వచ్చే వారం రానున్న లో బడ్జెట్ iPhone? ధర అంత తక్కువా?

ఐఫోన్ లవర్స్ కు గుడ్ న్యూస్! బడ్జెట్ ఐఫోన్ కు సంబంధించిన మొబైల్ ప్రొటెక్టివ్ కేసులు షాపులకు చేరుకున్నాయి. దీన్ని ఐఫోన్ 9 అనాలో, ఐఫోన్ ఎస్ఈ 2 అని పిలవాలో కూడా వినియోగదారులకు పూర్తిగా క్లారిటీ రాలేదు. అయితే ఈ కేసుల రాకతో ఈ ఫోన్ త్వరలో మార్కెట్లోకి రానుందని మాత్రం చెప్పవచ్చు.

అయితే ఒక నివేదిక ప్రకారం కేసులు ముందుగానే రిటైల్ దుకాణాలకు చేరుకున్నప్పటికీ ఏప్రిల్ 5వ తేదీ వరకు వీటిని విక్రయంచవద్దని సూచించిట్లు తెలుస్తోంది. అంటే దీన్ని బట్టి ఈ ఫోన్ ఏప్రిల్ 5వ తేదీన లాంచ్ అయ్యే అవకాశం ఉంది. ఈ ఐఫోన్ 9 లేదా ఐఫోన్ ఎస్ఈ2.. 2016లో లాంచ్ అయిన ఐఫోన్ ఎస్ఈ తరహాలో బడ్జెట్ ఐఫోన్ అని తెలుస్తోంది.

Also Read: బంపర్ ఆఫర్ ఇచ్చిన Jio.. అన్ని ప్లాన్లపై డబుల్ డేటా!

ఈ ఇమేజ్ ని మొదటి 9to5Mac షేర్ చేసింది. దీని మీద “New iPhone 4.7'',2020.” అని రాసి ఉంది. ఈ స్క్రీన్ సైజ్ ని బట్టి ఈ ఫోన్ ఐఫోన్ 9 లేదా ఐఫోన్ ఎస్ఈ 2 ఫోన్ కి చెందిందని చెప్పవచ్చు. ప్యాకేజింగ్ మీద కూడా మిలటరీ స్టాండర్డ్ అని రాసి ఉంది. వీటిని అందుకున్న రిటైలర్లు ఏప్రిల్ 5వ తేదీ వరకు వీటిని అమ్మకూడదని ఆదేశాలు వెళ్లాయి. అంటే ఈ ఫోన్ ఏప్రిల్ 5వ తేదీన లాంచ్ అయ్యే అవకాశం ఉంది.

ఐఫోన్ 9 లేదా ఐఫోన్ ఎస్ఈ 2 ఏప్రిల్ 5వ తేదీనే లాంచ్ అయ్యే అవకాశం ఉందని 9to5Mac కూడా తెలిపింది. దీన్ని బట్టి చూస్తే యాపిల్ ఈ ఫోన్ ని ఏప్రిల్ 5వ తేదీన లాంచ్ చేసి, తర్వాత వారం అందుబాటులోకి తీసుకువచ్చే అవకాశం ఉంది.

Also Read: BSNL మరో బంపర్ ఆఫర్.. వ్యాలిడిటీ పొడిగింపు, ఉచిత బ్యాలెన్స్.. ఎంతంటే?

ఈ ఫోన్ 4.7 అంగుళాల స్క్రీన్ తో టచ్ ఐడీ హోం బటన్ తో లాంచ్ అయ్యే అవకాశం ఉందని తెలుస్తోంది. యాపిల్ ఏ13 చిప్, 3 జీబీ ర్యామ్ తో దీన్ని లాంచ్ చేసే అవకాశం ఉంది. ఈ ఫోన్ ధర 399 డాలర్లు(సుమారు రూ.30,000)గా ఉండవచ్చని లీకుల ద్వారా తెలుస్తోంది.