‌తో మొత్తం 15 భారతీయ, అంతర్జాతీయ ఓటీటీల ప్లాట్‌ఫామ్‌ల్లోని కంటెంట్‌ను అందిస్తోంది. ఈ ప్లాన్ తీసుకుంటే 10వేలకు పైగా సినిమాలు, వేలాది టీవీ షోలు ఒకే ప్లాట్‌ఫామ్‌లో యాక్సెస్ చేయవచ్చని Airtel వెల్లడించింది. ఒకే యాప్, సింగిల్ సబ్‌స్క్రిప్షన్, ఒకే సైన్ఇన్‌తో 15 ఓటీటీల కంటెంట్ వినియోగించుకోవచ్చని చెబుతోంది.
ఎయిర్‌టెల్ ఎక్స్‌ట్రీమ్ ప్రీమియమ్ ధరలు ఇవే (Airtel Xstream Premium Price)
ఎయిర్‌టెల్ ఎక్స్‌ట్రీమ్ ప్రీమియమ్ వీడియో స్ట్రీమింగ్ సర్వీస్ సబ్‌స్క్రిప్షన్ ధర నెలకు రూ.149గా ఉంది. అలాగే ఏడాది సబ్‌స్క్రిప్షన్ ప్లాన్‌ ధర రూ.1,499గా ఉంది.

OTTలు ఇవే (Airtel Xstream Premium OTT Services)
ఎక్స్‌ట్రీమ్ ప్రీమియమ్‌లో మొత్తం 15ఓటీటీల కంటెంట్ అందిస్తోంది ఎయిర్‌టెల్. సోనీ లివ్ (SonyLIV), ఎరోస్ నౌ (Eros Now), హంగామా ప్లే (Hungama Play), లయన్స్‌గేట్ ప్లే (Lionsgate Play), మనోరమ మ్యాక్స్ (ManoramaMax), అల్ట్రా (Ultra), హౌచోయ్ (Hoichoi), ఎపిక్ ఆన్ (Epic On), షార్ట్స్‌టీవీ (ShortsTV), క్లిక్ (KLIKK), డివో (Divo), డాలీవుడ్ ప్లే (Dollywood Play), నమ్మ ఫ్లిక్ (Namma Flix), డోకుబే (Docubay), షెమారూమీ (ShemarooMe) ఓటీటీ సర్వీసుల వీడియో కంటెంట్‌ను ఒకే సబ్‌స్క్రిప్షన్‌తో ఎయిర్‌టెల్ అందిస్తోంది.

ఎక్కడ చూడవచ్చు
Airtel Xstream Premiumను ఆండ్రాయిడ్, ఐఓఎస్ ఫోన్లలో ఎయిర్‌టెల్ ఎక్స్‌ట్రీమ్ యాప్ లేదా వెబ్‌సైట్‌లో చూడవచ్చు. అలాగే ఎయిర్‌టెల్ ఎక్స్‌ట్రీమ్ బాక్స్, ఆండ్రాయిడ్ టీవీ, ఫైర్ టీవీ, అధికారిక వెబ్‌సైట్ ‌లోనూ ఈ వీడియో స్ట్రీమింగ్ సర్వీస్‌ను వినియోగించుకోవచ్చు. ఒకే యాప్, ఒకే సబ్‌‌స్క్రిప్షన్‌తో 15 ఓటీటీల కంటెంట్ చూడవచ్చు. అలాగే ఏఐ ద్వారా యూజర్లకు తగ్గట్టు కంటెంట్ క్యూరేషన్ ఉంటుందని ఎయిర్‌టెల్ పేర్కొంది.

ఈ కొత్త ఎయిర్‌టెల్ ఎక్స్‌ట్రీమ్ ప్రీమియమ్ ప్రత్యేకంగా ఎయిర్‌టెల్ కస్టమర్లకు అందుబాటులో ఉంది. ఎయిర్‌టెల్ ఇంతవరకు ఎక్స్‌ట్రీమ్ పేరుతో ఉచితంగా ఆన్‌లైన్ వీడియో స్ట్రీమింగ్ సర్వీస్ అందించింది. అయితే పూర్తి మార్పులతో.. ఏకంగా 15ఓటీటీ సర్వీసులతో నూతనంగా ఈ Airtel Xstream Premium సర్వీస్‌ను ప్రవేశపెట్టింది.

Also Read: 24గంటల బ్యాటరీ లైఫ్, 10mm డ్రైవర్లతో కొత్త టీడబ్ల్యూఎస్ ఇయర్‌బడ్స్.. రూ.1,499కే
Also Read: చైనీస్ కంపెనీలకు షాక్.. Smart Watchesలో భారత బ్రాండ్‌లదే ఆధిపత్యం - వృద్ధి చూస్తే ఆశ్చర్యపోవాల్సిందే
Also Read: Redmi Smart Band Pro: ఆల్‌వేస్ ఆన్ డిస్‌ప్లే, మంచి బ్యాటరీతో రెడ్‌మీ స్మార్ట్ బ్యాండ్ ప్రో.. ధర ఎంతంటే?
Also Read: జేబులో పట్టేంత సైజ్‌లో మినీ ఫొటో ప్రింటర్.. స్మార్ట్‌ఫోన్‌కు కనెక్ట్ చేసి ఫొటోలు ప్రింట్ చేయొచ్చు - Pocket Size Photo Printer