BSNL: రోజుకు రూ.5 ఖర్చుతో అన్‌లిమిటెడ్ కాల్స్‌, డేటా లభించే బీఎస్ఎన్ఎల్ సూపర్ ప్లాన్‌ - మరిన్ని కూడా

ప్రభుత్వ టెలికం సంస్థ భారత్‌ సంచార్ నిగమ్ లిమిటెడ్ (Bharat Sanchar Nigam Limited - BSNL) ఇప్పటికీ చౌకధరల్లో ప్రీపెయిడ్ ప్లాన్‌లను అందిస్తోంది. ప్రైవేట్ కంపెనీలతో పోలిస్తే తక్కువ ధరల్లో వివిధ ప్లాన్‌లను యూజర్లకు అందుబాటులో ఉంచింది. మరోవైపు కొత్త ప్లాన్‌లను, ఆఫర్లను ప్రవేశపెడుతూనే ఉంది. బీఎస్ఎన్ఎల్‌ (BSNL) లో చాలా ఆకర్షణీయమైన ప్లాన్‌లు ఉన్నాయి. అందులో కొన్ని బెస్ట్ ప్రీపెయిడ్ ప్లాన్‌ల గురించిన సమాచారమే ఇది. ఎక్కువ వ్యాలిడిటీ, అన్‌లిమిటెడ్ కాల్స్, డేటా లభించేలా తక్కువ ధరలోనే కొన్ని ప్లాన్‌లు ఉన్నాయి. అవేంటో చూడండి.

బీఎస్ఎన్ఎల్ రూ.399 ప్లాన్‌ (BSNL STV 399 Plan)
బీఎస్ఎన్ఎల్‌లో ఇది ఒకానొక బెస్ట్ ప్లాన్‌గా ఉంది. BSNL రూ.399 ప్లాన్‌తో రీచార్జ్ చేసుకుంటే 80 రోజుల వ్యాలిడిటీతో ప్రతీరోజు 1జీబీ డేటా లభిస్తుంది. అన్‌లిమిటెడ్ కాల్స్, రోజుకు 100ఎస్ఎంఎస్‌లు దక్కుతాయి. అలాగే ఈ ప్లాన్‌తో బీఎస్ఎన్ఎల్ ట్యూన్స్ బెనిఫిట్ ఉచితంగా లభిస్తుంది. ఈ ప్లాన్‌ ధర రూ.399 కాగా.. 80 రోజులకు చూసుకుంటే.. రోజుకు రూ.4.98 అంటే సుమారు రూ.5లుగా ఉంటుంది. ధరను పరిగణనలోకి తీసుకుంటే ఇది అత్యుత్తమ ప్లాన్‌గా చెప్పవచ్చు.

ఇక బీఎస్ఎన్ఎల్ రూ.477 (BSNL STV_477) కాస్త విభిన్నంగా ఉంటుంది. రోజువారి పరిమితి లేకుండా అధిక డేటా కావాలనుకునే వారికి ఇది సూటవుతుంది. ఈ ప్లాన్‌తో రీచార్జ్ చేసుకుంటే 60 రోజుల వ్యాలిడిటీతో ఒకేసారి 100జీబీ డేటా లభిస్తుంది. అలాగే అన్‌లిమిటెడ్ కాల్స్, రోజుకు 100ఎస్ఎంఎస్‌ల ప్రయోజనాలు దక్కుతాయి. ఇక బీఎస్ఎన్ఎల్ ట్యూన్స్‌ను ఫ్రీగా వాడుకోవచ్చు. ఓటీటీ సర్వీస్ ఎరోస్ నౌ సబ్‌స్క్రిప్షన్ కూడా దక్కుతుంది.

రోజుకు 2జీబీ డేటా, ఎక్కువ వ్యాలిడిటీ కావాలనుకుంటే BSNLలో రూ.499 ప్లాన్‌ బెస్ట్‌గా ఉంది. ఈ ప్లాన్‌ (BSNL STV_499)తో రీచార్జ్ చేసుకుంటే 90 రోజుల వ్యాలిడిటీ లభిస్తుంది. ప్రతీరోజు 2జీబీ డేటా వస్తుంది. అంటే మొత్తంగా 180జీబీ డేటా పొందవచ్చు. అన్‌లిమిటెడ్ కాల్స్, రోజుకు 100ఎస్ఎంఎస్‌లు వాడుకోవచ్చు. బీఎస్ఎన్ఎల్ ఉచిత ట్యూన్స్ బెనిఫిట్ కూడా లభిస్తుంది.
రోజులో ఈ ప్లాన్‌లతో వచ్చే హైస్పీడ్ డేటా అయిపోతే 80kbps వేగంతో డేటా వినియోగించుకోవచ్చు.

మరోవైపు ప్రస్తుతం దేశంలో బీఎస్ఎన్ఎల్ 3జీ సేవలు అందుబాటులో ఉన్నాయి. 4జీ నెట్‍‌వర్క్‌ను ప్రారంభించేందుకు BSNL సిద్ధమైంది. మరో నాలుగు నెలల్లోగా 4జీ సర్వీస్‌లు మొదలుపెట్టాలని భావిస్తోంది.

Also Read: ఎయిర్‌టెల్‌ టార్గెట్ ఫిక్స్ చేసుకుంది - యూజర్లకు షాక్ తప్పదా ?
Also Read: Reliance Jio : జియోలో టాప్‌-3 ప్లాన్స్ - ఎక్కువ మంది రీచార్జ్ చేసుకుంటున్నవి ఇవే!
Also Read: Vodafone Idea : రూ.82తో కొత్త తరహా ప్యాక్ తీసుకొచ్చిన వొడాఫోన్ ఐడియా - ఓ OTT సబ్‌స్క్రిప్షన్‌తో