మోటో జీ9 వచ్చేస్తోంది.. మోటోరోలా మరో బడ్జెట్ ఫోన్ ఇదే!

మోటో జీ9 స్మార్ట్ ఫోన్ మనదేశంలో లాంచ్ అవ్వడానికి సిద్ధం అవుతోంది. ఈ-రిటైల్ వెబ్ సైట్ ఫ్లిప్ కార్ట్, మోటొరోలాలు ఒక కొత్త స్మార్ట్ ఫోన్ ను టీజ్ చేస్తున్న సంగతి తెలిసిందే. అయితే అది ఏ ఫోన్ అనే విషయం ఇంతవరకు తెలియరాలేదు. ఫ్లిప్ కార్ట్ ప్రత్యేక పేజీ యూఆర్ఎల్ లో మోటో జీ9 పేరు కనిపించింది. దీన్ని బట్టి ఈ ఫోన్ మోటో జీ9 లేదా మోటో జీ9 సిరీస్ లోని మోటో జీ9 ప్లస్, మోటో జీ9 ప్లేల్లో ఏదో ఒక ఫోన్ అయ్యే అవకాశం ఉంది.

Also Read: Nokia C3: త్వరలో మనదేశంలో లాంచ్.. అంచనా ధర, స్పెసిఫికేషన్లు ఇవే!

మోటో జీ9 లాంచ్
మోటొరోలా ఈ కొత్త స్మార్ట్ ఫోన్ ను ఆగస్టు 24వ తేదీన మధ్యాహ్నం 12 గంటలకు లాంచ్ చేయనుంది. ఈ ఫోన్ కు సంబంధించి ఎటువంటి ఈవెంట్ ను కంపెనీ ప్రకటించలేదు. దీన్ని నేరుగా కంపెనీ మార్కెట్లోకి లాంచ్ చేసే అవకాశం ఉంది.

మోటో జీ9 ఫీచర్లు, స్పెసిఫికేషన్లు(అంచనా)
మోటొరోలా ఈ మోటో జీ9 విషయంలో ఎంతో గోప్యతను పాటించింది. మోటో జీ సిరీస్ లో వచ్చిన మిగతా ఫోన్లను బట్టి చూస్తే ఇది కూడా బడ్జెట్ ఫోన్ అయ్యే అవకాశం ఉందని చెప్పవచ్చు. అద్భుతమైన ప్రదర్శన, స్టన్నింగ్ కెమెరా, భారీ బ్యాటరీ వంటి పదాలను ఇందులో ఉపయోగించారు. దీన్ని బట్టి ఇందులో 5000 ఎంఏహెచ్ బ్యాటరీని అందించే అవకాశం ఉంది.

దీంతోపాటు ఇందులో క్వాల్ కాం స్నాప్ డ్రాగన్ ప్రాసెసర్ ను అందిస్తున్నట్లు కంపెనీ తెలిపింది. తక్కువ కాంతిలో కూడా మంచి ఫొటోలు తీసే సామర్థ్యం ఈ ఫోన్ కు ఉందని మోటొరోలా తెలిపింది.

Also Read: ప్రారంభం కానున్న రియల్‌మీ యూత్ డేస్.. ఫోన్లపై 60 శాతం వరకు తగ్గింపు!

ఈ పేజ్ లో ఉన్న మిగతా వివరాల ప్రకారం ఇందులో వాటర్ డ్రాప్ నాచ్ ను అందించనున్నారు. ఆగస్టు 24వ తేదీన లాంచ్ అయ్యే ఈ ఫోన్ మోటో జీ8 సిరీస్ ఫోన్లకు తర్వాతి వెర్షన్ గా లాంచ్ కానుంది. దీని ధర గురించి కూడా ఇంతవరకు ఎటువంటి సమాచారం లేదు.