iPhone offers: ఐఫోన్ కొనాలనుకుంటున్నారా.. ఈ మోడల్‌పై రూ.12వేల భారీ డిస్కౌంట్

Apple iPhone కొనాలని చాలా మంది వేచిచూస్తుంటారు. మంచి ఆఫర్లు, సమయం కోసం వెయిట్ చేస్తుంటారు. అయితే ప్రస్తుతం ఆ టైమ్ వచ్చేసింది. iPhone 12 మొబైల్ భారీ డిస్కౌంట్ తో లభిస్తోంది. అమెజాన్ గ్రేట్ రిపబ్లిక్ డే సేల్ (Amazon Great Republic Day Sale), ఫ్లిప్‌కార్ట్‌ బిగ్ సేవింగ్ డేస్ (Flipkart Big Saving Days) లో iPhone 12ను భారీ తగ్గింపు ధరతో పొందవచ్చు. ఏకంగా రూ.12వేల వరకు డిస్కౌంట్ లభిస్తోంది. ఐఫోన్ 12 విడుదలై సంవత్సరంపైనే అయినా.. ఇప్పటికీ బెస్ట్ కెమెరా మొబైల్‌గా, పవర్‌ఫుల్‌ ప్రాసెసర్‌తో ఉంది.

ఆఫర్‌ ఎంతంటే..
అమెజాన్ గ్రేట్ రిపబ్లిక్ డే సేల్ లో iPhone 12ను మంచి డిస్కౌంట్ తో సొంతం చేసుకోవచ్చు. ఐఫోన్ 12 మొబైల్‌ 64జీబీ స్టోరేజ్ వేరియంట్ ప్రస్తుతం సేల్ లో రూ. 53,999కే అమ్మకానికి ఉంది. సాధారణంగా దీని రేట్ రూ.65,900 ఉండగా.. రూ.11,901 డిస్కౌంట్ లభిస్తోంది. అలాగే నో కాస్ట్ ఈఎంఐ సదుపాయం కూడా అందుబాటులో ఉంది.

మరోవైపు iPhone 12 మొబైల్‌ 64జీబీ స్టోరేజ్ మోడల్ ఫ్లిప్‌కార్ట్‌ బిస్ సేవింగ్ డేస్ సేల్ లో రూ. 53,999కు అందుబాటులో ఉంది. కాగా సేల్ లో భాగంగా ప్రస్తుతం ఐసీఐసీఐ క్రెడిట్ కార్డులపై 10శాతం అదనపు డిస్కౌంట్ అందిస్తోంది ఫ్లిప్‌కార్ట్‌. దీంతో ఐఫోన్ 12పై మరో రూ.750 తగ్గింపు పొందవచ్చు. అంటే ఐఫోన్ 12 64జీబీ వేరియంట్ ను రూ.53,249కే సొంతం చేసుకోవచ్చు.

అలాగే పాత ఫోన్‌ను ఎక్స్చేంజ్ చేస్తే అమెజాన్ రూ.15,200 ఆఫర్‌ ఇస్తుండగా.. ఫ్లిప్‌కార్ట్‌ రూ.11,750 డిస్కౌంట్ ఇస్తోంది. అయితే ఫోన్‌ కండీషన్ ను బట్టి ఎక్స్చేంజ్ మొత్తం లభిస్తుంది. హైఎండ్ మోడల్స్ ను ఎక్స్చేంజ్ చేస్తే ఎక్కువ డిస్కౌంట్ వస్తుంది.

ఐఫోన్ 12 స్పెసిఫికేషన్లు (iPhone 12 Specifications)
6.1 ఇంచుల సూపర్ రెటీనా XDR డిస్‌ప్లేతో ఐఫోన్ 12 వచ్చింది. అలాగే సెరామిక్ రక్షణ ఉండడం వల్ల డిస్‌ప్లే చాలా దృఢంగా ఉంటుంది. అలాగే ఏ14 బయోనిక్ చిప్ (A14 Bionic Chip)తో ఈ మొబైల్‌ నడుస్తోంది.

అలాగే 12 మెగాపిక్సెల్ సామర్థ్యంతో రెండు కెమెరా సెటప్ iPhone 12 వెనుక ఉంటుంది. ఒకటి అల్టావైడ్, మరోటి వైడ్ కెెమెరా. అలాగే 12 మెగాపిక్సెల్ ఫ్రంట్ కెమెరా ఉంది. 4కే డాల్బీ విజన్, స్మార్ట్ హెచ్‌డీఆర్ 3, డీప్ ఫ్యూజన్ లాంటి కెమెరా ఫీచర్లు ఉన్నాయి. అలాగే ఐఫోన్ 12లో ఐపీ68 వాటర్ రెసిస్టెన్స్ ఉంటుంది.