యాపిల్ యాప్‌స్టోర్‌ నుంచి తాత్కాలికంగా గూగుల్‌పే తొలగింపు.. కారణం ఇదే!

వినియోగదారులు నగదు చెల్లింపులు చేయడంలో ఇబ్బందులు ఎక్కువగా ఎదురవుతూ ఉండటంతో గూగుల్ పే యాప్‌ను తాత్కాలికంగా యాపిల్ యాప్ స్టోర్ నుంచి తొలగించారు.

Also Read: అత్యంత చవకైన వన్‌ప్లస్ ఫోన్ వచ్చేసింది.. ధర రూ.18 వేలలోపే.. ఫీచర్లు ఎలా ఉన్నాయంటే?

గూగుల్ పే యాప్ కోసం సెర్చ్ చేసిన వారికి ఆ యాప్ కాకుండా దాని ప్రత్యామ్నాయాలైన ఫోన్ పే, పేటీయం, భీమ్ యూపీఐ వంటి యాప్స్ ప్రస్తుతం కనపడుతున్నాయి. యాప్ స్టోర్ నుంచి గూగుల్ కనపడకుండా పోవడం ఇదే మొదటిసారి. ఈ సంవత్సరం ఆగస్టులో ప్లేస్టోర్ నుంచి ఆఫ్ లైన్‌కు గూగుల్ పే వెళ్లింది.

ఈ విషయంపై గూగుల్ ప్రతినిధి ఒకరు స్పందిస్తూ ఐవోఎస్ వినియోగదారుల్లో కొంతమంది చెల్లింపులు విఫలమైన మాట వాస్తవమేనన్నారు. దీన్ని సరిచేయడానికి తమ బృందాలు పనిచేస్తున్నాయి. నగదు చెల్లింపులు విఫలమైన వారు తమను గూగుల్ పే సపోర్ట్ ద్వారా సంప్రదించవచ్చన్నారు. వినియోగదారులకు కలిగిన అసౌకర్యానికి క్షమాపణలు తెలిపారు.

యాపిల్ యాప్ స్టోర్‌లో గూగుల్ పే యాప్ కోసం వెతికినప్పుడు అక్కడ యాప్ కనిపించడం లేదు. అయితే మీ లిస్ట్‌లో ఆ యాప్ ఉంటే దానిపై క్లిక్ చేసిన వారికి “Cannot connect to App Store.” అనే మెసేజ్ కనిపిస్తుంది. అతిత్వరలో గూగుల్ పే ఐవోఎస్ అప్ డేటెడ్ యాప్‌ను అందుబాటులోకి తీసుకువస్తామని కంపెనీ తెలిపింది.

Also Read: వన్‌ప్లస్ నార్డ్ ఎన్10 5జీ వచ్చేసింది.. చవకైన వన్ ప్లస్ ఫోన్.. ఫీచర్లు మాత్రం సూపర్!

ఆండ్రాయిడ్ వినియోగదారులకు ప్రస్తుతం ఎటువంటి అసౌకర్యం లేదు. అయితే ఈ యాప్ ఇప్పటికే ఇన్ స్టాల్ అయి ఉన్న ఐఫోన్లలో పని చేస్తూనే ఉంది. దాన్ని యాపిల్ అన్ ఇన్ స్టాల్ చేయలేదు. అయితే ప్రస్తుతం అక్కడ లావాదేవీలు విఫలం అవుతూ ఉన్నాయి. కాబట్టి గూగుల్ పే ఐవోఎస్ యాప్ వినియోగించేవారు ఈ సమస్య పరిష్కారమయ్యే వరకు వేరే యాప్స్ ఉపయోగిస్తే కొంచెం మంచిది.