యాక్టివ్ నాయిస్ క్యాన్సలేషన్‌తో Boat కొత్త TWS Earbuds లాంచ్ - 28 గంటల బ్యాటరీ లైఫ్, ENx టెక్నాలజీతో - ధర, పూర్తి స్పెసిఫికేషన్లు

ప్రముఖ దేశీయ సంస్థ బోట్ (Boat) నుంచి మరో టీడబ్ల్యూఎస్ ఇయర్‌బడ్స్ (TWS Earbuds) లాంచ్ అయ్యాయి. యాక్టివ్ నాయిస్ క్యాన్సలేషన్ (ANC)తో పాటు ఆకర్షణీయమైన ఫీచర్లతో బోట్ ఎయిర్‌డోప్స్ 500 ఏఎన్‌సీ (Boat Airdopes 500 ANC) భారత్‌లో విడుదలైంది.యాంబియెంట్ మోడ్, లో ల్యాటెన్సీ మోడ్, ఈఎన్ఎక్స్ టెక్నాలజీ, క్విక్ చార్జ్‌తో ఈ TWS ఇయర్‌బడ్స్ వస్తున్నాయి. అమెజాన్‌లో ఇటీవలే లిస్ట్ అయిన ఈ Boat Airdopes 500 ANCను మంగళవారం లాంచ్ చేసిన బోట్.. ధర, పూర్తి స్పెసిఫికేషన్లు, ఫీచర్లు, సేల్ తేదీ వివరాలను వెల్లడించింది.

Boat Airdopes 500 ANC స్పెసిఫికేషన్లు, ఫీచర్లు
బోట్ ఎయిర్‌డోప్స్ 500 ఏఎన్‌సీ టీడబ్ల్యూఎస్ ఇయర్‌బడ్స్‌లో 8mm డ్రైవర్లు ఉంటాయి. స్మార్ట్‌ఫోన్‌లతో పాటు ఇతర డివైజ్‌లకు కనెక్ట్ చేసుకునేందుకు బ్లూటూత్ 5.2 ఉంది. అలాగే త్వరగా పెయిర్ అయ్యేందుకు ఇన్‌స్టంట్ వేక్, పెయిర్ (IWP) ఫీచర్‌ను కూడా బోట్ అందిస్తోంది. ఇక పరిసరాల శబ్దాల వల్ల ఇబ్బంది కలగకుండా 35 డెసిబుల్స్ వరకు యాక్టివ్ నాయిస్ క్యాన్సలేషన్ (ANC) సదుపాయం కూడా ఇందులో ఉంది. ఒకవేళ మ్యూజిక్ వినే సమయంలో బయటి శబ్దాలు కాస్త వినపడాలనుకుంటే యాంబియెంట్ మోడ్ కూడా ఈ టీడబ్ల్యూఎస్‌ ఇయర్‌బడ్స్‌లో ఉన్నాయి.

ENx టెక్నాలజీతో కూడిన నాలుగు మైక్‌ల సెటప్‌తో Boat Airdopes 500 ANC టీడబ్ల్యూఎస్‌ ఇయర్‌బడ్స్ వస్తున్నాయి. దీని ద్వారా కాల్ క్వాలిటీ చాలా మెరుగ్గా ఉంటుందని బోట్ పేర్కొంది. గేమింగ్ కోసం లో ల్యాటెన్సీ మోడ్ కూడా ఉంది.

Boat Airdopes 500 ANC టీడబ్ల్యూఎస్‌ ఇయర్‌బడ్స్ ఫుల్ చార్జ్‌పై 5.5 గంటల బ్యాటరీ లైఫ్ ఇస్తాయి. అదే ఏఎన్‌సీ ఆన్ చేసుకుంటే 4.5 గంటల బ్యాటరీ లైఫ్ ఉంటుంది. ఇక చార్జింగ్ కేస్‌తో దాదాపు నాలుగు సార్లు బడ్స్‌ను ఫుల్ చార్జ్ చేయవచ్చు. దీంతో మొత్తంగా 28 గంటల బ్యాటరీ లైఫ్ ఉంటుందని బోట్ వెల్లడించింది. 5 నిమిషాల చార్జింగ్‌తో గంట వినియోగించుకునేలా క్విక్ చార్జ్ ఫీచర్ కూడా ఉంది. సిరి, గూగుల్ అసిస్టెంట్‌లకు కూడా బోట్ ఎయిర్‌డోప్స్ 500ఏఎన్‌సీ సపోర్ట్ చేస్తుంది. వాటర్ రెసిస్టెంట్ కోసం ఐపీఎక్స్4 రేటింగ్ ఉంది.

Boat Airdopes 500 ANC ధరబోట్ ఎయిర్‌డోప్స్ 500ఏఎన్‌సీ ధర రూ.3,999గా ఉంది. అమెజాన్‌లో ఈ నెల 14వ తేదీన సేల్‌ మొదలవుతుంది. బ్లూ, బ్లాక్, వైట్, గ్రే కలర్లలో లభ్యమవుతుంది.