Bsnl Prepaid Plans With 30 Days Validity Data Calls Sms Benefits
BSNL : 30 రోజుల వ్యాలిడిటీ ఉండే బీఎస్ఎన్ఎల్ ప్లాన్లు - అధిక ప్రయోజనాలతో..
BSNL 30 days Validity Plans : 30 రోజుల వ్యాలిడిటీ ఉండేలా BSNL కూడా కొన్ని ప్రీపెయిడ్ ప్లాన్‌లను అందుబాటులో ఉంచింది. 28రోజుల వ్యాలిడిటితో ఎక్కువ ప్లాన్లు ఉండగా.. 30 రోజులు కావాలనుకునే వారి కోసం బీఎస్ఎన్ఎల్ కొన్నింటిని ఇస్తోంది. 30 రోజుల వ్యాలిడిటీ ప్లాన్లు, బెనిఫిట్స్ ఎలా ఉన్నాయో చూడండి.
ప్రభుత్వ టెలికం కంపెనీ భారత సంచార్ నిగమ్ లిమిటెడ్ (Bharat Sanchar Nigam Limited) విభిన్న రకాలైన ప్రీపెయిడ్ ప్లాన్‌లను యూజర్లకు అందుబాటులో ఉంచింది. ప్రైవేట్ టెలికం ఆపరేటర్లతో పోలిస్తే తక్కువ ధరకే ప్లాన్‌లను ఇస్తుంటుంది. ముఖ్యంగా రకరకాల కాలపరిమితులతో (Validity) బీఎస్ఎన్ఎల్‌లో అధిక ప్లాన్లు ఉంటాయి. ఈ క్రమంలోనే 30 రోజుల వ్యాలిడిటీతో కూడా బీఎస్ఎన్ఎల్ (BSNL) కొన్ని ప్రీపెయిడ్ ప్లాన్‌లను ఇస్తోంది. సాధారణంగా ఎక్కువ ప్లాన్లు 28 రోజులతో ఉండగా.. కొన్ని ప్లాన్‌లను 30రోజుల వ్యాలిడిటీతో యూజర్లకు అందుబాటులో ఉంచింది. ఇలా 30 రోజుల వ్యాలిడిటీతో BSNL అందిస్తున్న బెస్ట్ ప్లాన్లు ఇవే.
Samayam TeluguBSNL 30 days validity plans
బీఎస్ఎన్ఎల్ రూ.147 ప్లాన్ 30 రోజుల వ్యాలిడిటీతో డేటా, అన్‌లిమిటెడ్ కాల్స్ లభించే చౌకైన ప్లాన్ ఇదే. ఈ ప్లాన్ (BSNL STV_147)తో రీచార్జ్ చేసుకుంటే 30 రోజుల కాలపరిమితితో 10జీబీ డేటా లభిస్తుంది. అలాగే అన్‌లిమిటెడ్ కాల్స్ చేసుకోవచ్చు. బీఎస్ఎన్ఎల్ ట్యూన్స్ సదుపాయాన్ని ఉచితంగా పొందవచ్చు. అయితే ఈ ప్లాన్‌కు ఎస్ఎంఎస్ బెనిఫిట్స్ ఉండవు.
బీఎస్ఎన్ఎల్ రూ.247 ప్లాన్ కాస్త ఎక్కువ ఖర్చు చేయగలిగితే ఈ ప్లాన్ (BSNL STV_247) ఎస్ఎంఎస్‌లు సహా మరింత మంచి ప్రయోజనాలను ఇస్తుంది. రూ.247 ప్లాన్ తీసుకుంటే 50జీబీ డేటా లభిస్తుంది. అన్‌లిమిటెడ్ వాయిస్ కాల్స్, రోజుకు 100ఎస్ఎంఎస్‌లు లభిస్తాయి. బీఎస్ఎన్ఎల్ ట్యూన్స్‌తో పాటు ఓటీటీ ప్లాట్‌ఫామ్ ఎరోస్ నౌ సబ్‌స్క్రిప్షన్ కూడా ఉచితంగా లభిస్తుంది. 50జీబీ డేటాకు డైలీ లిమిట్ ఉండదు. ఒకేసారి డేటా మొత్తం వస్తుంది. ఈ 50జీబీ డేటా అయిపోయాక 80Kbps వేగంతో ఇంటర్నెట్ వాడుకోవచ్చు. Jio Fiber : 14 OTTల సబ్‌స్క్రిప్షన్.. రూ.200కే - సెక్యూరిటీ డిపాజిట్ లేకుండా ఉచితంగా జియో ఫైబర్ కనెక్షన్.. వివరాలివే బీఎస్ఎన్ఎల్ రూ.299 ప్లాన్ ప్రతీ రోజు అధిక డేటా అవసరం అనుకునే వారికి ఈ ఎస్‌టీవీ ప్లాన్ సూటవుతుంది. డేటాతో పాటు అన్‌లిమిటెడ్ కాల్స్, ఎస్ఎంఎస్ బెనిఫిట్స్ కూడా లభిస్తాయి. బీఎస్ఎన్ఎల్ రూ.299 ప్లాన్ (BSNL STV_299) ప్లాన్‌తో రీచార్జ్ చేసుకుంటే ప్రతీ రోజు 3జీబీ డేటా లభిస్తుంది. అన్‌లిమిటెడ్ కాల్స్, రోజుకు 100ఎస్ఎంఎస్‌లు వాడుకోవచ్చు. ఈ ప్లాన్ వ్యాలిడిటీ 30 రోజులుగా ఉంటుంది. రోజులో 3జీబీ డేటా అయిపోయాక 80Kbps వేగంతో డేటా వినియోగించుకోవచ్చు. Jio - Airtel - Vodafone Idea : నెల వ్యాలిడిటీతో కొత్తగా లాంచ్ అయిన ప్లాన్లు ఇవే - ఏది బెస్ట్‌గా ఉందో చూడండి మరోవైపు ప్రైవేట్ టెలికం ఆపరేటర్లు రిలయన్స్ జియో, ఎయిర్‌టెల్‌, వొడాఫోన్ ఐడియా కూడా ఇటీవల 30 రోజులతో పాటు క్యాలెండర్ మంత్ వ్యాలిడిటీ ఉండే ప్లాన్‌లను కొత్తగా ప్రవేశపెట్టాయి.
కాగా ప్రస్తుతం బీఎస్ఎన్ఎల్ 3జీ నెట్‌వర్క్ మాత్రమే అందుబాటులో ఉంది. మరో నాలుగు నెలల్లో దేశంలో బీఎస్ఎన్ఎల్ 4జీ సేవలు ప్రారంభమయ్యే అవకాశం ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
