యాప్నగరం

Flipkart Big Billion Days sale : ఫ్లిప్‌కార్ట్‌‌లో 8 రోజులు ఆఫర్ల ధమాకా.. సేల్ తేదీలు వచ్చేశాయ్.. ఆఫర్లు ఎలా ఉంటాయంటే..

Flipkart Big Billion Days Sale 2022 : ఫ్లిప్‌కార్ట్‌ బిగ్ బిలియన్ డేస్ సేల్‌ తేదీలు వెల్లడయ్యాయి. ఈనెల 23వ తేదీన సేల్‌ మొదలవుతుంది. ఆఫర్ల వివరాలను కూడా ఫ్లిప్‌కార్ట్‌ పేర్కొంది. పూర్తి వివరాలు ఇవే.

Authored byKrishna Prakash | Samayam Telugu 21 Sep 2022, 2:53 pm
Flipkart Big Billion Days 2022 Sale Dates : ప్రముఖ ఈ-కామర్స్ ప్లాట్‌ఫామ్‌ ఫ్లిప్‌కార్ట్‌ (Flipkart) నిర్వహించనున్న బిగ్ బిలియన్ డేస్ (Big Billion Days) సేల్‌కు సంబంధించిన తేదీలు వచ్చేశాయి. ఇంతకాలం త్వరలో అంటూ ఊరిస్తూ వస్తున్న ఫ్లిప్‌కార్ట్‌ ఎట్టకేలకు సేల్‌ తేదీలను (Flipkart Sale Dates) ప్రకటించింది. ఈనెల 23వ తేదీ నుంచి 30వ తేదీ వరకు బిగ్ బిలియన్ డేస్ సేల్‌ను నిర్వహించనున్నట్టు అఫీషియల్‌గా వెల్లడించింది. దీంతో ఈసారి ఏకంగా 8 రోజుల పాటు ఆఫర్లు అందుబాటులో ఉండనున్నాయి. ప్లస్ మెంబర్స్‌కు అయితే ఒకరోజు ముందుగానే సేల్‌ అందుబాటులోకి వస్తుంది.
Samayam Telugu Flipkart Big Billion Days Sale Dates

ఫ్లిప్‌కార్ట్‌ బిగ్ బిలియన్ డేస్ సేల్‌లో (Flipkart Big Billion Days Sale) స్మార్ట్‌ఫోన్‌లు, ల్యాప్‌టాప్‌లు, స్మార్ట్ టీవీలు, హెడ్‌ఫోన్స్, రిఫ్రిజిరేటర్స్, ఎయిర్ కండీషనర్స్‌తో పాటు దాదాపు అన్ని ప్రొడక్టులపై భారీ డిస్కౌంట్లు ఇవ్వనున్నట్టు ఫ్లిప్‌కార్ట్‌ ప్రకటించింది. బ్యాంక్ కార్డ్ ఆఫర్లు కూడా అందుబాటులో ఉండనున్నాయి. ఇప్పటికే చాలా డీల్స్‌ను ఫ్లిప్‌కార్ట్‌ ప్రకటించింది. Flipkart Big Billion Days తేదీల పూర్తి వివరాలు, డిస్కౌంట్లు ఎలా ఉండనున్నాయి.. ఏ బ్యాంక్ కార్డ్‌లపై అదనపు డిస్కౌంట్ లభిస్తుందనే వివరాలు ఇక్కడ తెలుసుకోండి.

Flipkart Big Billion Days తేదీలు, సమయం
ఫ్లిప్‌కార్ట్‌ బిగ్ బిలియన్ డేస్ సేల్‌ ఈనెల 23వ తేదీ అర్ధరాత్రి 12 గంటలకు మొదలవుతుంది. ప్లస్ మెంబర్లకు 24 గంటల ముందుగానే అంటే ఈనెల 22నే ప్రారంభమవుతుంది. ఈనెల 30వ తేదీ వరకు సేల్ నడుస్తుంది. మొత్తంగా 8 రోజుల పాటు సేల్‌ ఆఫర్లు అందుబాటులో ఉంటాయి.
Flipkart Big Billion Days కార్డ్ ఆఫర్లు
ఫ్లిప్‌కార్ట్‌ బిగ్ బిలియన్ డేస్ సేల్‌లో ICICI బ్యాంక్, యాక్సిస్ బ్యాంక్ (Axis Bank) డెబిట్, క్రెడిట్ కార్డ్‌లపై అదనపు ఆఫర్లు ఉంటాయి. ఈ బ్యాంక్ కార్డ్‌లను ఉపయోగించి సేల్‌లో కొనుగోళ్లు చేస్తే 10శాతం వరకు అదనపు డిస్కౌంట్ లభిస్తుంది. కొన్ని ప్రొడక్టులపై ప్రత్యేకమైన ఎక్స్చేంజ్ ఆఫర్లు కూడా వర్తిస్తాయి.
Also Read: Amazon Great Indian Festival 2022 : అమెజాన్ సేల్‌ డేట్ ఇదే.. ఈ స్మార్ట్‌ఫోన్‌లు, స్మార్ట్ టీవీలపై బంపర్ ఆఫర్లు
Flipkart Big Billion Days డీల్స్
బిగ్ బిలియన్ డేస్ సేల్‌లో స్మార్ట్ టీవీలపై 50శాతం వరకు డిస్కౌంట్లు ఇవ్వనున్నట్టు ఫ్లిప్‌కార్ట్‌ పేర్కొంది. ఎయిర్ కండీషనర్లు, రిఫ్రిజిరేటర్లపై 55శాతం వరకు తగ్గింపు ఉంటుందని టీజ్ చేస్తోంది.

ఎక్కువగా సేల్‌ అయిన పాపులర్ మొబైల్స్‌పై అత్యధిక డిస్కౌంట్లను బిగ్ బిలియన్ డేస్‌లో ఇచ్చేందుకు ఫ్లిప్‌కార్ట్‌ సిద్దమైంది. యాపిల్, సామ్‌సంగ్‌, పోకో మోటో, రియల్‌మీ, ఒప్పో, వివో, ఇన్ఫినిక్స్, గూగుల్ పిక్సెల్ బ్రాండ్స్ స్మార్ట్‌ఫోన్‌లపై బిగ్ ఆఫర్లు ఉంటాయని ఫ్లిప్‌కార్ట్‌ ఇప్పటికే పేర్కొంది.

ల్యాప్‌టాప్‌లపై 40 శాతం వరకు ఈ సేల్‌లో డిస్కౌంట్లు ఉంటాయి. హెడ్‌ఫోన్స్, బ్లూటూత్ స్పీకర్లు, స్మార్ట్‌వాచ్‌లపై 80శాతం వరకు తగ్గింపు ఇవ్వనున్నట్టు ఫ్లిప్‌కార్ట్‌ చెబుతోంది. ఈ Flipkart Big Billion Days saleలో ట్యాబ్‌లపై 50 శాతం వరకు ఆఫర్లు ఉండనున్నాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.