Amazon Summer Sale : రెడ్‌మీ, వన్‌ప్లస్‌ 43 ఇంచుల 4K అల్ట్రా హెచ్‌డీ Smart TVsపై మంచి డిస్కౌంట్ - బ్యాంక్ కార్డ్ ఆఫర్లు కూడా

ఈ-కామర్స్ ప్లాట్‌ఫామ్‌ అమెజాన్‌ (Amazon) లో సమ్మర్ సేల్‌ (Summer) కొనసాగుతోంది. ఈ నెల 8వ తేదీ వరకు ఈ సేల్‌ ఉంటుంది. ఈ సేల్‌ సందర్భంగా స్మార్ట్ టీవీలు, మొబైళ్లు, ఏసీలు, రిఫ్రిజిరేటర్లతో పాటు దాదాపు అన్ని ఎలక్ట్రానిక్స్‌పై డిస్కౌంట్లు ఇస్తోంది అమెజాన్. ముఖ్యంగా స్మార్ట్ టీవీ (Smart TVs) కొనాలనుకునే వారి కోసం కొన్ని ఆకర్షణీయమైన ఆఫర్లు ఉన్నాయి. వాటిలో Mi TV 4X, OnePlus TV Y1 Pro సిరీస్‌లకు చెందిన 43 ఇంచుల 4K Ultra HD రెజల్యూషన్ డిస్‌ప్లేతో ఉన్న టీవీలు మంచి డిస్కౌంట్‌తో ఉన్నాయి. వీటి ధర రూ.30వేలలోపలికే రాగా.. కూపన్లు, బ్యాంక్ కార్డు ఆఫర్‌తో మరింత తక్కువకే కొనుగోలు చేయవచ్చు. ఆ ఆఫర్లు ఏంటంటే..

Mi TV 4X 43 ఇంచుల 4K Ultra HD స్మార్ట్ టీవీ
ఎంఐ 43 ఇంచుల 4కే అల్ట్రా హెచ్‌డీ టీవీ 4ఎక్స్ (Mi 108 cm (43 Inches) 4K Ultra HD Android Smart LED TV 4X) సాధారణ ధర రూ.34,999గా ఉండగా.. ప్రస్తుతం అమెజాన్ సేల్‌లో 19శాతం డిస్కౌంట్‌తో లభిస్తోంది. రూ.6,500 తగ్గింపుతో ప్రస్తుతం ఈ Smart TV రూ.28,499 ధరకు అందుబాటులో ఉంది. ICICI క్రెడిట్ కార్డుతో కొంటే రూ.1,500 అదనపు డిస్కౌంట్ కూడా లభిస్తుంది. అలాగే RBL, కొటాక్ బ్యాంక్ కార్డులపైనా రూ.1250 వరకు తగ్గింపు పొందవచ్చు.

ఈ స్మార్ట్ టీవీ 4K అల్ట్రా హెచ్‌డీ రెజల్యూషన్ ఉండే 43 ఇంచుల డిస్‌ప్లేతో వస్తోంది. HDR 10 సపోర్ట్, వివిద్ పిక్చర్ ఇంజిన్ ఇందులో ఉంటాయి. ఆండ్రాయిడ్‌ 9 ఆపరేటింగ్ సిస్టమ్‌పై రన్ అవుతుంది. క్రోమ్‌కాస్ట్, గూగుల్ అసిస్టెంట్ సపోర్ట్ ఉంటుంది. అలాగే నెట్‌ఫ్లిక్స్, ప్రైమ్ వీడియో, యూట్యూబ్, డిస్నీ+ హాట్‍స్టార్ లాంటి పాపులర్ ఓటీటీ యాప్స్ ప్రీలోడెడ్‌గా ఉంటాయి. సపోర్ట్ చేసే యాప్స్, గేమ్స్‌ను గూగుల్ ప్లే స్టోర్ నుంచి డౌన్‌లోడ్ చేసుకోవచ్చు. డాల్బీ ఆడియో, DTS-HD సపోర్ట్ ఉండే 20వాట్ల సౌండ్ ఔట్‌పుట్ ఇచ్చే స్పీకర్లతో ఈ Mi TV 4X స్మార్ట్ టీవీ వస్తోంది.

వన్‌ప్లస్‌ టీవీ 43 Y1S Pro 4K Ultra HD స్మార్ట్ టీవీ (2022 మోడల్)
వన్‌ప్లస్‌ టీవీ 43 వై 1ఎస్ ప్రో స్మార్ట్ టీవీ (OnePlus 43 inches Y Series 4K Ultra HD Smart TV 43Y1S Pro 2022) లిస్టింగ్ ధర రూ.39,999గా ఉండగా.. ప్రస్తుత సేల్‌లో రూ.29,999కే ఉంది. అలాగే అమెజాన్ ఇచ్చే కూపన్ యాడ్ చేస్తే మరో రూ.1,000 తగ్గుతుంది. ICICI క్రెడిట్ కార్డుతో కొంటే మరో రూ.1,500 సేవ్ చేసుకోవచ్చు. అంటే మొత్తంగా దాదాపు రూ.27,500కే ఈ OnePlus TV 43 Y1S Pro స్మార్ట్ టీవీని సొంతం చేసుకోవచ్చు. RBL, కొటాక్ బ్యాంక్ కార్డులపైనా ఆఫర్లు ఉన్నాయి.

43 ఇంచుల 4K అల్ట్రా హెచ్‌డీ రెజల్యూషన్ డిస్‌ప్లేను ఈ OnePlus TV 43 Y1S Pro స్మార్ట్ టీవీ కలిగి ఉంది. HDR 10, HDR 10+, HGL ఫార్మాట్‌కు సపోర్ట్ చేస్తుంది. గామా ఇంజిన్ ఉంటుంది. ఆండ్రాయిడ్‌ ఆపరేటింగ్ సిస్టమ్‌పై రన్ అయ్యే ఈ స్మార్ట్ టీవీ గూగుల్ అసిస్టెంట్, క్రోమ్‌కాస్ట్‌కు సపోర్ట్ చేస్తుంది. గూగుల్ ప్లే స్టోర్ నుంచి యాప్స్, గేమ్స్‌ ఇన్‌స్టాల్ చేసుకోవచ్చు. పాపులర్ ఓటీటీ యాప్స్ ప్రీలోడెడ్‌గా వస్తున్నాయి. Dolby Audio, Dolby Atmos సపోర్ట్ ఉండే 24 వాట్ల సౌండ్ ఔట్‌పుట్ ఇచ్చే స్పీకర్లు ఈ టీవీలో ఉంటాయి.