Valentine's Day 2022: క్యూట్‌గా వాలెంటైన్స్ డే గూగుల్ డూడుల్.. చిన్న గేమ్ ఆడి లవర్స్‌ను కలపండి

Valentine's Day 2022 Google Doodle | ప్రేమికుల రోజు వచ్చేసింది. లవర్స్ ఎంతో సంబరంగా జరుపుకునే ఫిబ్రవరి 14, వాలెంటైన్స్ డే ఈ రోజే. ఇప్పటికే ఈరోజు ఎలా సెలెబ్రేట్ చేసుకోవాలో జంటలు ప్లాన్ చేసుకొని ఉంటాయి. అయితే ప్రేమికులతో పాటు వాలెంటైన్స్ డేను గూగుల్ కూడా సెలెబ్రేట్ చేస్తోంది. చిన్న గేమ్‌తో గొప్ప సందేశం ఇస్తోంది. మనుసుకు ఇష్టమైన వారికి పూలు, గిఫ్ట్‌లు, కార్డులు, చాక్లెట్లు ఇవ్వడమే కాకుండా.. కొందరు ప్రేమికులు కొత్తగా ఆలోచించి వినూత్నంగా విషెస్ చెబుతారు. ఈ రోజును ఎప్పటికీ గుర్తుండేలా చేస్తారు. గూగుల్ కూడా వాలెంటెన్స్ డే రోజు (Valentine's Day 2022) స్పెషెల్ విషెస్‌తో ముందుకొచ్చింది. వాలెంటైన్స్ డే 2022 డూడుల్ (Google Doodle) ఎంతో ఆకర్షణీయంగా విషెస్ చెబుతోంది. ఆ చిన్న గేమ్‌తో లవర్స్‌ను కలిపే టాస్క్ ఇస్తోంది. గేమ్ ఎలా ఆడాలో, దాని ద్వారా వచ్చే సందేశం ఏంటో చూడండి.

హ్యాపీ వాలెంటైన్స్ డే 2022 (Happy Valentine's Day 2022) గూగుల్ డూడుల్‌లో రెండు హామ్‌స్టర్స్ (Hamsters) ఉంటాయి. ముందుగా ఒకదానికి ఒకటి విష్ చేసుకుంటాయి. అనంతరం మేజ్ ద్వారా రెండు చెరో వైపునకు వెళ్లి దూరం వెళ్లిపోతాయి. అనంతరం మధ్యలో లవ్ సింబల్ ఉండే గూగుల్ పేరుతో ఓ చిన్న మేజ్ గేమ్ వస్తుంది. కింద ఉన్న కంట్రోల్స్ ద్వారా దారి సరిగా లేని మేజ్‌ను సరిగ్గా జత చేస్తే మళ్లీ రెండు హామ్‌స్టర్లు (చిట్టి ఎలుక లాంటివి) కలుస్తాయి. మళ్లీ ప్రేమ కురిపించుకుంటాయి. ప్రేమ ప్రయాణంలో సర్‌ప్రైజ్‌లు, కష్టాలు, ట్విస్ట్‌లు ఉంటాయనే సందేశాన్ని ఈ గూగుల్ డూడుల్ (Happy Valentine's Day 2022 Google Doodle) ఇస్తోంది. అయితే ఎన్ని కష్టాలు ఎదురైనా మళ్లీ కలుసుకునేందుకు ప్రేమ దారి ఏర్పరుచుకుంటుందని ఈ మేజ్ గేమ్ ద్వారా తెలియచెపుతోంది గూగుల్.

"కొన్నిసార్లు లవ్ చాలా సర్‌ప్రైజ్ చేస్తుంది. చాలా ట్విస్ట్‌లు, మలుపులు ఉండొచ్చు. ఎన్నో ఒడిదుడుకులు ఎదురవొచ్చు. అయినా మళ్లీ ప్రపంచాన్ని కలిపి ప్రేమ దగ్గర చేయగలదు. ప్రేమికులు కలిసిపోగలరు. రెండు హామ్‌స్టర్లు ఉన్న నేటి ఇంటెరాక్టివ్ 3డీ గూగుల్ డూడుల్‌ను చూడండి. ఆ రెండు హామ్‌స్టర్లు మళ్లీ కలుసుకునేలా వాటి దారులను మీరు సరిగ్గా కలపగలరా? అవి చెప్పినట్టే, మీరు ప్రేమగా ఫీలయ్యే దగ్గరే మీ హృదయం ఉంటుంది. హ్యాపీ వాలెంటైన్స్ డే!" అని గూగుల్ పేర్కొంది.

మొత్తంగా 30 సెకన్ల నిడివి ఉన్న వీడియోను గూగుల్ షేర్ చేసింది. ఈ రోజు గూగుల్ హోమ్ (https://www.google.co.in/) పేజీకి వెళితే ఈ డూడుల్ కనిపిస్తుంది. మీకు కూడా ఆ డూడుల్‌పై క్లిక్ చేసి ఈ గేమ్ ఆడొచ్చు. కింద ఉన్న లివర్లను జరుపుతూ మేజ్ దారిని సరిచేసి రెండు హామ్‌స్టర్లను కలపవచ్చు. అప్పుడు మళ్లీ హామ్‌స్టర్లు మళ్లీ ఒకటవుతాయి. గూగుల్ లోగో పూర్తవుతుంది.