యూజర్ల డేటా భద్రత విషయంలో ఇప్పటికే తీవ్ర ఆరోపణలు ఎదుర్కొంటున్న ఫేస్బుక్ తాజాగా మరో షాకింగ్ న్యూస్ చెప్పింది. భద్రతా నిబంధనలకు విరుద్ధంగా సులువుగా చదవగలిగిన (ప్లెయిన్ టెక్స్ట్) ఫార్మాట్లోనే యూజర్ల పాస్వర్డ్లు సర్వర్లలో నిక్షిప్తమయ్యాయని అంగీకరించింది. అయితే ఈ పాస్వర్డ్లు ఫేస్బుక్ ఉద్యోగులకు తప్ప ఇతరుల చేతుల్లోకి వెళ్లలేదని స్పష్టం చేసింది. సెక్యూరిటీ న్యూస్ వెబ్సైట్ క్రెబ్స్ఆన్సెక్యూరిటీ.కామ్ గతంలోనే ఈ విషయాన్ని బహిర్గతం చేసింది. 20-60 కోట్ల మంది ఫేస్బుక్ ఖాతాదారుల పాస్వర్డ్లు సాధారణ అక్షరాల్లోనే స్టోర్ అయ్యాయని, ఇవి ఎన్క్రిప్షన్ రూపంలో లేవని, 20,000 మంది ఫేస్బుక్ ఉద్యోగులు వీటిని చూడగలుగుతున్నారని వివరించింది.
అయితే 2012 ముందు వరకు క్రియేట్ చేసుకున్న పాస్వర్డ్లు మాత్రమే ఈ ప్రభవానికి లోనయ్యాయని క్రెబ్స్ తెలిపింది. ఆ తరువాత పాస్వర్డ్లు మార్చుకున్నవారు, కొత్త యూజర్లు ఆందోళన చెందాల్సిన అవసరం లేదని పేర్కొంది.
అయితే 2012 ముందు వరకు క్రియేట్ చేసుకున్న పాస్వర్డ్లు మాత్రమే ఈ ప్రభవానికి లోనయ్యాయని క్రెబ్స్ తెలిపింది. ఆ తరువాత పాస్వర్డ్లు మార్చుకున్నవారు, కొత్త యూజర్లు ఆందోళన చెందాల్సిన అవసరం లేదని పేర్కొంది.