ఐఫోన్ XR
ఈ ఫోన్ ధర రూ.42,900 నుంచి ప్రారంభం కానుంది. ఈ ఫోన్ అసలు ధర రూ.76,900 కాగా, ఐఫోన్ 11 లాంచ్ అయ్యాక రూ.49,900కు తగ్గించారు. ఆ తర్వాత అమెజాన్, ఫ్లిప్ కార్ట్ ల్లో జరిగిన ఆఫర్ సేల్స్ లో కూడా రూ.44,999కే విక్రయించారు. ఈ ఫోన్ ఇంత తక్కువ ధరకు అందుబాటులోకి రావడం ఇదే మొదటిసారి. ఐఫోన్లపై ఉన్న డీల్స్ అన్నిటిలో అత్యుత్తమమైన డీల్ ఇదే.
ఐఫోన్ X
ఐఫోన్ X 256 జీబీ వేరియంట్ మాత్రమే అందుబాటులో ఉంది. ఈ ఫోన్ ధర రూ.84,999 నుంచి ప్రారంభం కానుంది. దీని అసలు ధర రూ.1,08,930 కాగా ఆఫర్లో భాగంగా దీన్ని తక్కువ ధరకు విక్రయిస్తున్నారు. అంటే దీనిపై దాదాపు రూ.23,931 వరకు తగ్గింపు అందించారన్న మాట. ఇందులో 5.8 అంగుళాల సూపర్ రెటీనా డిస్ ప్లేను అందించారు. అంతేకాకుండా ఐపీ67 వాటర్, డస్ట్ రెసిస్టెంట్ ఫీచర్లు కూడా ఇందులో ఉన్నాయి.
Also Read: రూ.20,499 విలువైన ఫోన్ రూ.9,999కే!
ఐఫోన్ 6s
ఈ ఫోన్ ధర రూ.23,999 నుంచి ప్రారంభం కానుంది. 2015లో లాంచ్ అయిన ఈ మొబైల్ ధర లాంచ్ అయినప్పుడు రూ.62,000గా ఉంది. అయితే కొత్త వేరియంట్లు మార్కెట్లోకి వచ్చినప్పుడల్లా దీని ధర తగ్గుతూ వచ్చింది. తాజాగా వచ్చిన ఐఫోన్ 11 లాంచ్ అనంతరం దీని ధర రూ.29,900కు తగ్గింది. తక్కువ ధరలో ఐఫోన్ కొనాలనుకునే వారికి అందుబాటులో ఉన్న అత్యుత్తమ డీల్ ఇదే. కాకపోతే నాలుగు సంవత్సరాల కింద వచ్చిన ఫోన్ కావడంతో అప్ డేట్లు ఎప్పుడు ఆగిపోతాయనే విషయంపై స్పష్టత లేదు.
Also Read: రూ.15,000 లోపు అత్యుత్తమ మొబైళ్లు ఇవే!
యాపిల్ మాక్ బుక్ ఎయిర్
యాపిల్ ల్యాప్ టాప్ శ్రేణిలో భాగమైన యాపిల్ మాక్ బుక్ ఎయిర్ 13 అంగుళాల వేరియంట్ రూ.61,990కే లభించనుంది. దీని అసలు ధర రూ.84,900గా ఉంది. అంటే దాదాపు రూ.23 వేల వరకు తగ్గింపు లభిస్తుంది. అంతేకాకుండా దీనిపై వివిధ బ్యాంక్ ఆఫర్లు కూడా ఉన్నాయి. ఇందులో డ్యూయల్ కోర్ 5th జనరేషన్ ఇంటెల్ కోర్ i5 ప్రాసెసర్ ను అందించారు. ఇందులో మూడు యూఎస్ బీ పోర్టులు ఉన్నాయి. 12 గంటలకు వరకు బ్యాటరీ లైఫ్ ఉంటుంది.
Also Read: రూ.10 వేలలోపు అదిరిపోయే ఫీచర్లున్న ఫోన్లు ఇవే!
యాపిల్ వాచ్ సిరీస్ 3(జీపీఎస్, 42 ఎంఎం)
యాపిల్ వాచ్ సిరీస్ 3 జీపీఎస్, 42 ఎంఎం వేరియంట్ ధర ఈ సేల్ లో రూ.25,999గా ఉంది. దీని అసలు ధర రూ.31,900 కాగా, దీనిపై రూ.5,901 తగ్గింపును అందించారు. జీపీఎస్, ఆప్టికల్ హార్ట్ సెన్సార్, డిజిటల్ క్రౌన్, స్విమ్ ప్రూఫ్ వంటి ఫీచర్లు ఉన్నాయి. వాచ్ ఓఎస్5పై ఈ స్మార్ట్ వాచ్ పనిచేయనుంది. దీంతో అల్యూమినియం కేస్ ను అందించనున్నారు.
నవంబర్ 17 వరకు మాత్రమే!
నవంబర్ 17 వరకు మాత్రమే జరగనున్న వీటితో పాటు ఐప్యాడ్లు, వివిధ మాక్ బుక్ లపై కూడా ఆఫర్లు అందించనున్నారు. ఈ జాబితాలో పేర్కొన్న ఫోన్లపైనే కాకుండా ఐఫోన్ 8 ప్లస్, ఐఫోన్ 8, ఐఫోన్ 7 వంటి ఫోన్లపై కూడా భారీ డిస్కౌంట్లు అందుబాటులో ఉన్నాయి. ఇంకా ఈ సేల్ లో మాక్ యాక్సెసరీస్ అయిన కీబోర్డులు, కేబుళ్లు, పవర్ అడాప్టర్లు, మొబైల్ యాక్సెసరీలు కూడా ఈ సేల్ లో భాగమే. అంటే ఇవి తగ్గింపు ధరలకే లభిస్తాయన్న మాట. అమెజాన్ అందించే ఆఫర్లు మాత్రమే కాకుండా వివిధ బ్యాంక్ ఆఫర్లు కూడా వీటిపై అందుబాటులో ఉన్నాయి.