Bsnl Rs 2399 Prepaid Plan Now Giving 60 Days Additional Free Validity Call Sms Data Benefits
బీఎస్ఎన్ఎల్ బంపర్ ఆఫర్‌ - ఈ ప్లాన్‌తో 60 రోజుల ఉచిత వ్యాలిడిటీ - డేటా, కాల్స్, ఎస్ఎంఎస్ బెనిఫిట్స్‌తో
BSNL 60 days free validity offer : ఓ ప్రీపెయిడ్ ప్లాన్‌పై బీఎస్ఎన్ఎల్ ఆఫర్‌ ప్రకటించింది. ఈ వార్షిక ప్లాన్‌తో 60 రోజుల పాటు ఉచిత వ్యాలిడిటీ లభిస్తుంది. డేటా, అన్‌లిమిడెట్ కాల్స్, ఎస్ఎంఎస్ ప్రయోజనాలు అన్నీ దక్కుతాయి.
Authored byKrishna Prakash | Samayam Telugu30 May 2022, 6:20 pm
టెలికం సంస్థ భారత్‌ సంచార్ నిగమ్ లిమిటెడ్ (Bharat Sanchar Nigam Limited - BSNL) మరో ఆఫర్‌ను ప్రకటించింది. ఇటీవల కొత్త ప్లాన్‌లను తీసుకొస్తున్న ఈ ప్రభుత్వ కంపెనీ.. ఓ ప్లాన్‌పై ఆకర్షణీయమైన ఆఫర్‌ను ఇస్తోంది. ప్రైవేట్ టెలికం సంస్థలతో పోలిస్తే తక్కువ ధరకు ప్రీపెయిడ్ ప్లాన్‌లను బీఎస్ఎన్ఎల్ (BSNL) అందుబాటులో ఉంచుతోంది. అయితే ఇదే క్రమంలో ఓ వార్షిక ప్లాన్‌పై ఉచిత వ్యాలిడిటీ ఆఫర్‌ను తీసుకొచ్చింది. ఏకంగా రెండు నెలలు అంటే 60 రోజుల పాటు డేటా, అన్‌లిమిటెడ్ కాల్స్, ఎస్ఎంఎస్ ప్రయోజనాలు దక్కేలా ఉచిత వ్యాలిడిటీని ఇస్తోంది. జూన్ ముగిసే వరకు ఈ ఆఫర్‌ ఉండనుంది. అయితే ఇటీవల ఈ ప్లాన్‌తో రీచార్జ్ చేసుకున్న వారికి కూాడా వర్తిస్తుందని బీఎస్ఎన్ఎల్ పేర్కొంది.
BSNL Rs 2,399 Prepaid Plan | రూ.2,399 ప్లాన్‌పై ఈ 60 రోజుల ఉచిత వ్యాలిడిటీ ఆఫర్‌ను BSNL ప్రకటించింది. సాధారణంగా ఈ ప్లాన్‌తో రీచార్జ్ చేసుకుంటే 365 వ్యాలిడిటీ లభిస్తుంది. అయితే ఫ్రీ ఆఫర్‌తో కలిపి ఇప్పుడు మొత్తంగా 425 రోజులు దక్కనుంది. డేటా, కాల్స్, ఎస్ఎంఎస్ ప్రయోజనాలు అన్ని రోజుల్లో ఉంటాయి.
ప్రస్తుతం రూ.2,399 ప్లాన్‌తో రీచార్జ్ చేసుకుంటే 425 రోజుల వ్యాలిడిటీ దక్కుతుంది. ప్రతీరోజు 2జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి. దీంతోపాటు 30 రోజుల పాటు ఎరోస్ నౌ ఉచిత సబ్‌స్క్రిప్షన్ కూడా దక్కుతుంది. రోజులో 2జీబీ డేటా అయిపోయాక 40kbps వేగంతో డేటా వాడుకోవచ్చు.
రూ.2,399 ప్లాన్‌పై బీఎస్ఎన్ఎల్ ఆఫర్‌ ప్రకటించడం కొత్తేం కాదు. ఈ ఏడాది జనవరి నుంచి కొన్ని రోజుల పాటు ఏకంగా 90 రోజుల ఉచిత వ్యాలిడిటీ ఇచ్చింది. పరిమిత కాల ఆఫర్‌గా అందుబాటులోకి తెచ్చింది. అయితే ఇప్పుడు ఇంకోసారి ఈ ప్లాన్‌పై ఆఫర్‌ ప్రకటించింది. 60 రోజుల అదనపు వ్యాలిడిటీ ఇస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
