Flipkart Sale : ఫ్లిప్‌కార్ట్‌ ఇంకోసారి.. రూ.7,199 నుంచే స్మార్ట్ టీవీలు.. అన్ని బ్రాండ్ల టీవీలపై భారీ ఆఫర్లు

Flipkart Big Diwali Sale : సేల్స్ విషయంలో ఈ-కామర్స్ సైట్ ఫ్లిప్‌కార్ట్‌ (Flipkart) అసలు తగ్గడం లేదు. ఒక సేల్‌ అయిపోయిన వెంటనే మరో సేల్‌ను తీసుకొస్తోంది. ఫ్లిప్‌కార్ట్‌ బిగ్ దివాళీ సేల్‌ (Flipkart Big Diwali Sale) ముగిసిన మూడు రోజుల్లోనే మళ్లీ అదే పేరుతో సేల్‌ మొదలుపెట్టింది. రెండో విడత ఫ్లిప్‌కార్ట్‌ బిగ్ దివాళీ సేల్‌ను తీసుకొచ్చింది. ఫ్లిప్‌కార్ట్‌ ప్లస్ మెంబర్లకు ఈ దివాళీ సేల్‌ నేడే (అక్టోబర్ 18) అందుబాటులోకి వచ్చింది. సాధారణ యూజర్లందరికీ రేపు (అక్టోబర్ 19) మొదలవుతోంది. ఈ సేల్‌లో స్మార్ట్‌ఫోన్‌లు, స్మార్ట్ టీవీలను మరోసారి ఆఫర్లను తీసుకొచ్చింది. ఈనెల 23వ తేదీ వరకు ఈ రెండో విడత బిగ్ దివాళీ సేల్‌ కొనసాగనుంది.

Flipkart Big Diwali Saleలో ఎస్‌బీఐ క్రెడిట్ కార్డ్‌లపై ప్రత్యేకమైన ఆఫర్‌ ఉంది. ఎస్‌బీఐ క్రెడిట్ కార్డులతో ప్రొడక్టులను కొంటే అదనంగా 10శాతం డిస్కౌంట్ పొందవచ్చు.

Flipkart Big Diwali Sale : స్మార్ట్ టీవీలపై బంపర్ ఆఫర్లు
ఫ్లిప్‌కార్ట్‌ బిగ్ దివాళీ సేల్‌లో స్మార్ట్ టీవీలపై మంచి ఆఫర్లు ఉన్నాయి. అతితక్కువ ధరకు స్మార్ట్ టీవీ కావాలనుకునే వారి కోసం ఇన్ఫినిక్స్ వై1 32 ఇంచుల స్మార్ట్ టీవీ బెటర్ ఆప్షన్‌గా ఉంది. ఎస్‌బీఐ క్రెడిట్ కార్డ్ ఆఫర్‌ కలిపి రూ.7,199కే ఈ టీవీని సొంతం చేసుకోవచ్చు. సామ్‌సంగ్‌, వన్‌ప్లస్‌, షావోమీ, ఎంఐ, ఎల్‌జీ, రియల్‌మీ, కంపెనీలకు చెందిన 32 ఇంచుల స్మార్ట్ టీవీలను ఈ సేల్‌లో రూ.12వేలలోపు ధరకే దక్కించుకనేలా డిస్కౌంట్లు అందుబాటులో ఉన్నాయి.

40 ఇంచుల ఫుల్ హెచ్‌డీ, 43 ఇంచుల 4కే స్మార్ట్ టీవీలు తగ్గింపు ధరలకు లభిస్తున్నాయి. థామ్సన్ 55 ఇంచుల 4కే స్మార్ట్ టీవీల రూ.27,499కే లభిస్తుండగా.. ఎస్‌బీఐ క్రెడిట్ కార్డ్ ఆఫర్‌తో మరింత తగ్గింపు పొందవచ్చు. సామ్‌సంగ్‌ 43 ఇంచుల 4కే టీవీ రూ.27,749కే అందుబాటులో ఉంది. షావోమీ ఎక్స్ సిరీస్‌లో 43 ఇంచుల 4కే స్మార్ట్ టీవీని రూ.25వేలలోపు ధరకే సొంతం చేసుకోవచ్చు. ఇలా అన్ని బ్రాండ్ల స్మార్ట్ టీవీలపై ఆఫర్లు ఉన్నాయి.

మొబైల్స్ విషయానికి వస్తే, ఫ్లిప్‌కార్ట్‌ బిగ్ దివాళీ సేల్‌లో మరోసారి డిస్కౌంట్లు అందుబాటులోకి వచ్చాయి. ఐఫోన్ 13, గూగుల్ పిక్సెల్ 6ఏ, నథింగ్ ఫోన్‌ 1, సామ్‌సంగ్‌ గెలాక్సీ ఎస్21 ఎఫ్ఈ 5జీ, మోటో జీ62 5జీ, రియల్‌మీ జీటీ నియో 3టీ, పోకో ఎఫ్4 5జీ, ఒప్పో రెనో 8, సామ్‌సంగ్‌ గెలాక్సీ ఎఫ్23 5జీ, రెడ్‌మీ 10, పోకో ఎం4 5జీ, రియల్‌మీ 9ఐ 5జీ మరోసారి ఆఫర్లకు అందుబాటులోకి వచ్చాయి. వీటితో పాటు బడ్జెట్, మిడ్, ఫ్లాగ్‌షిప్‌ రేంజ్‌ల్లో అన్ని కంపెనీలకు చెందిన చాలా స్మార్ట్‌ఫోన్‌లు డిస్కౌంట్ ధరతో లభిస్తున్నాయి.