Google Photos వాడుతున్నారా? అయితే మీరు జాగ్రత్తగా ఉండాల్సిందే! లేకపోతే మీ వీడియోలు?

గూగుల్ ఫొటోస్ యాప్ ను ఎక్కువగా వాడుతూ ఉంటారా? అయితే ఇది మీకు బ్యాడ్ న్యూసే! ఎందుకంటే టెక్నికల్ ఇష్యూ కారణంగా ఈ యాప్ వాడే వారికి సంబంధించిన వీడియోలు వేరే వారి గ్యాలరీల్లోకి వెళ్లాయి. ఈ విషయాన్ని గూగులే స్వయంగా వెల్లడించింది. గతేడాది నవంబర్ లో ఈ సమస్య ఎదురైనట్లు గూగుల్ తెలిపింది. ఈ సంఘటనను ఎదుర్కొన్న వినియోగదారులకు గూగుల్ సమస్యను వివరించడానికి రెండు నెలలు పట్టింది. దీంతో పాటు గూగుల్ అందించే 'Download Your Data' అనే సర్వీస్ కూడా దీని కారణంగా సమస్యలను ఎదుర్కొంది. దీన్ని గూగుల్ టేక్ అవుట్ అంటారు.

Also Read: Poco X2 Vs Realme X2: వీటిలో ఏది బెస్ట్? దీన్ని చదివి మీరే డిసైడ్ అవ్వండి!

నవంబర్ 21వ తేదీ నుంచి 25వ తేదీ మధ్య గూగుల్ టేక్ అవుట్ సర్వీసుల ద్వారా డేటా ఎక్స్ పోర్ట్ కోసం ప్రయత్నించిన వారికి ఈ సమస్య ఎదురైనట్లు గూగుల్ ఈ-మెయిల్ లో పేర్కొంది. “దురదృష్టవశాత్తు, ఈ సమయంలో గూగుల్ ఫోటోస్ లోని కొన్ని వీడియోలు సంబంధం లేని వారి ఆర్కైవ్‌లకు తప్పుగా ఎక్స్ పోర్ట్ అయ్యాయి. మీ గూగుల్ ఫొటోస్ అకౌంట్ లోని ఒకటి లేదా అంతకంటే ఎక్కువ వీడియోలకు ఈ సమస్య ఎదురయ్యాయి” అని ఈ-మెయిల్ లో పేర్కొన్నారు.

Also Read: All Time Blockbuster కొట్టేసిన Poco X2.. ఇలాంటి ఫోన్లు వస్తే మిగతా కంపెనీలు మూసుకోవాల్సిందే!

ఒకటి లేదా అంతకంటే ఎక్కువ వీడియోలకు ఈ సమస్య ఎదురైందని గూగుల్ ప్రత్యేకంగా గుర్తించింది. సరిగ్గా ఎన్ని వీడియోలు దీని కారణంగా ప్రభావితం అయ్యాయనే అంశంపై ఇది స్పష్టత ఇవ్వలేదు. ఈ ఐదు రోజుల వ్యవధిలో డౌన్‌లోడ్ చేసిన డేటా సరిగ్గా లేకపోవచ్చు లేదా అపరిచితుల వీడియోలను కలిగి ఉండవచ్చని తెలియజేసింది. ఈ సమస్యను గుర్తించి పరిష్కరించినట్లు గూగుల్ పేర్కొంది. దీని కారణంగా ప్రభావితమైన వినియోగదారులు ప్రస్తుతం ఉన్న కంటెంట్ ను డిలీట్ చేసే ముందు ఒక్కసారి ఎక్స్ పోర్ట్ చేయాల్సిందిగా కోరింది.

Also Read: రూ.20 వేలలోపు బెస్ట్ ఫోన్లు ఇవే! ఈ బడ్జెట్ లో ఫోన్ కొనాలంటే అది వీటిలోనే ఉంటుంది!(ఫిబ్రవరి 2020)

నవంబర్ 21వ తేదీ నుంచి 25వ తేదీ మధ్యలో గూగుల్ ఫొటోస్ ను ఎక్స్ పోర్ట్ సర్వీస్ ద్వారా ఫొటోలు డౌన్ లోడ్ చేసిన వారికి మాత్రమే ఈ సమస్య ఎదురైందని, మిగిలిన వారికి ఈ సమస్య ఎదురుకాలేదని గూగుల్ పేర్కొంది. కాబట్టి ఆయా తేదీల్లో మీరు మీ ఫొటోస్ ను గూగుల్ ఫొటోస్ నుంచి డౌన్ లోడ్ చేయకపోతే మీ వీడియోలు సేఫ్ గా ఉన్నట్లేనన్న మాట! అయితే టెక్నాలజీ మీ ఎప్పుడూ ఎక్కువగా ఆధారపడటం అంత మంచి విషయం కాదు. కాబట్టి వ్యక్తిగతం అనుకున్న వీడియోలను ఇలాంటి ఆన్ లైన్ స్టోరేజ్ లో కాకుండా పెన్ డ్రైవ్ లు, హార్డ్ డ్రైవ్ ల్లో సేవ్ చేసుకోవడం ఉత్తమం.