Amazon Sale: సామ్‌సంగ్‌ చీపెస్ట్ 5జీ స్మార్ట్‌ఫోన్‌ ఇదే.. కార్డ్ ఆఫర్‌తో మరింత తక్కువకే..

ప్రస్తుతం దేశంలో 5జీ ఫీవర్ నడుస్తోంది. 5జీ నెట్‌వర్క్ రోల్అవుట్ మొదలవడంతో 5జీ స్మార్ట్‌ఫోన్‌లు కొనేందుకు అందరూ ఆసక్తి చూపుతున్నారు. ఈ నేపథ్యంలో బడ్జెట్ రేంజ్‌లో 5జీ మొబైళ్ల (Budget 5G Mobiles) కోసం చాలా మంది చూస్తున్నారు. తక్కువ ధరలో సామ్‌సంగ్‌ 5జీ స్మార్ట్‌ఫోన్‌ (Samsung 5G Phone) కావాలనుకునే వారికి ఓ ఆప్షన్ అందుబాటులో ఉంది. అదే సామ్‌సంగ్‌ గెలాక్సీ ఎం13 5జీ (Samsung Galaxy M13 5G). అమెజాన్ గ్రేట్ ఇండియన్ ఫెస్టివల్ డేస్ (Amazon Great Indian Festival) సందర్భంగా ఈ మొబైల్ డిస్కౌంట్‌తో లభిస్తుంది. బ్యాంక్ కార్డ్ ఆఫర్‌ను ఉపయోగించుకుంటే మరింత తక్కువకే ఈ ఫోన్‌ను దక్కించుకోవచ్చు. అమెజాన్ సేల్‌లో Samsung Galaxy M13 5G ధర, ఆఫర్లు ఎలా ఉన్నాయో చూడండి.

Samsung Galaxy M13 5G ఆఫర్లు
సామ్‌సంగ్‌ గెలాక్సీ ఎం13 5జీ బేస్ మోడల్ ధర ప్రస్తుత అమెజాన్ సేల్‌లో రూ.11,999గా ఉంది. సాధారణంగా 4జీబీ ర్యామ్ + 64జీబీ స్టోరేజ్ ఉండే ఈ ఫోన్‌ ధర రూ.13,999గా ఉంటుంది. ఈ సేల్‌లో తగ్గింపు ధరతో రూ.11,999కే లభిస్తుంది. యాక్సిక్, సిటీ, ఐసీఐసీఐ బ్యాంకుల క్రెడిట్, డెబిట్ కార్డుతో కొంటే అదనంగా రూ.1,200 అదనపు తగ్గింపు పొందవచ్చు. అంటే రూ.10,799కే దక్కించుకోవచ్చు. Samsung Galaxy M13 5G 6జీబీ ర్యామ్ + 128జీబీ స్టోరేజ్ టాప్‌ వేరియంట్‌పై కూడా డిస్కౌంట్, కార్డ్ ఆఫర్లు ఉన్నాయి.

• Also Read: Jio Plans : ఈ 10 ప్లాన్‌లను సైలెంట్‌గా ఎత్తేసిన రిలయన్స్ జియో

Samsung Galaxy M13 5G స్పెసిఫికేషన్లు
90Hz రిఫ్రెష్ రేట్ ఉండే 6.5 ఇంచుల హెచ్‌డీ+ డిస్‌ప్లేతో సామ్‌సంగ్‌ గెలాక్సీ ఎం13 5జీ వస్తోంది. దీనికి గొరిల్లాగ్లాస్ 3 ప్రొటెక్షన్ ఉంటుంది. మీడియాటెక్ డైమన్సిటీ 700 ప్రాసెసర్‌పై ఈ ఫోన్‌ రన్ అవుతుంది. 11 5జీ బ్యాండ్స్‌కు సపోర్ట్ చేస్తుంది. ఆండ్రాయిడ్‌ 12 బేస్డ్ వన్ యూఐ 4 ఓఎస్‌తో ఈ ఫోన్ వస్తోంది. మైక్రో ఎస్‌డీ కార్డ్ స్లాట్ ఉంటుంది.

సామ్‌సంగ్‌ గెలాక్సీ ఎం13 5జీ వెనుక రెండు కెమెరాలు ఉన్నాయి. 50 మెగాపిక్సెల్ ప్రైమరీ, 2 మెగాపిక్సెల్ డెప్త్ కెమెరాలు ఉంటాయి. సెల్ఫీలు, వీడియో కాల్స్ కోసం 5 మెగాపిక్సెల్ ఫ్రంట్ కెమెరాతో వస్తోంది. 5000mAh బ్యాటరీ ఈ ఫోన్‌లో ఉంటుంది. 15వాట్ల ఫాస్ట్ చార్జింగ్‌కు సపోర్ట్ చేస్తుంది. చార్జింగ్ కోసం Samsung Galaxy M13 5Gకి యూఎస్‌బీ టైప్-సీ పోర్ట్ ఉంటుంది.